“Вагнер ХҲШ” асосчиси Пригожинни “йил одами” деб эълон қилдиКоррупция ва уюшган жиноятчиликни ўрганиш халқаро маркази президент Путинга яқин кўрилган петербурглик тадбиркор, Россиядаги “Вагнер” хусусий ҳарбий ширкати асосчиси ва ҳомийси Евгений Пригожинни “уюшган жиноятчилик ва коррупция” номинацияси бўйича “йил одами” деб тан олган.
“Евгений Пригожин бу йил ўз ватанида барча қора ишларнинг энг кўзга кўринган тимсолига айланди. Шафқатсиз зўравонлик, сурбетлик ва жазосизликда унга тенг келадигани кам”, дея қайд этилган халқаро марказ баёнотида.
OCCRP “уюшган жиноятчилик ва коррупция” номинацияси бўйича “йил одами” рамзий мақомини 2012 йилдан буён тақдим этиб келади. 2014 йили бу номинация бўйича Владимир Путин “ғолиб” топилган эди.
АҚШ разведкаси маълумотига кўра, айни пайтда Украина ҳудудидаги жанговар ҳаракатларда 40 минг чоғли россиялик маҳкум иштирок этмоқда.
https://t.me/Hurfikruznews
