2022-12-22 12:05:44
Иқтибослик – цитирование (рус тилида), citation – инглиз тилида
Иқтибос - илмий иш (тезис, мақола, монография ва ҳоказолар) да бошқа муаллифларнинг шу мавзуда эълон қилинган нашрларидан фойдаланиш шакли. Иқтибос - фойдаланилган манбадан айнан келтирилган сўзлар билан ҳаволадан фарқланади.
Ҳаволада бутун манбага мурожаат қилинса, иқтибосда аниқ фикр (гап) га мурожаат қилинади.
Иқтибослик - муаллифнинг илмий базаларда индексланган мақола ва тезислардан бошқа муаллифлар фойдаланиши кўрсатгичи.
Хирш индекси (h-индекс) илмий нашрлар сонига ва ушбу нашрларнинг фойдаланишига қараб, тадқиқотчи ишининг маҳсулдорлигининг миқдорий кўрсаткичидир.
2005 йилда Америкалик физик Хорхе Хирш томонидан (Сан-Диего,
Калифорния), илмий ўлчов индикаторни – Хирш индекси ихтиро
қилинди.
Демак, олимнинг илмий фаолияти самарали бўлса, ўз-ўзидан, табиий равишда, иқтибослик ва h индекси юқори бўлади. Бу эса ўша олим ишлаётган ташкилот ва яшаётган давлатнинг илмий потенциалини янада оширади. Дунё олимлари CV сида (Resume) h индекси, олимнинг нуфузини белгилайдиган асосий омиллардан биридир.
Иқтибослик ва h индекс юқорилигининг
АФЗАЛЛИГИ:
Фундаментал тадқиқотлар, грантлар танловида ютиш учун Инновацион ривожланиш вазирлиги танловларига лойиҳалар берилишида лойиҳа раҳбарларининг h индекси камида 3 бўлиши каби талаб мавжуд.
Кўплаб ОТМ да доцентлик ва профессорлик илмий унвони учун иқтибослик ва h индекси инобатга олинмоқда
ОТМ ўз рейтингини ошириш учун профессор-ўқитувчиларга иқтибослик ва h индексига қараб қўшимча ойлик, устамалар белгиламоқда.
Инновацион ривожланиш вазирлиги ҳузуридаги таркиби даврий янгиланиб туриладиган малакали олим ва мутахассислардан иборат илмий-техник кенгашлар (ИТК) га номзодларни саралаб олишда h индекс инобатга олинмоқда.
Мавзу бўйича мақола қидирилса, google энг кўп иқтибос олган мақолаларни рўйхат бошида кўрсатади. Кўп иқтибослик олган мақола кўпроқ ўқилади ва яна ҳам кўпроқ иқтибослик олади, олимнинг илмий ва публикацион фаоллиги ортиб бораверади, илмий ишингиз оммалашади
Умуман, публикацион фаоллик талаб этиладиган барча жабҳаларда иқтибослик ва h индекс аҳамиятили бўлиб, олимнинг нуфузини белгиловчи катталикдир!
ТАВСИЯ:
Мақола ва тезисларни индексланадиган журнал ва конференцияларда нашр этинг;
Индекс бўлиши ва иқтибослик берилишини текширинг ёки маслаҳат сўранг;
Университетларимизнинг ТОП-1000 талик рейтингига киришида олимлар мақолалари сони ва уларга берилган иқтибослар сони салмоқли ҳисса қўшишини унутманг!
каналга уланиш
@ILM_NUR_2020
267 views09:05
B
