Tolibi ilmlarga eslatma

2022-08-31 06:57:12 Ilm bu – yod olish, fahmlash, amal qilish, tatbiq etish, xulqlanish, ibodat, himoyalanish, oydinlik kiritish, Alloh uchun nafsni sarhisob qilib uni nazorat qilish, anbiyolar sayyidi alayhissolatu vasallamning hayot yoʻllaridan yurish va u zotga yaxshilik ila ergashgan sahobalar va tobeinlarning siyratlariga iqtido qilish demakdir.

Alloma Muhammad Avvoma hafizahulloh.

Muhammad Ali Muhammad Yusuf tarjimasi

@Ilmtolibiga_nasihat Ochish/sharhlash

2022-08-29 03:59:01 Ibn Qoyyim rohimahulloh aytadi: "Ovozlarni Rosululloh sollallohu alayhi vasallamning ovozidan baland koʻtarish amallarni xabata qiluvchilardan ekan, fikrlarni Rosulullohning sunnatidan ustun qoʻyishga nima deysiz?!"

@Ilmtolibiga_nasihat Ochish/sharhlash

2022-08-28 03:57:01 Hazrati Ali ibn Abu Tolib roziyallohu anhu aytadilar:
"Haqiqiy faqih – odamlarni Allohning rahmatidan umidsizlantirmaydigan va ularga Allohga maʼsiyatda ruxsat ham bermaydigan hamda ularni Allohning azobidan xotirjam ham qilib qoʻymaydigan kishidir".

@Ilmtolibiga_nasihat Ochish/sharhlash

2022-08-27 02:25:11 Ibn Qoyyim rohimahulloh aytadilar: "Solihlarning suhbati seni olti narsadan olti narsaga chiqaradi:
1. Shubhadan kuchli yaqiniy iymonga
2. Riyodan ixlosga
3. Gʻaflatdan zikrga
4. Dunyoga boʻlgan hirsdan oxiratga boʻlgan ragʻbatga
5. Kibrdan tavoze'ga
6. Yomon niyatdan nasihatga".

@Ilmtolibiga_nasihat Ochish/sharhlash

2022-08-26 03:04:01 Ziyo Maqdisiy ilm izlab safarbar boʻlganida unga Ibrohim ibn Abdulvohid Maqdisiy shunday tavsiya berdi:
“Qurʼonni koʻp tilovat qil, uni tashlab qoʻyma. Chunki oʻqigan miqdoringa qarab, talab qilayotgan narsang senga osonlashtiriladi”.

Ziyo Maqdisiy shunday dedi:
“Men oʻsha narsaning guvohi boʻldim, koʻp sinab koʻrdim. Qurʼondan koʻp oʻqisam, juda koʻp hadis eshitib uni yozishga muyassar boʻlardim. Agar oʻqimasam bunga muyassar boʻla olmas edim”.

“Zaylu tobaqotul hanabila” Ibn Rajab 3/205.

Muhammad Ali Muhammad Yusuf tarjimasi

@Ilmtolibiga_nasihat Ochish/sharhlash

2022-08-25 03:50:13 Ibn Javziy rohimahulloh aytadilar:
"Kim Allohning inoyatidan oʻzining nasibasi qancha ekanligini bilishni xohlasa, unda Allohning dinini tushunishdagi nasibasi qancha ekanligiga qarasin. Zero, hadisda: "Alloh kimga yaxshilikni iroda qilsa, uni dinda faqih qilib qoʻyadi", deyilgan".

@Ilmtolibiga_nasihat Ochish/sharhlash

2022-08-24 03:27:33 Ibrohim Naxa'iy rohimahulloh aytadilar:
"Kim Allohning rizoligini izlash uchun ilm talab qilsa, Alloh unga yetarli narsani ato qilib beradi".

"Al-jome' li axloq-ur roviy va adab-u some'" asaridan

@Ilmtolibiga_nasihat Ochish/sharhlash

2022-08-21 08:28:25 Farzandlaringizni oʻzingiz rozi boʻlmagan narsalardan xabardor boʻlishlaridan man qilish sizning qudratingiz chegarasiga kirmaydi.

(Ayni holat) bugunning urushidir.

Bu urushda faqatgina jihozlar (turli qurilmalar)ini tortib olish bilan natijaga erishib bo'lmaydi, bu urushda toatlar, sabr-u qanoatlar ekiladi. Shunday ekan, ularning qalblariga "Alloh kuzatib turibdi" degan hisni jo qilinglar.

@Ilmtolibiga_nasihat Ochish/sharhlash

2022-08-20 14:37:33 Bu ikki rasm magʻriblik buyuk olim shayx Saʼid Kamaliy imom Molik rahimahullohning “Muvatto” kitoblarini sharhlashni boshlagan va tugatgan vaqtlaridagi rasm ekan. Oradan 12 yil oʻtgan.

Rasululloh sollallohu alayhi vasallam aytdilar: “Kimning bir tolasi Alloh yoʻlida oqarsa, bu uning uchun qiyomat kuni nur boʻladi”.
(Termiziy rivoyati)

Alloh taolo shayxni hifzida saqlasin, bizlarni u zotdan manfaatlantirsin. Omin.

Ikrom Sharif

@Ilmtolibiga_nasihat Ochish/sharhlash

2022-08-19 16:32:47 Shayx alloma Muhammad Avvoma hafizahulloh dedi: “Bir marta sayyidim shayx Abdulfattoh Abu Gʻudda rahimahullohga telefon orqali qoʻngʻiroq qildim. Bir ishni soʻradim. Ovozlaridan charchoq, zaiflikni sezdimda, keyin qoʻngʻiroq qilarman degan maʼnoda uzr soʻradim. U zot boʻlsalar, “aytaver, aytaver” deb, soʻrashimni talab etardilar. Chunki u zotlar (muhaddislar qoʻllaydigan “bizga aytib berdi”, “bizga xabar berdi”) “haddasana” va “axbarana” kabi kalimalardan shifo topib, tuzalib ketishardi”.

Shayx Muhammad Avvomaning “Maʼolimul irshodiya lisinoʼati tolibil ʼilmi” kitobidan.

www.arabic.uz

@Ilmtolibiga_nasihat Ochish/sharhlash