#nazm Do'stimga maktub… Men ham salom yo'llay, yo'llay doi | Ibnul Hanafiy

#nazm

Do'stimga maktub…

Men ham salom yo'llay, yo'llay doimo,
Do'stim uchun, barcha do'stlarim uchun.
Baxt-saodat tilay, tilay doimo.
Eng yaqin insonim – yoronim uchun.

Ey do'stim…
Unutmagin, hayot emasdir ravon,
Unda qoqilmagin, toyilma hech ham.
Qaylarga borsang ham, bo'lgindir omon,
Allohning arqonin ushlagin mahkam.

Ey do'stim…
Bu dunyo o'tkinchi, o'tkinchi bari,
Ibodatda bo'lgin, dunyoni demay.
Kasodga uchradi qancha-qanchasi,
Dunyoni quchib, lek ibodat qilmay.

Ey do'stim…
Otang rozi qilgin, unutmagin hech,
Ota rozi bo'lsa, Alloh rozidir.
Onang rozi qilgin, yig'latmagin hech,
Jannat onalar oyog'i ostidir.

Ey do'stim…
Mening qisqagina gaplarim shudir,
Sen uchun baxtli umr so'ray Allohdan.
Seni baxtli ko'rmoq men uchun baxtdir,
Salomim qabul qil, Oyatullohdan.

2016

Hamidiy

✿°•┈┈┈••ৡ ৡ•┈┈┈•°✿

#назм

Дўстимга мактуб…

Мен ҳам салом йўллай, йўллай доимо,
Дўстим учун, барча дўстларим учун.
Бахт-саодат тилай, тилай доимо.
Энг яқин инсоним – ёроним учун.

Эй дўстим…
Унутмагин, ҳаёт эмасдир равон,
Унда қоқилмагин, тойилма ҳеч ҳам.
Қайларга борсанг ҳам, бўлгиндир омон,
Аллоҳнинг арқонин ушлагин маҳкам.

Эй дўстим…
Бу дунё ўткинчи, ўткинчи бари,
Ибодатда бўлгин, дунёни демай.
Касодга учради қанча-қанчаси,
Дунёни қучиб, лек ибодат қилмай.

Эй дўстим…
Отанг рози қилгин, унутмагин ҳеч,
Ота рози бўлса, Аллоҳ розидир.
Онанг рози қилгин, йиғлатмагин ҳеч,
Жаннат оналар оёғи остидир.

Эй дўстим…
Менинг қисқагина гапларим шудир,
Сен учун бахтли умр сўрай Аллоҳдан.
Сени бахтли кўрмоқ мен учун бахтдир,
Саломим қабул қил, Оятуллоҳдан.

2016

Ҳамидий

| @IbnulHanafiy |