IJODKOR YOSHLAR BUXORO VILOYAT BOLALAR KUTUBHONASI.

2022-08-07 19:31:28

Ochish/sharhlash

2022-08-07 04:42:24 Эшигингга илиб кетдим меҳримни.
Сезмадинг ҳам келганимни азизим !
Мезонларга осиб телба руҳимни...
Хазонлар билдирмай кўмдилар изим.

Кетаяпман кетган ғамгин куз каби.
Илинжим бир бора кўрмоқлик эди.
Сарғайган қалбимнинг зардобларини.
Сенинг дийдорингла ювмоқлик эди.

Начора келганим сезмаганингдек..
Кетганим ҳам сенга билинмайди ҳеч.
Қалбингнинг тубида чўккан ишқимдек..
Йиғлоқи қизданда яна сен воз кеч!!!

Кўз ёшим уволи, умрим уволи..
Пойингга гуллардек очилиб кетсин.
Сен мени унутган кунингдан бошлаб.
Юрагим анордай сочилиб кетсин!

Майлига,яшамай сенсиз керакмас.
На баҳор,на менга кузлар кузакмас...
Қиш келмай музлаган жонсиз юрагим.
Энди уриб турмас, энди юракмас!

Кетаяпман,сенсизлик мамлакатига.
У ерда ҳеч нарса тирикмас,жонсиз..
Фақат қолиб кетди аро йўлларда..
Қалбимга ўт солган ишқимиз афсус!!!!

Юлдуз Абдусамад қизи.
Бир чимдим меҳр!
✯┄┅┅✿❀ ❀✿┅┅┄✯
https://t.me/Ijotkor_Bux_VBK
✯┄┅┅✿❀ ❀✿┅┅┄✯ Ochish/sharhlash

2022-08-05 15:12:18 * ҚАДРДОНЛАРИМ *

Ҳаётимнинг боли ўзингиз,
Ҳаёли, иболи ўзингиз,
Жонга дармон айтар сўзингиз,
Жонингизга фидо жонларим-е,
Қадри баланд қадрдонларим.

Кўнглим осмон сўзингиз билан,
Бахт келади изингиз билан,
Омад кулар юзингиз билан,
Жонингизга фидо жонларим-е,
Қадри баланд қадрдонларим.

Талпинаман доим сиз томон,
Сизсиз ўтган кунларим ёмон,
Ёлғиз қўйманг мени ҳеч қачон,
Жонингизга фидо жонларим-е,
Қадри баланд қадрдонларим.

Жонингизни тутиб яшайман,
Сиздан меҳр кутиб яшайман,
Сизни эъзоз этиб яшайман,
Жонингизга фидо жонларим-е,
Қадри баланд қадрдонларим.

Менга оға инисиз доим,
Бошимдаги қуёшим, ойим,
Айирмасин сиздан Худойим,
Жонингизга фидо жонларим-е,
Қадри баланд қадрдонларим.

Ғайрат МУҲАММАД Ochish/sharhlash

2022-08-05 15:02:16 Sen meni sog'inchdan òldirolmaysan,
Tuningga tush bòlib kiraveraman.
Òylama yig'lasam unutarman deb,
Kòzingda yosh bòlib turaveraman.

Tong sahar shabnamni òpaman dema,
Yaproqda tomchidek kulaveraman.
Bag'ringni bezasa gul-u rayhonlar,
Ularga bosh bòlib turaveraman.

Ketaman demagin orzularimdan,
Sen bilan xayollar suraveraman.
Bir kuni eriysan muz kabi dema,
Kòksingda tosh bòlib turaveraman.

Sanamlar silaydi sochimni dema,
Ichingga òt solib yuraveraman.
Yuzimga ajinlar changal solsa ham,
Sen uchun yosh bõlib turaveraman.

Tubsiz uy bòldik-da demagin zinhor,
Sen bilan baxt uyin quraveraman.
Kòzlaring izlasa muhabbat faslin,
Tepangda qosh bòlib turaveraman.

Dardingni ololmay qolsam nogahon,
Boshimni har yonga uraveraman.
Tunlari oy bòlib chiqaman kòkka,
Kunduz quyosh bòlib turaveraman.

Ruhing osmon quchib, joning tark etsa,
Men senga jonimni beraveraman.
Telbasan, telbasan, telbasan dema,
Men seni shundayin sevaveraman.

Falak

Ochish/sharhlash

2022-08-05 07:15:18 ҚАЙНОНАЛАР КОНКУРСИ

Бўлиб ўтди шаҳарда,
Қайноналар конкурси.
Бир она Fолиб бÿлиб,
Орден олди, тӱғриси.

Уша орден мис эмас,
Ясалган нақ олтиндан,
Устига миттигина,
Тилнинг расми чизилган.

Она келинлар билан,
Айтишмаган эканлар,
Бирон нарса устида,
Тортишмаган эканлар.

Тÿрт келин тӱрт томондан,
Мақтадилар онани:
«Дунё кӱрган эмас, деб,
Бундайин қайнонани».

Мусобақа ўтди ҳам,
Она жим турар бирдек,
Ўйлаб қолдим, бу шӳрлик,
Соков бўлсалар керак.

Онанинг сукутидан,
Ҳамма ҳайрон, ҳамма лол,
Бир газета мухбири
Тинмай беради савол:

«Энг яхши қайнона», деб
Тан олиндингиз, мана,
Онажоним, айтинг-чи,
Бунинг сири нимада?

Келинга бирон марта
Танбех бермаганмисиз?
Ё койиб ёки нолиб,
У, бу демаганмисиз?

Она саволни тинглаб,
Жавобига оғринди,
Мухбир ҳам бўш келмагач,
Ва ниҳоят «ёрилди».

Келинлар нари кетгач,
Деди, тишлаб лабини:
Фақат, сизга айтаман,
Foлиблик сабабини.

Қирк йил аввал, биринчи
Келинни олганимда,
Бир бор койиган эдим,
Кетиб қолди уйига.

Уни олиб келдиму,
Оғритса ҳам дилимни,
«Сенга садқайи сўз», деб,
Ишлатмадим тилимни.

Баланд-паст ҳаёт йўлин,
Босиб ўтган қайнона.
«Ҳув, анатда чукур бор,
Тойиб кетма», дейди-да.

Баъзи келинга ёқмай
Уша огоҳлантириш,
«Ўзим биламан», деса,
Бўлди, чиқади уриш.

Мен бир айтдим, ёқмадим,
Тобим йўқ, маломатга,
Келинлар тарбиясин,
Қуйиб кўйдим ҳаётга.

Бари бола бокқяпти,
Келин туширишади,
Қайнонасин қадрини,
Ўшанда билишади.

«Эт», десам, «бет», дейишса,
Oғриб қолади бошим,
Ундан кӳра илм-урфон,
Китоблар сухбатдошим.

Мана, қахрамон бўлдим,
Умрим тинч, саодатда.
Чунки тил ҳақ зикрию,
Муроса - ибодатда.

Қахрамон булиш қийин,
Ўқийди, ўрганади.
Не-не доно одамлар,
ТоFни талкон қилади.

Мен эса ундан бунга,
Олмасдан битта чӱпни,
Тил тийиб, уй тинчитиб,
Қахрамон бўлдим, хӱпми?

Энди айтинг, қай иш куч?
ТоFни талкон қилишми?
Е нодонлар ичра жим,
Тилни тийиб юришми?

«Майли-майли», деб турдим,
Идишим синдиришди,
«Майли-майли» деб турдим,
Эшак қилиб минишди.

Хуллас, келин нозидан,
Безор булиб кетганман.
Тилимни шудгор қилиб,
«Майли-майли», сепганман.

Сиз билдингиз, бу сирни
Бошқа ҳеч ким билмасин,
Уйнинг гапи қудуққа,
Оғзингиздан чиқмасин!

Ҳаёт ӱзи - устоз, мен,
Ўтадиган одамман,
Улим поезди келса,
Кетадиган одамман.

Унгача дуо қилиб,
Юриб туравераман,
«Ин ҳам мегузарад»* деб,
Кулиб туравераман.

Отам айтар эдилар:
«Баҳслашмоқ ёмон одат,
Рӯзғор тинчлиги учун
Муроса ҳам
- ибодат».

Тилагим шу: Ҳаммаси,
Униб-ўсиб юришсин.
Утиб кетганимда ҳам,
Ҳавасимни қилишсин.

*(Ин ҳам мегузарад- Бу ҳам утади.) Ochish/sharhlash

2022-08-05 07:14:45 Аёл

Аёл ширин бир май бўлар, гулоб бўлар,
Мард кўпайса, ҳалол лафзли лаб кўпайса.
Аёл оёқ ости бўлар, хароб бўлар,
Мардлар эмас, майда-майда гап кўпайса.

Аёл севги юртларида танҳо бўлар,
Муҳаббатга сиғинувчи дил кўпайса,
Аёл оёқ ости бўлур, адо бўлур,
Этагига тош отгувчи қўл кўпайса.

Аёл йўқни бор айлагич комрон бўлур,
Эркак деган жаранглаган ҳанжар бўлса,
Аёл оёқ ости бўлур, адо бўлур,
Тоҳир дея дил очгани аждар бўлса.

Аёл осон сотилгувчи сир бўлади,
Номард тўла юрт кўпайса, ер кўпайса.
Охир ўзи бели боғлиқ эри бўлади,
Юртда белмас, тили боғлиқ эр кўпайса.

Зулфия Мўминова Ochish/sharhlash

2022-08-05 03:14:27 ХАЛҚ НОИБЛАРИГА!

Сизни халқ танлади, қилмади суюк,
Балки елкангизга юк ортди буюк.
Сайлаб олди мардлар ичра мардини,
Адо қиласизми мардлик шартини?
Эртага чиққан чоғ баланд минбарга,
Айта оласизми юрак дардини?
Азалий одатни қиласизми ё,
Ялпи қўл кўтариб келасизми ё?
Ноиблик нишонин таққач кўкракка,
Қулоқ солиб кўринг бир бор юракка.
... Айни жасоратни кутар муҳаққақ,
Сизга умид билан овоз берган халқ.
Хўп деб қайта берманг, нега, деб айтинг,
Биз ҳам иззат нафсга эга, деб айтинг.
Ҳиммат билан туринг, бор денг арзимиз,
Тўлаб қўяйлик денг бўлса қарзимиз.
Дўстликнинг шартига риоя бўлсин,
Ҳеч ғубор тушмасин дил кўзгусига.
Камтар улушимиз, айтинг, қўйилсин
Жаҳон бозорининг тарозусига.
Не бу жаҳон ичра солмак кўпкари,
Шарт эса кетмаслик қозиқдан нари?!
... Сизга гап ўргатмак шоир ишимас,
Ҳар бирингиз Арбоб, ҳар бирингиз Шахс!
Дардни айтган билан дил бўлмас халос,
Гапни кўп гапирдик, иш қолди, холос.
... Сизни эл танлади, қилмади суюк,
Балки елкангизга юк ортди буюк.
Сиз элнинг эгилган қаддин кўтаринг,
Ноиб деган сўзнинг қадрин кўтаринг!.

Эркин Воҳидов Ochish/sharhlash

2022-08-02 13:31:18 Ochish/sharhlash

2022-08-01 06:17:50 #JADIDLAR

Abdulla Avoniyning “Tarbiya biz uchun yo hayot-yo mamot, yo najot-yo halokat, yo saodat-yo falokat masalasidir”, degan so‘zlari har bir maktab binosida yozib qo‘yilishi shart.

Shavkat Mirziyoyev
O‘zbekiston Respublikasi Prezidenti

Maktab misni tillo qilur,

Maktab sizni mullo qilur,

Gʻayrat qilib oʻqing oʻgʻlon, –

Abdulla Avloniy

Respublika bolalar kutubxonasi Axborot xizmati

Telegram|You tube|Facebook|Instagram|Web site Ochish/sharhlash

2022-08-01 06:10:00 Mazkur ertak-hikoyam 4-kitobim tarkibida chop etilish arafasida.Nasib qilsa...Siz azizlarimning ham fikringizni bilmoqchiman Qurilish jihatidan sodda yozilgan bo'lishi mumkin . Chunki nasr bobida tajribam kam Fikrlaringizni kutaman. Biir ijodiy tahlil qilmaymizmii

Sug'diyona
https://t.me/Ijotkor_Bux_VBK Ochish/sharhlash