2021-01-30 18:52:48
#Ислом нима? (идеологиянинг заиф нуқталари)
Исломни рад этишга 15 сабаб.
Нацизм - араб тили ва миллати устунлиги, арабларга хос кийиниш, урф одат, ҳамма ҳаммасини араблаштириш. Турмушнинг энг майда нарсаларигача араблардан андоза олишга ҳаракат қилиш. Энг муқаддас жой ҳам ҳамманинг ўз уйида эмас, араблар маконида, у ерга бориш керак. Илоҳий китоб араб тилида, ўз тилингизда тиловат қилолмайсиз.
Сексизм - гендер тенгсизлиги: аёлларни уриш, ётоққа қамаш, инсон қаторида кўрилмаслиги (қуръон ва ҳадислар асосан эркакларга тааллуқли), мерос ва гувоҳ масаласида яримта эркакка тенглиги, нимаики ёмонлик бўлса бу аёлдан кўрилиши, аёлнинг ақли калталиги, аёл ҳукмрон бўлган жой пароканда бўлишига ишониш...
Полигиния: кўпхотинлик, битта эркакка 4 тагача хотинга уйланиш мумкинлиги, буни айтган одамнинг 13 хотини бўлганлиги, бир вақтда 9 та хотин. Ва истаганча жория сақлаш, вақтинчалик никоҳ...
Педофилия - вояга етмаган қизларни турмушга бериш, жинсий алоқа қилиш мумкинлиги, бунга пайғамбарнинг ўзи намуна бўлиб 6 ёшли қизга уйланиб, 9 ёшида қўшилганлиги.
Ксенофобия - одамлар асосан 2 турга ажратилиши: мусулмон ва кофир. Кофирларни чиқиштирмаслик, истаганча ҳақорат қилиш мумкинлиги, моли ва жони ҳалоллиги, қўшимча солиқ тўлаттириш, истаганча уларга мағзава ағдариш. Яна 2 кичик турга ажратиш: мунофиқ ва муртад - бирини шубхалари учун чиқиштирилмаса иккинчиси подадан ажрагани учун ўлдирилади.
Гомофобия - эшжинслиларни, гомосексуаллардан нафратланиш, уларни ўлдириш, уриш, жирканиш.
Антисемитизм - яхудийларга нисбатан нафрат, кези келса геноцидга қўл уриш, қоралаш, лаънатлаш.
Фашизм - халифат бунёд этиб фақатгина унинг сўзлари қонун бўлиши, ўзгармас шариат қонунлари, одамларни битта худога ишонишга мажбурлаш, эркин фикрлашга йўл қўймаслик(худога қарги гапирмаслик, ғайб ҳақида ўйламаслик), онгни бўйсундириш, қаршиларни кескин жазалаш, демократиянинг тамомила зидди.
Консерватизм - ҳар қандай янги фикрни, янгича ёндашувни бидъат деб билиб қоралаш, чегаралаш, таъқиқлаш. Ўтмишда ўтган пайғамбарларни идеаллаштириб уларни мукаммал деб қабул қилиш, ўтмишда исломнинг ҳеч қачон енгилмаганлигини таъкидлаш.
Догматизм - идеология таъкидлаган ҳар қандай гапни текширмасдан унга қатъий ишониш, хадис ва Қуръонда хато йўқлигига ишониш, пайғамбарнинг ҳамма гапларини тўғри деб билиш, мулла ва имомларга сўзсиз эргашиш.
Шунингдек, Нео-нацизм - дунёда ирқий ёки миллий келиб чиқишига қараб эмас, ақидавий қарашларига қараб ягона ирққа ажратиш ва бу мусулмонлар олий ирқ вакиллари эканлигини, мусулмоннинг энг ёмони кофирнинг энг яхшисидан афзал эканлигини таъкидлаш, яхшиликни фақат мусулмонларга илиниш, кофирларга эса нафрат кўзи билан қараш, уларга иложи бўлса зарар етказиш, кофирларни ажратиб яккалаш - сепаратизм.
Антисекуляризм - динни шахсий масала бўлибгина қолмай, балки ҳаётнинг барча жабҳаларига тиқиштириш, жумладан давлат ишларига ҳам динни аралаштириш, давлат ишларини дин асосида юритишга эришиш, бошқа дин вакилларининг диний маросимлари ва диний эътиқодларига куч билан қарши чиқиш.
Антидемократизм - давлат бошқаруви бир киши ёки оила қўлида бўлиши, сайловларнинг йўқлиги, эркинликларни бўғиш, цензура, диннинг ҳар қандай танқидини чеклаш.
Миссионерлик - динга тил, қўл, куч ёрдамида тарғиб қилиш, даъватчилик, турли ёрдамлар ва имтиёзлар ваъда қилинган ҳолда ғайридинларни ўз динига оғдириш.
@anti_ateis
157 views15:52
I
