2021-10-23 15:35:03
Juniordan Middlega, Middledan Seniorga o'tish jarayoni haqidaHo'p siz Middle yoki Senior Developer bo'lishga tayyorman deb o'ylayapsiz. Lekin buni qanday hal qilinadi?
Odatda kompaniyalarda
Performance Review degan jarayon bo'ladi. Bu jarayon bir yilda ikki marta bo'ladi. Bundan maqsad siz ohirgi yarim yil ichida ishlaringizni yaxshi qildingizmi, yaxshi ham-kasb bo'ldingizmi va o'zingiz uchun qo'yilgan maqsadlarga erishdingizmi degan savollarga javob topish.
Ushbu jarayon quyidagicha amalga oshiriladi:
1. Menejringiz sizning o'zingizdan o'tgan 6 oyda qilgan ishlaringiz haqidagi fikringizni so'raydi. O'zingiz aytasiz, zo'r ishladim, yaxshi ishladim yoki uncha o'xshamadi deb.
2. Menejeringiz siz haqingizda boshqa ham-kasblaringizdan so'raydi. Ular siz haqingizda menejerga feedback berishadi.
3. Menejeringiz bularni hammasini yig'ib siz uchun bitta report tayyorlaydi. Bu reportda shu feedbacklardan olingan hulosalar yozilgan bo'ladi.
4. Menejeringiz bilan birga bir yig'ilish bo'ladi. Bu yig'ilishda shu reportni muhokama qilasizlar. Qolganlar siz haqingizda nima gaplar gapirganini ko'rasiz. Albatta aynan kim shu gaplarni aytganini ko'ra olmaysiz. Shu gaplarga qo'shilasizmi yo'qmi muhokama qilasiz. Aytib o'tish kerakki bu yerda faqatgina qilgan ishingiz emas balki qanday ham-kasb bo'lganingiz ham muhim ro'l o'ynaydi. Zo'r ishlab boshqalarga yomon munosabatda bo'lgan bo'lsangiz bu katta minus. Menda masalan "He has the best jokes" degan feedback bo'lgan va bu katta plyus bo'lgan men uchun. Keyin esa o'tgan yarim yilda o'zingiz uchun qo'ygan maqsadlarga erishdingizmi yo'qmi ko'rib chiqasizlar.
5. Menejeringiz sizga darajangiz o'zgardimi yo'qmi aytadi. Odatda bu narsa oylikka ham tasir qiladi.
6. Keyin esa keyinga 6 oylikka o'zingiz uchun menejer bilan birgalikda maqsad qo'yasizlar.
E'tibor beringa, menejerni o'rni sizning karyerangizda juda juda katta. Yaxshi menejer bilan siz burgutdek uchib ketishingiz mumkin. Yomoni bilan esa joyingizdan qimirlamay qotib qolishingiz mumkin. Ahir aytishadiku "Dasturchini er qiladigan ham, qaro yer qiladigan ham bu menejer" deb.
@jakhonrakhmon
65 views12:35