INSAYDER

2024-05-03 16:20:13 Чилонзорда дарахт қулаши оқибатида чақалоқ қиз ҳалок бўлди

Маълум қилинишича, ҳолат 3 май куни соат 11:50 атрофида туманнинг 5-мавзесида содир бўлган. 55 ёшли энага Е.М. болалар аравачасида 2023 йилда туғилган А.П.ни олиб кетаётганида уни дарахт босиб қолган. Оқибатда қизча ҳодиса жойида вафот этган.

@insideruzbek Ochish/sharhlash

2024-05-03 15:20:21 Ўзбекистонда таълимга маъсуллар шуғулланаётган ишлар ҳақида

Мактабга бир кун яшил, бир кун пушти кофта кийиб келган ва директорга сиз ҳам оқ кийинмагансизку дея эътироз билдирган инглиз тили ўқитувчиси устидан далолатнома тузишибди. У директорга айтган гапи учун тушунтириш хати ёзишдан бош тортган эмиш.

@insideruzbek Ochish/sharhlash

2024-05-02 15:54:01 Уй-жой шароитини яхшилашга муҳтож бўлганларга 120 миллион сўмгача ипотека кредити берилади

2024 йил 1 июндан “маҳалла еттилиги” тавсияси асосида Камбағалликдан чиқариш дастурига киритилган ва уй-жой шароитини яхшилашга муҳтож бўлган шахсларга ипотека кредитларини ажратиш амалиёти жорий этилади.

Президент фармонига кўра:

⁃ ипотека кредитлари 120 миллион сўмгача миқдорда, 20 йилгача муддатга, Марказий банкнинг асосий ставкасидан тўрт фоиз бандга юқори ставкада якка тартибдаги уй-жойни қуриш, реконструкция қилиш ва таъмирлаш мақсадлари учун ажратилади;

⁃ ипотека кредити бўйича дастлабки бадалнинг бир қисмини қоплаш учун – ажратиладиган кредитнинг 15 фоизи миқдорида ҳамда фоиз тўловларининг бир қисмини қоплаш учун – кредит муддатининг биринчи 5 йили давомида 12 фоиздан ошган қисмига субсидия тўланади.

Шунингдек, ҳудудларда 100 мингта квартирадан иборат бўлган кўп қаватли уй-жойлар қурилади.

@insideruzbek Ochish/sharhlash

2024-04-26 17:52:30 Таваккалчиликка асосланган ўйинларни ташкил этиш ва букмекерлик фаолиятини амалга оширишга рухсат этилади – Президент Фармони

Фармонга кўра, 2025 йил 1 январдан:

⁃ интернет тармоғида таваккалчиликка асосланган ўйинларни ташкил этиш фаолиятини ва букмекерлик фаолиятини амалга оширишга рухсат этилади;

⁃ лотерея, интернет тармоғида ўйинлар ва букмекерликни ташкил этиш фаолиятлари қонунчиликка мувофиқ Истиқболли лойиҳалар миллий агентлиги (ваколатли орган) томонидан бериладиган лицензиялар асосида амалга оширади.

Лицензиялар асосида ташкиллаштирилган лотерея, интернет тармоғидаги ўйинлар ва букмекерлик гаровларида фақат 18 ёшга тўлган Ўзбекистон резиденти ва норезидентлари қатнашиши мумкин.

2025 йил 1 январдан 5 йил муддатга лотерея ҳамда интернет тармоғида ўйинларни ташкил этиш фаолиятини ва букмекерлик фаолиятини солиққа тортишнинг қуйидагиларни назарда тутувчи тартиби белгиланади:

⁃ лотерея, интернет тармоғида ўйинларни ташкил этиш фаолиятини ёки букмекерлик фаолиятини амалга ошираётган юридик шахслар лотерея, интернет тармоғида ўйинларни ташкил этиш фаолиятидан ёки букмекерлик фаолиятидан олинган жами даромадидан тўланган ютуқлар ва қайтарилган ставкалар чегирилган ҳолда 4 фоиз ставкасида айланмадан олинадиган солиқ тўловчилари ҳисобланади;

⁃ жисмоний шахсларнинг Агентлик томонидан берилган лицензиялар асосида ўтказиладиган лотереялар ҳамда интернет тармоғидаги ўйинлардан ва букмекерлик гаровидан олинган ютуқлар сифатидаги даромадлари даромад солиғи тўлашдан озод этилади.

Лотерея ва интернет тармоғида ўйинлар, букмекерлик фаолияти ташкилотчиларининг жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш тўғрисидаги қонунчилик ҳужжатларига риоя этишини мониторинг ва назорат қилиш функциялари Агентлик ва Бош прокуратура ҳузуридаги Иқтисодий жиноятларга қарши курашиш департаменти томонидан амалга оширилади.

@insideruzbek Ochish/sharhlash

2024-04-22 16:29:38 Энди қоидаларни бузганлар дронлар орқали ҳам аниқланади

Ички ишлар органлари ўз фаолиятида дронлардан фойдаланишни бошлайди. ИИВ маълумотига кўра, йўл ҳаракати хавфсизлиги тизимида дронлар ЙТҲ, қоидабузарликларни аниқлаш, қидирув-қутқарув, олиб қочилган ва ўғирланган автомобилларни топиш имкониятини беради.

@insideruzbek Ochish/sharhlash

2024-04-22 13:21:40 Эртадан Damas учун онлайн контрактация очилади.

UzAutoMotors хабарига кўра, нархлар ўзгаришсиз қолади.

@insideruzbek Ochish/sharhlash

2024-04-22 04:37:01 Ўзбекистон аҳолиси расман 37 млн кишига етди

22 апрел тонги Ўзбекистон учун хушхабар билан бошланди. Марказий Осиёнинг энг кўп аҳолисига эга бўлган ўзбекистонликлар расман 37 млн кишидан ошди. Шундан салкам 18,6 млн.и эркаклар, 18,34 млн.и аёллардан иборат.

@insideruzbek Ochish/sharhlash

2024-04-20 13:00:32 Украинада ҳайдовчи ва унинг шериги уларни тўхтатган полициячиларни отиб ташлади.

Бир нафар полициячи вафот этган, иккинчиси шифохонада. Гумондорлар қўлга олинган.

Видео вафот этган полициячининг боди-камерасида тасвирга олинган. +18

@insideruzbek Ochish/sharhlash

2024-04-17 17:26:41 Ўзбекистонда болалар учун хавфли яна бир сироп аниқланди

Санэпидқўмита овқатдан заҳарланиш ҳолатларини келиб чиқишининг олдини олиш мақсадида «Rinotin kids» биологик фаол қўшимчасига берилган рухсатномаларни бекор қилди. Республика ҳудудларидаги барча савдо тармоқлари ҳамда дорихоналардан сиропни қайтариб олиш топшириғи берилган.

@insidetuzbek Ochish/sharhlash

2024-04-16 14:41:14 Табиий газ нархи 1 майдан 650 сўм бўлади

Янги тарифга кўра, 1 куб/метр газ нархи 650 сўм (ҳозир 380 сўм) этиб белгиланади. Бунда ҳам ижтимоий нормалар белгиланади — унга кўра, мартдан октябргача (иссиқ кунларда) — ҳар 100 кубометргача 650 сўмдан, қишда эса 500 кубометргача 650 сўмдан тўлайсиз. Ëзда 100 кубометрдан кўп газ ишлатилганда, нарх 1500 сўмга кўтарилади, қишда эса 500 кубометрдан ошганда, 1500 сўмгача қимматлашади.

@insideruzbek Ochish/sharhlash