IQRO | blog

2022-09-24 15:24:49 #sheriyat

Хитоб

Оромингни ёқотган ваҳима, исён,
Ғаюрлик оташин ёқар ичингда.
Гуноҳ, маъсиятинг олқишлаб шайтон,
Эркаклик ғуруринг қопар ичингда...

Гуноҳ қорайтирган қалбинг ҳам ҳуфтон,
Тош босар маҳзунлик тарозинг ҳамон,
Келдинг, жуда яқин, жаҳаннам томон
Назаринг у томон боқар ичингда...

Номаҳрам кетидан қарадинг, ёмон,
Кўзингни узсангда, ҳаёл у томон
Кетар гоҳ-гоҳи қолмасдан омон,
Зинонинг чўғлари ёнар ичингда...

Дерсан: "Фитналарга тўлди бу замон",
Дерман: "Замон эмас, асли сен нодон,
Бордир улкан ажр бергувчи Раҳмон"
Дея нафсга жиҳод борар ичингда...

Бировларни қилдинг ғийбат ва бўхтон,
Биродаринг шанига қилдинг кўп гумон.
Бас! Етар энди! Тавба қил! Тамом!
Ҳидоят учқуни порлар ичингда...

Мақсуд Алий

@ibnuhikmatulloh Ochish/sharhlash

2022-09-23 21:15:44 #sheriyat

Афсуски, армонсан гўзал Истанбул
Олис йўлларинга отландим, кутдим.
Тўрт куз, тўрт баҳор бироз сокин бўл,
Ҳозирча сабримнинг жиловин тутдим.

Мақсуд Алий

@ibnuhikmatulloh Ochish/sharhlash

2022-09-08 18:43:47 CEFR B2 TAYYORLOV

Aziz muslimalar! Sizlarga ancha vaqtdan buyon koʻp sonli oʻquvchilarimiz tomonidan soʻralayotgan dasturimizga dastlab ONLINE TAʼLIM shaklida start berganimizni mamnuniyat ila eʼlon qilamiz!

ARAB TILIDAN CEFR B2 TAYYORLOV

Ushbu guruhda siz C1 darajadagi mutaxassis, 10+ yillik tajribaga ega boʻlgan, yuqori malakali ustozdan dars olish imkoniga ega boʻlasiz.

Vaqti: Du/Se
Soati: 9:00-11:00

Diyanet School oʻquv markazi arab tilining barcha yoʻnalishlarini oʻrgatishda innovatsion dasturlardan foydalanadi.

Bundan tashqari bizda arab tilidan haftada bir marta bepul darslar mavjud.

Murojaat uchun:
@diyanetschool_admin

Yaqinlaringizga ham ulashib qoʻyishni unutmang!

Sahifamiz @diyanet_school Ochish/sharhlash

2022-08-24 05:27:34 #taqdim

КАЛОМИ МАРЯМ

Юзим – иффат,
Сўзим – иффат,
Ўзим – иффат,
Тушса фақат юзларимга ҳаё тушди.
Чиқса фақат сўзларимдан чиқди ҳикмат,
Адабсизлик каломидан жон увушди.

Ишқ – мақсадим,
Матлабим у ҳар нафасда,
Фирдавсида Ёр васлини қасд айладим.
Дунё деган бир ажойиб гулқафасда
Мен нафсимни иззатимдан паст айладим.

Хаёлиммас номаҳрамнинг хаёли ҳам,
Эр зотининг исмини-да ёд этмадим.
Ҳисларимни зикрим билан кўриб баҳам,
Мен нафсимни бир нафас ҳам шод этмадим.

Тўкилмадим йўллар узра тупроқланиб,
Меҳробимни қаср этмиш Парвардигор.
Юрагимнинг ошёнини олдим таниб,
«Асмо...» деган бир муҳташам саройим бор!

Фаришталар суймиш мени фалакларда,
Ер аҳлига суйдирмиш Ул Ҳақ таоло.
То қиёмат қолармишман юракларда,
Марям исмим севар эмиш арзу само...

Қалбим бўлди менга ҳар дам Ишқ ватани,
Ҳақ манзилга кўзларимни қадаб бўлдим.
Кўнглимга ҳам раво кўрмай бегонани,
Иффат бўлдим, ҳаё бўлдим, адаб бўлдим!

Ўткирбек Муҳаммадсобир
2022, июль-август
Тошкент

https://t.me/utkirbek_muhammadsobir Ochish/sharhlash

2022-08-23 22:13:19 ”..аёлларга айтинг козларини қуйуқ қилсин, эркакларга нафақат кочада уйда отириб телевизорда хам қарамасин.”
( ) Ochish/sharhlash

2022-08-18 21:40:26 #sheriyat

Инсон туғилар, яшар ва ўтар,
Ҳаётга бир бора "келамиз" дея.
Жумла "ўламиз"га ўзгарса агар
Тавбасиз кетмайди, надомат ея...

Мақсуд Алий

@ibnuhikmatulloh Ochish/sharhlash

2022-08-18 08:17:34 Гоҳида чекиниш вазиятни ўнглайди

@MubashshirAhmad Ochish/sharhlash

2022-08-16 18:08:24 #sheriyat

"Махлуқ" эмасман мен, аммо на қилай,
Қўлимга бу ҳаёт тутқазган китоб.
Китоби кўп деманг, китобим кўпмас
Ҳадя бергувчига самимий ҳитоб.


Мақсуд Алий

@ibnuhikmatulloh Ochish/sharhlash

2022-08-14 22:07:58 #sheriyat

Сўралмишким шоирдан савол :
- Нимадир умрнинг асл "йўқлиги" ?
Шоир жавоб берди қилмасдан малол :
- Кеча бор суянчинг бугун йўқлиги...

Мақсуд Алий

@ibnuhikmatulloh Ochish/sharhlash

2022-08-13 23:36:40 #sheriyat

Бамдод.. Субҳи дам.. Тонг шаббодаси,
Деразанг ойнасин аста чертади.
Собаҳда мен айтган азон садоси
Муштоқ айлар қалбинг томон элтади.

Мақсуд Алий

@ibnuhikmatulloh Ochish/sharhlash