Рўзғор!
Эркак бу ғорни кунда тўлдириш ташвиши билан яшайди ва бундан ғурур, шараф туяди. Аҳли оиласига олиб келган кийимларни уларнинг эгнида кўрса, кўзи қувнайди, энг яхшисини олмас, лекин энг ярашадиганини олишга ҳаракат қилади.
Аҳли оиласига келтирган таомларни улар еб турганини кўрса, дили яйрайди, улар қанча иштаҳа билан еганини кўрса, яна шунча олиб келишни дилига тугиб қўяди.
Эркак оиласи нафақасини қанчалик тўлдира олса, ўзини шунчалик дадил ҳис қилади. Эркак табиати шундай.
Эркак буларнинг эвазига битта нарса кутади: топиб келганлари исроф бўлмасин, тартиб билан жой-жойида ишлатилсин, холос.
@IkromSharif
