Ibrohim Said | Notes

2023-06-22 17:44:59 Ochish/sharhlash

2023-06-20 09:17:58 Mana bugun dunyo yuzini ko'rganimizga 20 yil bo'libdi. Shu muddat ichida qancha yaxshi kunlarni boshdan kechirdik. Bularning barchasi uchun Allohimga hamdu sanolar bo'lsin. 20 yil oldin meni dunyoga kelishimga sababchi bo'lgan ota-onamga mingdan ming rahmat. Ularni yuzini yorug' qilib yurish nasib etsin.

Ibrohim Said Ochish/sharhlash

2023-06-20 07:05:49 Ulga'ydik yana...

Bir yoshga biz, ulg'aydik yana,
Ko'nglimizda shodlik tantana
Ushbu kunda o'tgan yillarni,
Yodga olmoq bizga an'ana.

Oldimizda odim marralar,
Kutmoqdadir quchog'in ochib.
Osmondagi yulduz zarralar,
Hamroh bizga nurlarin sochib.

Yodimizda eski kunlardan,
Qoldi faqat yorqin xotira.
Yana qancha yashayman bilmam,
Baxtli kunlar bo'lmas xotima.

Ba'zan toshga qoqilib tushdik,
Adashmadik, bo'lmadik mushrik.
Bildirmadik aslo tushkunlik,
Go'yo yo'llar bo'lsada muzlik.

Maqsadlarni qo'yganmiz odim,
Qolmagaymiz zinhor yashnashdan.
Nur ketidan quvib doimo,
To'xtamaymiz yaxshi yashashdan.

Qancha hayot bersa ham Alloh,
Har on mehrni oshno qilamiz,
Bor-u yo'qqa qanoat qilib
Ajr savobni odat bilamiz.

Ibrohim Said
Kun: 19.06.2023
soat: 01:46 Ochish/sharhlash

2023-06-19 13:34:31
My university
Ochish/sharhlash

2023-06-18 21:04:26 Trenddan qolmadik biz ham Ochish/sharhlash

2023-06-17 14:41:25 Salom hurmatli do'stlar.
Do'stimiz ham shaxsiy blog sahifasini ochdilar.
Kirib ko'ring. Manfaatli va foydali bo'ladi degan umiddaman.

https://t.me/Shohrux_Bakiev Ochish/sharhlash

2023-06-11 18:28:38 Shu yergacha o'qidingiz, demak siz men uchun begona emassiz. Rahmat. Boringizga shukr.

Ibrohim Said Ochish/sharhlash

2023-06-11 18:27:34 Ayol
oxirgi qism...

Nafosat nazokat jami hislatlar,
Go‘zallikning bari unda mujassam,
Mo‘ltirab boqilgan nozli qarashlar,
Gavhardan taralgan nurdek muazzam.

Ayolning borligi qalblarga darmon,
Ko‘z tikib qaraysan o‘tgan yo‘liga.
Bir boqib qarashning o‘zi kifoya,
Oshiq bo‘ladursan qora ko‘ziga.

O‘xshaydi ularsiz o‘tgan kunlar,
Supurgi ko‘rmagan eski hovliga.
Oshiq eshitmasa yorin kulgusin
Bulbullar yig‘laydi aning holiga.

Hurmat, e‘tirofga sazovor bo‘lib,
Mehr-la muhabbatni asraydi ayol.
Bandaga berilgan go‘zal hayotda
Halol va pokiza yashaydi ayol.

Ibrohim Said
Kun: 09.06.2023
soat: 21:12

Tugadi... Ochish/sharhlash

2023-06-11 18:21:21 Ayol
davomi...

Farzandlar unutdi onaizorni,
Xoli, ahvolidan ular bexabar.
Ona o'z bolasin yo'liga qarab,
Noshud bolasidan kutadi xabar.

Jigarbandlar baxti, kamolin istab
Farzandlarin duo qiladi ayol.
Danagidan shirin nabira ko’rib,
Buvilik unvonin oladi ayol.

Asta sochlariga oqlar oralab,
Gullardek qomati kichrayib qolar.
Zilol yuzlariga ajinlar tushib,
Ushoq donasidek keksayib qolar.

Kun kelib hayotning oltin ertagi,
Tamoman yetadi o‘z poyoniga.
Hayot sinovida sinalgan inson,
Ketadi oxirgi oshiyoniga.

*davomi bor... Ochish/sharhlash

2023-06-11 15:31:26 Ayol
davomi

Ko'nadi ro'zg'orning kamu ko'stiga
Borini oshirib yashaydi ayol.
Uyda bor narsaga qanoat qilib,
Yo'g'ini yashirib yashaydi ayol.

Ayol bo'lar uyning sandal ustuni,
Xonadon jilovi bo'lsa ham erda.
Orzusi bo'lsa ham naqadar osmon,
Guldek boshni egib yuradi yerda.

Bir qo'lida beshik tebratgan mahal,
Boshqasida dunyo tebratar ayol.
Bolasiga nohaq tosh otib ko'ring,
Qahri bilan sizni titratar ayol.

Ne kerakdir asli ayol zotiga,
Dil ila aytilgan izhor bo'lsa bas,
Berilsa unga ham biroz e'tibor,
Bundan ziyodasi aslo kerakmas.

*davomi bor... Ochish/sharhlash