2022-08-26 14:52:00
#shunchaki
Qaysi kitobni o’qishimni tavsiya qilasiz?Shaxsiyga kóp yozishadi: qanday kitoblarni óqishimni tavsiya qilasiz?
Shunda sórayman: maqsad? Ya'ni, kitob óqishdan bosh maqsadingiz nima?
-Hayotimni, dunyoqarashimni o’zgartirish.
Bir dona kitob inson hayotini tubdan ózgartirib yuborishi juda qiyin voqelik. Dóstim, bir fikrni teran anglashingiz kerak, odamni kitob o’zgartirmaydi, balki tizimli kitob mutolaasi o’zgartiradi.
Kuniga kamida yarim soat, bir soat doimiy o’qish yillar davomida sizni umuman boshqa shaxs darajasiga olib chiqadi. Óqilishi kerak bólgan aniq kitoblar róyxati yóq. Boshlanishiga — qiziqishingiz doirasidagi kitoblarni óqing.
Bugungi kunda yangi kitobxonlarning aksariyati mutolaani Amina Shenliko'g'li, Robin Sharma, Mirach Chag‘ri Oqtosh, Hakan Menguch, Deyl Karnegi, Elchin Safarlilardan boshlaydi. Ularning kitoblarini mutolaa qilish asnosida o’qishning gashtini tatib kórgach, qiyinroq, murakkabroq mavzularni tusab qoladi: Tolstoy, Dostoyevskiy, Freyd, Bodler...
5–6 yil o’tib, ular ham oddiylik qila boshlaydi, endi esa qanday qilib ruhiyat, robototexnika, sun'iy ong, psixologiya, siyosat kabi xos adabiyot namunalariga murojaat qilganini ózi ham anglamay qoladi. Bu — ensiklopedik o’qish deyiladi. Dunyoqarashni va umuman odamni aynan mana shunday o’qish o’zgartiradi.
Bir tajribali kitobxon akamiz aytganidek, kitob o’qishdan yakuniy maqsad o’zgarish bólmasligi kerak. Bu o’zgarish hali foydalimi yo’qmi, bizga noma’lum. Yakuniy maqsad — kutubxonadagi hech qaysi kitobdan qo’rqmaydigan darajaga chiqa olish.
@Ilm_nur_kutubxonasi
1.2K viewsedited 11:52