2022-08-12 09:29:10
“Mavlono” filmini koʻrib chiqdik. Xulosalar:
- Filmda dialog (dinlarni birlashtirish)ga chaqiruv bor;
- “Shayx”ning elit hayoti misolida ulamolarning turmush tarzi va aytayotgan gaplari boshqa-boshqa degan daʼvo oldinga surilgan. Xossatan, Azhari Sharif va azhariylarning shaʼniga boʻhton, ularning ustidan istehzo mavjud;
- Bir dinga “u mutloq haq deb ishonish” notoʻgʻri degan gʻoya zimdan ilgari surilgan, masalan: Hasan (Petrus) bilan boʻlib oʻtgan suhbat. Unda “shayx” Hasanga shunday deydi: Musulmon boʻlsang jannatga aniq kirishingga kafil emasman, shuningdek nasroniyligingcha qolsang ham doʻzaxga aniq tushishingga ham (kafil emasman);
- Islom ulamolari ham xuddi oʻrta asr xristian poplari singari dinni monopoliya qilib olgandek koʻrsatilgan, masalan: “shayx” amaldorlar bilan futbol oʻyiniga borganda, ulardan biri “shayx”ga: Nega sizni tushunganchalik mumtoz Islom kitoblarini tushunmaymiz, ularni ham tilini ulamolar osonlashtirsa boʻlmaydimi?, deb savol beradi. “Shayx”: Agar (diniy ilmlarni hamma tushunadigan qilib) osonlashtirib yuborsalar, unda ulamolar non ham yeya olmaydilar, deydi.
- Goʻyo “asl” Islom va odamlarga tarqagan Islom ayridek koʻrsatilgan. (Buni qaysidir jihatdan, masalan musulmonlar orasida tarqab qolgan baʼzi xurofotlar kabi jihatdan toʻgʻri deyish mumkin boʻlsada, aslida film ijodkorlarining maqsadi dinimizning sobit haqiqatlari borasida insonlar qalbiga gʻulgʻula solish ekani bilinib turibdi);
- Diniy matnlar: oyat va hadislarni ummat qabul qilgan fahmda qabul qilmay, dinning haqiqatlari bilan oʻynashish mavjud, yana dinni tajdid (yangilash) qilishga chaqiriq mavjud;
- Shiʼa masalasi oʻta nozikdir. Filmda ularni osongina hal qilib, sunniy-shiʼiy degan tushuncha yoʻq, Islom bor deya, Ahli sunna val jamoaning hududiga hujum mavjud;
- “Shayx” moʻtadil Islom daʼvatchisi, gʻayridinga haq yetkazuvchi daʼvatchi, moʻl ilm sohibi oʻlaroq koʻrsatilab, tomoshabinlarga sevdirilar ekan, ayni paytda ularning ongostiga yuqorida aytilgan buzgʻunchi-fasod gʻoyalar ekib ketilgan.
Umumiy qilib aytadigan boʻlsak, film din dushmanlari tarafidan gʻarazli maqsadda ishlangan. Bu gapimni “shayx”ning yotoqxona hayotigacha koʻrsatalishi va film uning asosida ishlangan “Mavlono” asarining yozuvchisi oreintalist-islomofob ekani qoʻllab-quvvatlaydi.
Eng alam qiladigani botilga xizmat qilayotganlar oʻz botillari yoʻlida xizmat qilmoqda, biz esa haq yoʻlida gʻaflatdamiz!
Facebook
T.me/ibrohim_muhammadyor
539 viewsedited 06:29