2022-10-09 17:39:58
WiFi yoki 3G/4G internet qaysi biri batareyani ko‘proq sarflaydi?
"3G/4G internet smartfon batareyasini ko‘proq sarflaydi, WiFi esa aksincha tejamkor" degan fikr mavjud. Haqiqatan ham shundaymi yoki yo‘q, ma’lumot beramiz.
Odatda, smartfon ishlab chiqaruvchilar WiFi va 3G/4G (LTE ) internet smartfon batareyasini deyarli bir xil sarflaydi deb ta’kidlashadi. Haqiqatan ham shunday — faqat smartfon bir joyda turganda. Foydalanuvchi harakatlanganda 3G/4G tarmog‘i WiFi ga nisbatan ko‘proq quvvat sarflaydi.
Nima uchun 3G/4G batareyani ko‘proq sarflaydi?
Hozirgi kunda barcha mobil aloqa operatorlarimiz 3G va 4G tarmoqlariga bir vaqtning o‘zida ulanish rejimida ishlaydi. Bu — smartfoningiz aloqani ushlab turishi uchun ikki barobar ko‘p chastotalarni qayta ishlashi kerak degani va bu o‘z navbatida ko‘proq quvvat sarflanishiga olib keladi.
Qo‘ng‘iroq qilmoqchi bo‘lganingizda yoki SMS yuborish va qabul qilishda, smartfon 3G chastotasiga o‘tishi kerak bo‘ladi. Radioaloqa holatidagi bu o‘zgarish batareyaga yuk ortishiga sabab bo‘ladi.
Foydalanuvchi harakatlanganda smartfon bir tayanch stansiyasidan boshqasiga o‘tadi va bu jarayon qo‘shimcha quvvatni talab qiladi.
Masalan, aloqa signali yomon hududga tushib qolsangiz, smartfon tayanch stansiyasiga ulanish uchun o‘z kuchini avtomatik ravishda oshiradi. Ya’ni tarmoq qamrovi va aloqa signali qanchalik yomon bo‘lsa, quvvat sarfi shunchalik yuqori bo‘ladi.
@ilovazor
1.6K views14:39
I
