2021-04-28 20:55:12
Тўққиз бола, ариза, участка, қамоқ. Ассалому алайкум!
Менинг исми-шарифим Бехруз Ҳайитов, 2004 йилда Самарқанд вилоятининг Самарқанд туманида туғилганман.
Онам Тожиева Наргиза 1978 йилда туғилган. Онамнинг қарамоғида
9 нафар вояга етмаган фарзанд бор.
Ўша фарзандларига уй-жой қилиб бериш ниятида ер-участка сўраб, аввало ўзимизнинг
маҳалла раисига, кейин
қишлоқ кенгаши раисига, сўнг
туман ва вилоят ҳокимларигача ариза билан мурожаат қилди. Лекин ҳеч биридан қониқарли жавоб бўлмади.
2016 йилнинг 20 сентябрида ўша бир тўп аризаларни ксерокопия қилдириб ва бу аризаларга келган жавоб хатларини илова қилган ҳолда президент девонидаги мулозимларга АРИЗА билан мурожаат қилди. Ушбу АРИЗАсига девондан жавоб кутаётган бир вақтда, жавоб президент девонидан эмас, туман ҳокимидан келди.
Туман ҳокими онамга: "
Тезда ҳокимиятга етиб кел, сен учун ер-участка қарорини тайёрлаб қўйдим, олиб кетасан" деб қўнғироқ қилган. Онам ҳокимиятга борганида унинг қўлига участка ажратилгани ҳақдаги қарорни тутқазишган. Онам бечора хурсанд бўлиб ҳокимга рахматлар айтиб даҳлизга чиққан пайти шу ерда пойлаб турган мелиса ходимлари уни роса калтаклашган ва туман ИИБ га олиб кетишган.
Онам улардан "Нега мени бу ерга олиб келдингизлар?" дея сўраганида, "Сен президент девонига ариза ёзибсан, ҳокимимиз қанча гап эшитди, энди сени қандай бўлмасин, қаматишимиз шарт", деб онамнинг қўлидаги
4 ойлик чақалоғини ва
1 ярим яшар сингилчамни олишиб "Меҳрибонлик" уйига топширишган.
Шундан сўнг мелисалар уйимизга келишиб мени ва опамни ИИБ га олиб боришди ва бизни ҳам "Меҳрибонлик" уйига топширишди. Шундан бери онамиз қамоқда.
Онамни тергаган терговчи онамни турли ишлар билан айблаб,
онам ҳеч қаерга имзо чекмаганига қарамай, кўплаб жиноий моддалар қўйиб, ясама "жиноий иш" тайёрлаган.
Суд пайтида судя онамни тинглашни истамади. У жаноб киприк қоқмасдан онамни
8 йил 6 ойга озодликдан маҳрум қилди.
Орқангда сени ҳимоя қиладиган одам бўлмаса, жуда-жуда қийин экан...
Бизлар жудаям ёш тирик етим бўлиб қолдик. Укаларим эса, эндигина дунёга келиб ҳали она меҳрига тўймаган, она меҳрига зордирлар. Улар ҳар куни ўксиниб, "Онамиз қачон келади?" дея йиғлашади.
5 та укам қаерлардадир сарсон бўлиб юришибди,
2 та укамни 70 ёшлик бувам "Меҳрибонлик" уйидан васийлик қилиб олган.
Хуллас,
биз бу дунёга келганимиздан пушаймонмиз. Ҳеч ким бизнинг арз-додимизни тингламайди, тинглашни ҳам истамайди.
Сиздан илтимос, бизга қўлингиздан келганча ёрдам беринг.
Bexruz HAYİTOV, Самарқанд. 25.04.2021.
———-
Тўғриси бугун ҳеч нарса ёзмоқчи эмас эдим, ишларим кўп эди, лекин шу хатни қандай бўлса, шундайлигича жойладим. Тўғриси, инсон боласи бу дунёга келганимдан пушаймонман деса ғалати бўлар экансан.
Мен қандай ёрдам беришимни билмайман, лекин 9 фарзанднинг онаси 8,6 йилга қамайдиган жамиятда яшаётганлигимни ва бу нормал ҳолат эканлиги мени жуда ўйлантириб қўйди.
9 та фарзандни дунёга келтирган онанинг қандайдир кечириб бўлмас жиноят қилишини тасаввуримга сиғдиришим жуда қийин кечмоқда.
@tentakminds
363 views17:55
I
