АҚШ “демократия” олиб кирмоқчи бўлган Ливия пойтахти Триполида қуролли тўқнашувлар. Бу ерда сиёсий гуруҳлар роса жиққамушт.
АҚШ “демократия” олиб кирмоқчи бўлган Ироқда эса ҳокимият талашмиш. Нуфузли шиа етакчиси Муқтада ас-Садр Ироқдаги чигал вазиятга жавобан сиёсатдан кетишини эълон қилди.
Муқтада ас-Садр тарафдорлари тўполон кўтариб, Президент саройини эгаллаб олгани айтилаяпти.
Кимларнингдир наздида Саддам ва Каддафи кетганидан кейин халқ фаровонликка юз тутиши керак эди. “Диктатор”лар қулади, халқ озод бўлди. Буёғига демократик институтлар жорий этилади ва ҳаммаси “тип-топ”.
Унинг ўрнига эса халқ қочқинликка юз тутиб, Европага интилмоқда, урушлардан чарчади. Икки мамлакат доимий нотинчлик ўчоғига айланди. Нефть компаниялари эса мазза қилаяпти.)
Ўша гап. Ўз ҳаётинг фақат ва фақат ўзингга керак, бировларни заррача ўйлантирмайди. На АҚШ, Россия, Хитой, Европа...
