2021-02-11 08:06:37
#Komil_inson
Hammaning yoshligi turli xil tarzda o’tgan. Kimlardir sportni yoqtirsa, kimlardir rasm chizishni o’z sevimli mashg’uloti deb bilgan. Tabiiyki, ba’zilar yolg’izlikni sevgan. Ushbu turdagi bolalar odatda boshqa bolalarga qo’shilishga, ulardan ajralib qolmaslikka rag’batlantirilganlar. Vaqti yetib voyaga yetsalar ular bilan aloqani uzmaslikka, “qo’shilib turish”ga chaqirganlar, go’yoki busiz inson o’zini komil sanay olmagandek…
Bu dunyoda turli xil millat vakillari bor va ularning urf odatlari ham, “ideallari” ham turlicha. Har bir millat vakili o’z avlodining risoladagidek bo’lishi uchun harakat qiladi va bu yo’lda o’z fikri, dunyoqarashidan kelib chiqqan holda ish ko’radi. Ya’ni sizga komil bo’lish qandayligini o’rgatuvchi millatingiz boshqa millat ideallaridan farq qilishi mumkin; balki yaxshiroq yoki aksincha. Siz insonlarning umr bo’yi yig’gan pulini to’ylarga, hashamatli uy-joyu mashinalarga sarflab yuborishini, qimmatli vaqtini futbolga, turli xil bachkana, be’mani ko’rsatuvlarga almashishini yoqtirmassiz, ammo qolganlardan “ajrab qolmaslik uchun” shu ishlarni qilishga majbur bo’lishingiz mumkin. Albatta, sizni hech kim majburlamaydi, siz o’z fikringiz egasisiz va ushbu nodir ne’matni to’g’ri yo’lda ishlata bilishingiz boshqalarning siz haqingizda nima deb o’ylashiga qiziqmasligingizga olib kelishi mumkin.
Inson, albatta, risoladagiday bo’lishi uchun o’z ibrat timsolini topishi mumkin, unga ergashishi mumkin va eng asosiysi, to’g’ri fikr va olomon fikrini farqlay bilishi muhim. Hech kim qadrlamaydigan inson sizga yoqishi mumkin va sizning oqilona (!) fikringiz boshqalardan ajrab bo’lsada o’sha insonga muridlikni yoqlashi mumkin. Qizig’i, ushbu holat faqat sizda emas, boshqalarda ham kuzatilishi, ayrimlarda kuzatilmasligi ham ehtimoldan xoli emas. Bundan kelib chiqib, “hamma har xil ekan, demak hammaning nazdida “komil inson” har xil ko’rinish kasb etadi”, - deya olishimiz mumkinmi?!
Sizga o’nta inson o’n xil maslahat berishi va sizning fikringiz o’n birinchisi bo’lishi ham mumkin. Boshqalarning nazdida risoladagidek ko’rinish o’zini qirqqa bo’lishga o’xshaydi. Hammaning ideali har xil va kishi o’zining idealligini bilishga majbur emas. Siz o’zingizning aqlingizni ishlatgan holda o’z idealingizni topdingizmi, demak siz o’zingiz uchun haqsiz. Buning boshqalarga daxli yo’q, bo’lishi ham qiyin. Bu dunyoda hech kim bir-biridan rozi bo’lmaydi, aslida. Shunday ekan, sizning ham, o’zgalarning ham komilliklari o’zlarida, o’z qalblarida qolgani yaxshi, fikrimcha. Kim haq, kim nohaqligini esa narigi dunyoga qoldira qolaylik, nima deysiz?!
https://t.me/husaynboymurod
196 views05:06
V
