Космосдаги кундаликлар

2021-02-13 16:10:53 Ҳисобсиз дур топурсан ҳар яхшининг суҳбатин қилсанг.
Сани эъзоз этар олам, ҳамманинг ҳурматин қилсанг.

Ҳисобли дўст Қиёматда одам наслига нақш ўлмиш.
Жаҳаннамда ёқар бир кун ёмонлар улфатин қилсанг.

Топмагай заррача ризқ-рўз бекорлик кўзлаган эллар.
Ки рўшнолик кўрардурсан чумоли заҳматин қилсанг.

Саҳоват айласанг сенга барокат қўш бўлиб келгай.
Ҳазинангдан қут учгайдир, то мисқол миннатин қилсанг.

Магар душман топар бўлсанг, сани олдин кузатгайдир.
Анинг мард келганин кўргин, сен арслон ҳайбатин қилсанг.

Муҳаббат бир чучук таъмлик, топиш инсонга зўр ишдир.
Яқин ҳам бормагайсан бил, сузуклар ишратин қилсанг.

Кўзинг очгил қалам сендан қадим эй сўзлари бежо.
Ўйлагил Нуриддин чандон бир асар битмакин қилсанг.

Нуриддин Зиё
t.me/ijoduyi Ochish/sharhlash

2021-02-13 11:55:02 Ochish/sharhlash

2021-02-11 05:39:58 Баҳор, феврал орти шошар, энтикар.
Кемалар елканин ёяр шамолга.
Дарахтда куртаклар бошдан гул тўкар.
Пўртана қўл силтар узоқ шимолга.

У томонда ҳали эримас қорлар.
Тунлари изғирин Қозоқ даласи.
Ёстиқни қучоқлар келинчак, ёрлар.
Ризқ излаб учади одам галаси.

Пешонанг бунча шўр, бошларинг тошли.
Тикка бораяпсан хавф-у хатарга.
Бир нима қолдиргин кўзлари ёшли,
меҳрга тўймаган ОДАМчаларга.

Омонат умрнинг кўрнамаги мен.
Сўз бошлаб сўзимни нолиб тугатсам.
Бойликка ўчманми, обрўга ўчман.
Умримни бир кулба солиб тугатсам.

Нуриддин Зиё

t.me/ijoduyi Ochish/sharhlash

2021-02-10 05:21:18 Хабарчи девор тепасидан секин мўралади.
Ҳовлида Нигорадан бошқа ҳеч ким йўқ.
Нигора ариқча олдида идиш-товоқ ювиб ўтирган экан.
Девордан секин кесак қўпориб, Нигорага яқинроқ жойни кўзлаб отди.
Нигора дарҳол сезди!
Бош ирғаб нима гап деган ишорани берди.
Хабарчи пичирлади.
-Салим сени кўш тут тагида кутади.
Эҳтиёт бўл ҳеч ким сезмасин.
Нигора билан Салим биринчи бор у ерда учрашмаётган эди.
Нигора бош ирғади.Хўп деган ишора берди.
Хабарчи девордан сакраб тушди-да,шошганча қайтиб кетди.
Нигора ишларини апил-тапил қилди,хаёли ўзида эмас.
Балки бугун айтар,ўзи нега бунча чўзди?
Севаман деса бўлардику.?
Ҳатто бир энлик қоғозда ёзиб узатмадия.
Тортинчоқ эмаску.
Нигора Салим ишқ изҳор қилганда қай ҳолда бўларкин дея ўйларди!
Йўўқ ўзичи?ўзи нима қилади?
Оёқ қўли қалтираб қолсая!Кафтини тер босади.
Чунки ҳаяжонланса шунақа бўлади.
Кўзларини юмиб осмонга қаради.
Чуқур чуқур нафас олди.
Шундоқ борсаммикан?Йўўқ қизил кўйлагимни кияман!
Қизил кўйлакнинг роса ўрнида!
Нигора соат санайди.Ишқилиб ҳеч ким сезиб қолмасинда.
Қўш тут тагига ошиқди.
Салим у ерда бош эгиб ўтирарди!
Салом-аликдан сўнг Салим сўз бошлади.
-Нигор қара биз шу тутлардек яшай оламизми?
Қизиқ,тутларнинг ёши нечада экан?
Нигора ана,ана энди айтади деб кутди.
-Нигор,шу тутларни нега кўш тутлар дейишади а?
Эшитишимча бу тутлар икки ошиқлар экан.
Улар бирга қочиб кетишмоқчи бўлишганда,отасининг қарғиши тегиб етай етай деганда тутларга айланиб қолишган эган.
Мевасини чўп билан қоқиб,шоҳларини ҳар ўсиб чиққанда кесиб жазолашар экан.
Сен шунга ишонасанми?
Нигора бошини тағин пастга қаратди.
-Нигор....биласанми..
Салим бошқа гап айтмади.
Улар учрашувнинг қолган қисмини сукутда ўтказдилар.
****
Тағин хабарчи шошиб деворга тирмашди.
Хабарчи кесак отди.
Тағин кўш тутни эслатди.
Нигора қўш тут остига ошиқди.
Югурди,елди,шамол бўлиб есди.
Қўш тут тагида салимнинг синглиси турарди!
Нигора қизариб кетди.
-Нигор,акам санга уйланолмайди.
Отангни камбағал экани,онангни қаттиқ касаллиги эмас,сенинг соқов эканингга онам қарши!
Мен эрта набираларимнинг овозини эшитишни истайман дедилар онам.
Нинор тағин ерга боқди.
-Акам....акам эртан тонгда уйдан чиқиб кетмоқчи.
Акам билан кетар эсанг мана шу ерда кут!
*

Нигора тунни уйқусиз ўтказди.
Боши қотди.
Кўп ўйлади.
Қайта қайта ҳовлига чиқли.
Нигора ўшал афсонани ёдга олди.
Йўқ у тутларнинг сони кўпайишини истамади.
Шу икки тутнинг ўзи азоб чекиб яшагани камми?
*
Тағин Хабарчи югуриб келди.
Хабарчи бу сафар дарвозани шарақлатиб очиб кирди.
Нигорани излаб ҳовлини гир айланди.
-Нигор,Нигор Салим ўзини тутга осиб қўйибди.
Нигор сенга хабар қолдирибди.
***
Нигор ёзувларни ҳижжалаб ўқиди.
-Нигор мен сени севаман.
Мен учун ҳам яшагин жоним.
Сенинг забонинг йўқ эканига ҳавас қиламан.
Сен онангга қаттиқ гапиролмайсан,дилини ғашлай олмайсан,онангга оқ бўлолмайсан.
Менинг тилим мени бўйнимга дор бўлди.
Алвидо!!!
Нигора қоғозни юзига босди.
Ўзидан ёшлар дув дув тўкилди.

Нуриддин Зиё Ochish/sharhlash

2021-02-09 05:36:33 Она

-Дадаси шу болангизга ҳеч гапирмайси,тергамайсиз,тарбияси издан чиқиб кетадику бу ҳолда!
Ота камарини ечиб,ўғлини икки уч савалади.
Қаттиқ гапирди.
-Ҳой ҳой дадаси бу нимаси?болани ҳам шундай қаттиқ уришиб,камар билан шунақа савалайсизми?
Ҳа энди болада бир эркалик қилса қилибди.
Шунга шунчами?

Нуриддин Зиё Ochish/sharhlash

2021-02-07 09:32:11 -Қара келинга нима қилди?
Тўсатдан Озода опа ўғлига қарата мурожаат қилди.
Тўсатдан Наргиза йиқилиб тушди.
Тандирдаги нонларни узиб олаётган эди.
Раҳмонали югуриб бориб Наргизани кўтариб уйга олиб кирди.Озода опа ҳаллослаганча уларнинг ортидан уйга кирди.
-Шошма...
Кўрпача устидан яна бир кўрпача ташлади.
Наргиза ҳолсизгина нафас оларди.
Озода опа шошмасдан,келинини қўрқитиб юбормаслик учун паст овозда сўради.
-Қизим..нима бўлди?Нонни ўзим ёпаман дегандим-ку.
Наргиза секин бош чайқаб,кўзларини юмиб йиғлаб юборди.
-Бор сен ташқарига чиқ.
Раҳмонали ташқарига чиқди!
Онаси ҳам изидан чиқиб сув иситишни айтди.
Ноннинг куйган иси чиқди.
Раҳмонали сув қўйиб,нонларни узиб олди.
Битта нон чўғга тушиб куйибди.
Онаси сувни сўради.
Секин кичик тоғорача билан бирга эшик ортидан узатди.Наргизанинг йиғлаган овози эшитилиб турар эди.
Раҳмонали кўнглида қандайдир ҳадек билан,хавотир билан қолди.
Бироздан сўнг Озода опа тоғорача устига мато ёпиб ташқарига чиқди.
-Сен ичкарига кирма.
Онасига бирор савол билан ҳам мурожаат қила олмади.
Озода опа ошхонага кириб,ўзи нималардир тайёрлаб келинига олиб кирди.
Раҳмонали ич -этини еб битирди бу вақтда.
-Ўғлим бу дунёни яратган Ҳақ ўзи ҳар нарсани билгувчи.Ҳар доим сенга кераклисини қолдириб,сенга зарар етказгувчисини олиб қўяди.
Меҳрибонлиги шунда-да.
Бор келинни ёнига кир.
Раҳмонали гап нима ҳақида эканини батамом тушунди.
Ичкарига тушкун кайфиятдан заррача асар қолмай кирди.
Наргиза тескари қараб йиғлаб турарди.
Бориб пешонасидан ўпди.
-Нега йиғлайсан аҳир.Мана ман борман,сан борсан.
Ҳаёт ўша ўшаку Наргиз.
Бориб ёнига ўтирди,қўлларини маҳкам ушлади.
Пешонасидан ўпди.
-Яхши ҳам борсан азизам.
Наргиза бироз ўзига келгандек бўлди.
Ҳаммаси жуда тез ўтиб кетди.
Ҳеч ким эшитмади,билмади ҳам бола тушганини.
Ҳатто Чойхонадан қайтган қайнотаси бирор ўзгаришни сезмади.
Наргизанинг эсига бир нарса тушди.
Совчи борган куни кўпчилик қарши бўлган эди.
Қайнонаси роса ёмон аёл,эртага бошида тегирмон тоши юргизади дейишган эди.
Наргиза бугун бошига бир ажиб бахт қўнганини ҳис этди.
Балки нонни қайнонам ўзим ёпаман деганида«йўқ ойижон ўзим ёпақолий»деб, Кўнглини оғритганмикинман деб ўксиниб қўйди.

Нуриддин Зиё

t.me/ijoduyi Ochish/sharhlash

2021-02-05 08:52:28 Муҳаббат либосин кияр эдим жим,
Гул бўлиб очилган чеварим бўлсанг.
Дунёни севишни тўхтадардим мен.
Тасбеҳ шодасидек севарим бўлсанг.

Биламан, дунёда фаришталар йўқ,
Гулларга бурканган боғлар ҳам ғалат.
Қошингда ўтирсам тилларим дудуқ.
Термулиш истайман кўзингга фақат.
Нигоҳ-ла жон олиб, берарим бўлсанг.

Дунёнинг энг сара сўзлари сенга,
Менга бер сен учун бир ашъор битай.
Ўқисанг янграсин сўзлар лабингда,
Садо жаранггида тўкилиб кетай.
Азизим ўзинг деб терарим бўлсанг.

Айт ўшал Ҳолиққа туташсин тақдир.
Жаннат аро борар ажиб йўл бўсин.
Момо Хавойим бўл, мен-чи бир ҳақир.
Париларга боқсам кўзим кўр бўлсин.
Дунёни бирлашиб кўрарим бўлсанг.


Нуриддин Зиё Ochish/sharhlash

2021-02-04 11:15:42 Ўғлим бу дунёда шундай ўлим бор,
Кўзимга қарама, қўрқиб кетасан...

Нуриддин Зиё Ochish/sharhlash

2021-02-04 04:25:32 Яшашга маҳкуммиз,фурсат эгалик.
Имкон йўқ бошларни олиб кетмакка.
Бормиз нафасимиз бераркан Ҳолиқ.
Бормиз қай кўнгилдан ўтган тилакка.

Олу лабларига сингдиради ёр.
Оҳиста ўйнатар қийнаб жон ипин.
Юрагим,юрагим бетиним тепар.
Тўхтамайди Жалол бермаса гар тин.

Ё Роббий нафаслар қанчалар қиммат.
Узмасанг бахтларни кўравераман.
Турмушнинг залворли юкидан ортиб.
Вақт билан сенга юз буравераман.

Нуриддин Зиё Ochish/sharhlash

2021-02-03 05:10:48 Кўча боши эрта тонгда доим тинч бўлади.
Ибодилло бобо тонг азон қўйларини далага олиб чиқиб кетади.
Бир ҳафта бўлдики доим йўлда Севарани кўради.
Нима бўлган экан бу қизга?Авлодида на ойпараст,на жиннилар бўлган бу қиз эрта саҳардан кўчада юрса?!
Қиз секин бош эгиб салом беради.
Алик олган Ибодилло бобо секин сўради.
-Қизим тинчликми?Нега саҳар мардонда қишлоқ кезиб юрибсан?
-Катта ариқ бўйидан келяпман!
-Тинчликми?ажабланади Ибодилло бобо.
-Айтсам кулмайсизми?
-Йўқ!
-Тушимни сувга айтиб келаяпман!
Отахон секин жилмайиб қўйиб йўлида давом этди.

Ҳа раҳматли кампирим ҳам эрта тонгда туриб,тушини сувга айтарди..

Ўша кун Ибодилло бобо кунни ўйчан ўтказди.
Ҳатто битта қўчқори далада қолиб кетганини ҳам сезмади..

Ярим кеч дарвоза тақиллади.
Мардон ака қўчқорни етаклаб келибди!

Ибодилло бобо шунақа ўйчан эдики раҳмат айтмади ҳам.

Мардон ака чол пишибди шекилли деб кўнглидан ўтказди.

Эртаси тонгда йўлда яна Севарани учратиб қолди.

-Қизим тушингни менга ҳам айта оласанми ёки ирим қиласанми?
-Сизга...айтавераман!.
Тушида оппоқ отда нурли йигитни кўрганини айтди.
Ибодилло бобо дуо қилди...Илоҳим бахтингни топ деди.

Ҳечқанча ўтмасдан Севарага совчи келди.
Тўйи тезлаб кетди..
Севара тушида кўргани шу йигит эканига ишона бошлади..
Йўқ ишона бошламади ишонч билан айта оларди!

Тўй бошланди оппоқ келин либосини кийиб кўҳлик келин бўлдиТўйхона олдида машинадан энди тушай деб турганида бир гала отлиғлар ўтиб қолди.
Куёвнинг жўраларидан бири шўхлик билан битта отни ташлаб кетинглар бизга деди!

Отлиғлардан бир хушсўрат,келишган йигит -чавандоз отини бировга бермайди,на отини,на зотини беради деди.

Севара худди шу овозни олдин эшитгандек кўз остида бир қарадию кўнглидан бир гап ўтди.

Эй чавандоз сенинг зотингни пиёдалар илиб кетганидан бехабар қолдингку.

Шу шу Севара тушларини сувга айтмади..

Ибодилло бобо қўйларини далага олиб кетарда Севарани учратмади..

Нуриддин Зиё Ochish/sharhlash