Kanal manzili:
Toifalar:
Iltimoslar
Til: Oʻzbek tili
Mamlakat: Oʻzbekiston
Obunachilar:
194
Kanalning ta’rifi
Ижодкор, педагог, блогер Шаҳзод Эргашалиевнинг расмий саҳифаси
@Shahzod_Ergashaliyev
«Ёзувчининг ҳеч кимга насиб этмайдиган бахти бор. Бу – бир варақ оқ қоғозга дардини тўкиб солиш бахтидир!»
Ўткир Ҳошимов
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
0
2 stars
1
1 stars
1
Oxirgi xabar
2021-02-03 20:20:16
СЎЗ ЎЙИНИ Дастурхон ноз-неъматлар билан тўла, турли юртларда донғи кетган шоир-у олимлар даврасида гурунг қизигандан қизир, ғазаллар ўқилар, ҳажв борасида ҳам бир-бирларига гал бермай маҳоратларини намоён этишарди.
Навоий эса камтаринлик билан меҳмонлардан қуйироққа жойлашган, унинг шундоққина ўнг биқинида Камолиддин Биноий ўтирар, беўхшов ўралган салласи остидан қувлик билан боқаётган ботиқ кўзларидан бир қарашда ҳеч қандай маъно ўқиб бўлмасди. Аммо ниҳоятда мулоҳазали, шу билан бирга ўжар ва баҳс-мунозарага ўч кишилиги барчага аён эди. У негадир ҳазрат Алишерни унчалик хушламас, қачон фурсат туғилса сўз бирла мот қилмоққа ошиқарди.
Ҳозир ҳам барча мақтовлар ёнида турган инсон томон ўтиб кетаётганидан ғижиниб, нималарнидир ўйлаб турди-да, оёғини ёзиш учун узатганида ногаҳон Навоийнинг орқасига тегиб кетди.
– Ҳиротда қаёққа оёқ узатсанг, албатта бир шоирнинг кетига тегади-я! – деди шўхлиги тутиб.
– Тўғри айтдингиз Камолиддин, оёқни йиғиб олсангиз ҳам шундай бўлади, – деди ҳозиржавоблик билан Навоий. Шаҳзод ЭРГАШАЛИЕВ
2.1K views17:20
2021-01-29 15:45:08
Наманган давлат университетида адабиёт ихлосмандлари билан ижодий учрашув бўлиб ўтди.
615 views12:45
2021-01-27 13:32:57
«
Китоб дунёси» газетасида «Шукрона»
номли ҳикоям чоп этилибди. Хосият Рустамовага ташаккур айтаман.
661 viewsedited 10:32
2021-01-19 14:07:18
БОЙЧEЧАК Қаҳратон совуқнинг заҳрини тотиб,
Қалбингдай оппоқ қор остида ётиб.
Фироқнинг найзаси кўксингга ботиб,
Елни соғиндингми, сўйла бойчечак?
Баҳорни ҳаммадан орзиқиб кутган,
Ор-у номусини энг улуғ тутган.
«Омонлик» деб сени кўзига суртган,
Элни соғиндингми, сўйла бойчечак?
Уйқудан меҳрни кўриб сен афзал,
Баҳорни етаклаб келасан ҳар гал.
Қалбларни эритиб юборган ўшал,
Сўзни соғиндингми, сўйла бойчечак?
Шаҳзод ЭРГАШАЛИЕВ
799 views11:07
2021-01-11 21:47:29
ФИРОҚ
Бу дардлар қалбимни емириб кетди,
Дилнинг қирғоғидан тошди ситамлар.
Оҳларим йиғилиб, самога етди,
Сенга етаклади оғир қадамлар.
Сен билармидинг?..
Келгин, ҳаётимни маънога тўлдир,
Йироқ кетма, мендан, қучоғимга дўн.
Ўлдирсанг майлига, севгинг-ла ўлдир,
Жонсиз юрагимни кулгичингга кўм.
Сен кўнармидинг?..
Сенсизликда адо бўламан бир кун,
Кетаман, барига қўл силтаб йироқ.
Лекин, муҳаббатнинг дардлари узун,
Дўстимдек қўлимдан тутади фироқ.
Сен келармидинг?..
Фақат, кўзларингда порласин севинч,
Бир бора қиё боқ, кипригинг оша.
Эҳтимол қийнаса, бир куни соғинч,
Асло ташвиш чекма, мен учун яша.
Сен кулармидинг?..
Сенчи, бўлармидинг мен-ла тоабад?
Бу ажиб дунёга қайтадан келсак.
Яна қучармиди бизни муҳаббат?
Дунё деб туғилиб, ишқ дея ўлсак...
Сен тонармидинг?..
Бу дардлар қалбимни емириб кетди...
Шаҳзод ЭРГАШАЛИЕВГулноза Алимжонова ўқиди
759 views18:47
2021-01-08 18:22:12
#tan_olaman #hayotiy
Shahzod Ergashaliyev bir oyda qancha topadi?@shunchaki_haqiqat
kanali qoshida boshlangan Tan olaman loyihasining 2-sondagi mehmoni bilan suhbatimizni quyidagi link orqali o‘qishingiz mumkun: https://telegra.ph/Tan-olaman-2-son-01-08
595 views15:22
2021-01-04 20:26:17
МAТЕМAТИКЛИГИМ ПAНД БЕРДИ
(Ҳаётий ҳажвий ҳикоя)
Олийгоҳга энди киргандик. Ўқиш бошланишидан бир неча кун аввал шерикларим билан ижарада яшаш учун уй қидиришга бордик.
Шу десангиз, омад келмаса қийин экан. Чорсунинг ҳар бир кўчасини айланиб чиқдиг-у, ақалли бирорта бўш хонадон топилмади. Ёруғ юз билан бизни йўлга кузатган қуёш ҳам бу юришимиздан бир иш чиқмаслигини сездими, шашти пасайиб, бепарво қўл силтагандек уфққа томон юра бошлади.
Хўрлигим келиб, ўзимча тўнғилладим: «Шунча талабага топилган квартира, бизга келганда топилмаса!»
Гапимни эшитди шекилли, ёнимиздан ўтиб кетаётган каттароқ ёшли аёл тўхтаб биз ёмонга қаради.
– Вой ижарага ўй қидириссилами?
– Ҳа, – дедик бараварига.
– Aшейда Насибахон деган ача бир ўзлари яшайдила. Роса яхши аёлла. Хоҳласана кириб бир кўрина.
Қувониб кетдик. Aёлдан манзилни олиб, кампирнинг уйига борганимизда чамаси етмиш ёшлардаги онахон бизни мулозамат билан кутиб олди. Мақсадимизни билгач, айниқса қувониб кетди чоғи, мадорсиз оёқларига жон кириб, уйининг ҳар бир хонаси билан обдон таништириб чиқди.
– Энди болаларим, – деди салмоқлаб. – Ман силага полон пул демайман. Кўнгилдан чиқариб бераверасила. Бир ўзим яшайман. Еб-ичишим, газ пули, свет пулига етиб турса бўлди.
Ишимиз тез битганидан хурсанд бўлиб, розилик билдирдик.
– Сила манейда университетда ўқийсила-да а? – деди кампир саволга тутиб.
– Ҳа шу йил кирдик. – дедим аниқлик киритиб.
– Яхши, қайси йўналишга?
– Математика!
Кампирнинг юзидаги ним табассум бирдан йўқолиб қолди.
– Математик бўсана ман жой беролмайман. – деди тўсатдан қатъий оҳангда.
Ҳанг-манг бўлиб қолдик.
– Ман математиклар билан чиқишолмайман. Илгариям силага ўхшаган тўрттаси яшаганиди, кечаси билан дарс қилиб светни ўчирмайди. Кўп пул ёзади десам, йўқ деб, мисол тузиб тушунтириб берди. Ман мисол-писолини тушунмайман, тушунсам ҳам бошимми қотириб ўтирмайман. Манга она тиличила яхши, ҳисоб-китоб қимай бераверади.
«Биз ундаймасмиз», дейишимизга қарамай ташқарига кузатиб қўйди.
На ўқишга кирганимга суюнишни, на математикани танлаганимга ачинишни билмай туриб қолдим... Шаҳзод ЭРГAШAЛИЕВ
930 viewsedited 17:26
2021-01-02 20:23:31
ЭЛПАРВАР Жўравой чойхона паловнинг ёғидан ялтираб турган бармоқларини ўнгиб кетган сочиққа ҳафсала билан артар экан, бир зум телевизорга анграйиб қараб турди-да, истеҳзоли илжайиб, бошини сарак-сарак қилди.
— Ватанни қўриқлаётган эмиш, тинч юртда юрибсан кериле-е-б. Шукр қил! Ҳозир олдинги отди-отдилар йўқ. — деди гапининг тасдиғини кутгандек ёнидаги шериги Абдувалига кўз қирини ташлаб.
Абдували Жўравойнинг гапларига парво қилмади. У тишининг ковагига кириб қолган гўшт парчасини олишга уринар экан, пешонасидаги терни енги билан артиб, улфатининг гапини «тўғри» дегандек бош ирғиб қўйди.
Жўравой бир четда турган пультни олиб, телевизор овозини кўтарди-ю, тағин энсаси қотди.
— Шунча иззат, шунча эҳтиром-а! Бир каромат кўрсатибдими булар?! — деди ортидаги ёстиқни олиб, ёнбошлар экан. — Худо кўрсатмасин, бир ерда уруш бўлсами, олдига тушиб қочадиган ҳам шулар.
Айтган гапи ўзига нашъа қилди шекилли, тоғорадек қорнини силкиб-силкиб кулди.
Абдувалидан садо чиқмади. Орада чойхоначи йигит хабар олиб, чойни янгилаб чиқиб кетди.
Дераза орти кўройдин эди. Кўчада одам сийраклашди. Зулмат ичра узоқ-узоқларда хира нур сочиб турган чироқлар кўзга чалинади. Аҳён-аҳёнда ит улийди. Ташқарида қорнинг қуруқ совуғи этни торс-торс ёрай дейди.
Жўравой бир зум хаёл сурди-ю, чинни пиёла тагида қолган шамани бошқа идишга тўкиб, иссиқ чойдан тўлдириб қуйди. Оғзи куйиб, пиёладан хўплар экан, тағин шеригига юзланди.
— Ўв, сенам бир нима десанг-чи! Забон борми ўзи?!
Абдували «менга нима» дегандек бепарво қўл силкиди.
— Оддий мисол, — деди Жўравой тағин гап бошлаб, — тунов куни уйимда ўнта ҳалиги «кўк ўлгур»дан йўқолди. Биров билмабди. Ўғлимни тўйига деб мирини-мирига қўйиб йиғиб юргандим.
Абдували ярқ этиб қаради.
— Нечта дейсан?! – сўради ҳайратдан олайиб кетган кўзларини пирпиратиб.
Жўравой эриниб, юзини бурди.
— Ўнта! Нима, эшитмовмидинг?
— Қаёқдан эшитай, икки-уч кундан бери чойхонага чиқмасам? А, у ер бу ерни яхшилаб қараб кўрмадингми? Балки хотининг олгандир, балки, қўйган жойингни унут...
Унинг гапи оғзида қолди.
— Вей, мен сенга ёш боламанми, қўйган жойим эсимдан чиқади? Ё, шунча пул ўйинчоқ бўлдими? Буниям қўйиб тур, ўтган ҳафта тумшуғимнинг тагидан бир бош қўйимни уриб кетибди баччағар!
Абдували оқ аралаш тўрттагина туки бор яйдоқ иягидагини сийпалаганча, бошини ликиллатиб, улфатига ачинган бўлди.
— Билган одам қилган, Жўра. Билмаса, юраги бетламас-ов! Тағин билмадим.
— Биладиган одамми, билмайдиганми, барибирмасми? Халқни тинчлигини бот-бот таъкидлаётган манави кўкраги кўйлак йиртганлар ҳам кўз-қулоқ бўлса бўлмайдими?! Э-э, садқайи одам кетсин-э!
Аллаким қадамини тезлатиб келиб, дераза ёнидан шарпадек ўтди. Оёғидагини апил-тапил ечди-да, ўзини ичкарига урди. Эшик очилиши билан изиллаб кирган совуқ Жўравойнинг этини жимирлатди.
— Дада! — деди мўйлаби сабза урган йигит энтикиб нафас оларкан. — Нодир... Нодир мелиса сизни чақиряпти!
Жўравой улфатига ҳавотирли қараб қўйди.
— Тағин тинчликми? Бир гапи бўлса, телефон қилавермайдими?
— Телефонда айтадиган гапмас, дада!
— Яна, ўғри тушибдими?! — юрагига алланечук нотинчлик оралаб, шошиб қаддини ростлади Жўравой.
— Йўқ, ҳалиги...
— Нима?! Гапирсанг-чи! Бугун ҳамманг келишиб олганмисан оғзингга талқон солишга? Айтавер, Абдувалидан сақлайдиган сирим йўқ мени!
— Акам... акам маҳалладаги йигитлар билан «укол» олиб, қимор ўйнаётган экан, қўлга тушибди...
Жўравойнинг миясига қон тепди. Ғазабдан кўзлари олайиб, гўштли бармоқлари билинар-билинмас титрай бошлади. Телевизор эса ҳамон элпарварлар ҳақида гапирарди...
Шаҳзод ЭРГАШАЛИЕВ
640 viewsedited 17:23
2021-01-01 16:02:41
YouTubeda "Iltijo" nomli shʼerimni tinglang. U yerda ham kanalimga obuna boʻlishni unutmang.
483 viewsedited 13:02
2020-12-30 12:09:52
***
Ҳажрингда, эй нозанин, даллию, девонаман,
Гоҳ майнинг оловида, гоҳ ишқ ўтида ёнаман.
Ўлдуриб энди мани, ғурбатда сарсон айлама,
Сувсадим, энди фақат, ишқинг сувига қонаман. Шаҳзод ЭРГАШАЛИЕВ
502 views09:09
Ш
