2023-04-13 04:41:17
ҚАЙЕРГА КЕТЯПСАН,МОҲИ РАМАЗОН.
Бутун ер юзини нурга тўлдириб,
Шайтоннинг жонини минга бўлдириб.
Соғинган дилларни завққа тўлдириб,
Оламга нур бўлиб, келган РАМАЗОН.
Қаерга кетяпсан, моҳи РАМАЗОН.
Ёлғиз Яратганга холис ибодат,
Сенда яширинган нурли синоат.
Ажрини фаришта билмас мукофот,
Иймонга дур бўлиб келган РАМАЗОН.
Қаерга кетяпсан, моҳи РАМАЗОН.
Умар сенга қилган жонини фидо,
Хушини йўқотган айтолмай видо.
Усмон ибни Авфон ул Абу Дардо,
Шуннча қадрлисан бизга РАМАЗОН.
Қаерга кетяпсан, моҳи РАМАЗОН.
Бу ой кароматдир,шаффоат ҳикмат,
Асхоблар хаёти бизларга ибрат.
Асли яратгандан,энг гўзал ҳиммат,
Саодат асридан мерос РАМАЗОН.
Қайерга кетяпсан,моҳи РАМАЗОН.
Бир куни уйига чорлади Али,
Унга келган эди ифторлик гали.
Таоми йўқ эди мехмон қилгани,
Жаннатдан келтирган таом РАМАЗОН.
Қаерга кетяпсан, моҳи РАМАЗОН.
Осмон пардалари кўтарилган ой,
Қуръон каломуллох нозир бўлган ой.
Диндошим бизларга фарз бўлган бу ой,
Рахмат эшикларин очган РАМАЗОН
Қаерга кетяпсан, моҳи РАМАЗОН.
Минг ойдан азизроқ мукофотинг бор,
Роббим савобингдан бўлдик умидвор.
Минг кечангдан афзал қадр кечанг бор,
Тангримнинг неъмати меҳмон РАМАЗОН.
Қайерга кетяпсан,моҳи РАМАЗОН.
Алвидо, Адвидо шахри РАМАЗОН,
Алфироқ, алфироқ эй, хатми қуръон,
Умматга берилган райёнга имкон,
Қалбга сурур бўлиб, келган РАМАЗОН
Қаерга кетяпсан, моҳи РАМАЗОН.
Хайрлашмоқ оғир чидолмам эй, вох,
Дилга таскин беринг эй, Абуравох,
Сизни тушда кўрай, ё Росулаллох.
Жаннатга йул бўлиб, келган РАМАЗОН.
Қаерга кетяпсан, моҳи РАМАЗОН.
7 views01:41