#нимадир. Балки менинг фикрим нотўғридир... Аммо ўйлайман | Хаётий ва тўқима хикоялар 📖
#нимадир.
Балки менинг фикрим нотўғридир... Аммо ўйлайманки, аёлнинг ақллиси ҳеч қачон зинога рози бўлмайди!
Бу дунё қанақа ўтса, ўтар...
Қачондир хорлик, қачондир зорлик, қачондир ожиз елкаларга дунё ташвиши ортилган кўйи чигал йўллар узра манзиллар давомланар...
Аммо қачондир бари тугайди!
Ҳамманинг умиди боқий дунёдан...
Дейишарки, зино қилган аёл Жаннатнинг исини ҳам искамайди!
Мен шунинг учун ўйлайман: аёл гарчи чиндан ҳам ақлли бўлса, бу дунё учун боқий дунёсидан воз кечмайди!
Кўп аёлларнинг ўтмиши ва бугунидан хабардорман. Баланд турмакланган сочлар, минбарга ярашиқли жусса, ақлли қарашлар...
Йўқ, қачондир иштонбоғингизни маҳкам чангаллаб туришга қурбатингиз етмаган, барини аёлликнинг ожизона томонларига йўйгансиз...
Гапларимни оғир олманг. Қайдам, балки нотўғри фикр юритаётгандирман.
Дунёқарашим шундай: агар аёл бўлиб дунёга келиб кимгадир муқаддас хилқат эканлигимизни англатиш қўлимиздан келмаса демакки, ожиза номи ҳам бизга кўплик қилади.
Маҳрингизнинг қанчалигини айтинг. Никоҳига киринг.
Зўр бўлсангиз, биринчисидан ҳам севимлироқ аёл бўлинг.
Фарзандлар туғинг.
Бошингиз устида том бино бўлсин!
Аммо кимнингдир хожатхонага бир кириб чиққудек вақтига эгалик қилманг.
"Ўйнаш" бўлиб яшаш қўпол қилиб айтганда ана шундай нарса!
Ummu Zaynab Ummu
https://t.me/joinchat/AAAAAFVFAZk-V-Xhcn0-fQ
