Huquqiy ko'mak

2023-03-07 04:27:01 Mart oyida haftasiga 5 kun ishlaydiganlar umumiy 10 kun, 6 kunliklar umumiy 8 kun dam oladi

     Prezident farmoniga ko‘ra, Navro‘z bayrami arafasida:

    5 kun ishlaydiganlar — 5 kun — 18-22 mart kunlari;

    6 kun ishlaydiganlar — 4 kun — 19-22 mart kunlari dam oladi.

     Bundan tashqari 5 kunliklar 8 mart (bayram kuni) va 4, 5, 12, 26 mart (shanba va yakshanba) kunlari, 6 kunliklar 8 mart (bayram kuni) va 5, 12, 26 mart (yakshanba) kunlari dam oladi.

     Bunda 5 kunlik ish haftasida ishlaydigan xodimlarning dam olish kunlari quyidagicha ko‘chiriladi:

     11 mart — shanba kunidan 20 mart — dushanba kuniga;

     25 mart — shanba kunidan 22 mart — chorshanba kuniga. (11 va 25 mart kunlari 5 kunliklar uchun ish kuni bo‘ladi)

    Kanalimizga a'zo bo'ling
@Huquqiyymaslahatt Ochish/sharhlash

2023-03-02 07:09:03 #Сўраган_эдингиз

Pedagog xodimlarga turli xil to‘garak mashg‘ulotlarini o‘tasiz deb qo‘shimcha vazifa yuklab qo‘yilishi qonuniymi?

#Савол
Assalomu alaykum. Nima uchun maktablarda to‘garaklar soni ko‘payib ketyapti? Aslida biz o‘z fanimiz bo‘yicha to‘garak o‘tishimiz kerak edi. Endi hokimlikdan topshiriq bo‘lib, maktablarda kundan-kunga turli xil to‘garaklar joriy qilinyapti. Bu kabi qo‘shimcha to‘garaklar uchun alohida oylik to‘lanishi kerak emasmi?

#Жавоб
Xalq ta’limi vazirining 2017 yil 1 dekabrdagi 367-son buyrug‘ining 2-bandiga ko‘ra barcha fan o‘qituvchilari tomonidan (pedagogik yuklamasiga muvofiq o‘quvchilar bilan individual ishlash hisobidan) hafatasiga 2 marotaba 2 soatdan fan to‘garaklari o‘tilishi yetarlidir.

O‘qituvchilarning lavozim majburiyatlarida o‘quvchilarning qobiliyat va iste’dodlarini rivojlantirishni nazarda tutgan holda, fanlarni o‘zlashtirishda qiynalayotgan va iqtidorli o‘quvchilar bilan ishlash maqsadida o‘z fani bo‘yicha to‘garak mashg‘ulotlarini o‘tishi lozimligi qayd etilgan.

Ammo bu maktabda qancha to‘garak tashkil qilinsa, bularni hammasini o‘qituvchiga yuklash kerak degani emas. Amaldagi qonunchilik hujjatlariga ko‘ra, o‘qituvchilarning pedagogik yuklamalari belgilangan hajmdan ortib ketmasligi kerak.

Afsuski, bizning mas’ullar masalaning mana shu jixatiga e’tibor bermay, maktablarda turli xil to‘garaklar sonini ko‘paytirib yuborishyapti. Qonunchilikka ko‘ra, ish hajmi ko‘payganda xodimning ish haqi ham shunga mutanosib ravishda ortib borishi kerak. Bu ham ularning roziligi bilan amalaga oshirilishi kerak albatta.

Shu sababli xodimga qo‘shimcha vazifalar yuklatilganda ular bajargan ish uchun qo‘shimcha ish haqi to‘lanishi kerak deb hisoblaymiz. Mazkur masala bo‘yicha qonuniy asoslangan fikrlarni keyingi postlarimizda baafsil tushuntirib o‘tamiz.

Kanalimizga a'zo bo'ling
@Huquqiyymaslahatt Ochish/sharhlash

2023-03-01 21:19:06 CHIN YETIM VA YETIMLAR UCHUN BELGILANGAN AYRIM IMTIYOZLAR HAQIDA

Shunday savol kelyapti: Men chin yetimman. O‘zim orzu qilgan institutga topshirmoqchiman, biz kabilarga o‘qishimiz uchun va keyinchalik yashashimiz uchun uy-joy bilan bog‘liq qanday imtiyozlar bor? Iltimos, shu haqida ma’lumot bersangiz.

JAVOB. Bu yo‘nalishda bir qator imtiyoz va yengilliklar bor, ularning ayrimlarini keltirib o‘tsam:

1. 2019-2020 o‘quv yilidan boshlab, har yili OTMlarga abituriyentlarni qabul qilishning umumiy sonidan mehribonlik uyi va bolalar shaharchasining bitiruvchilari bo‘lgan chin yetimlar uchun qo‘shimcha ravishda 1 foizgacha davlat granti asosidagi qabul kvotalarini ajratiladi (Prezidentning 2019 yil 22 apreldagi PQ-4296-son qarori);

2. Chin yetimlarga, “Mehribonlik uylari”da tarbiyalanganlarga (hamda bolalikdan I va II guruh nogironlariga) o‘qish kontrakt pulini to‘lash uchun tijorat banklarimiz tomonidan ta’lim kreditlari foizsiz ajratiladi (Vazirlar Mahkamasining 2001 yil 26 iyuldagi 318-sonli qarori);

3. 2020-2021-o‘quv yilidan boshlab to‘lov shartnoma asosida ta’lim olayotgan chin yetim talabalarga (shuningdek nogiron, ota-onasi ota-onalik huquqidan mahrum etilgan hamda mehribonlik uyida tarbiyalangan, boquvchisini yo‘qotgan talabalarga) to‘lov shartnoma mablag‘larini 50 foiz qismi «Yoshlar ta’lim granti» loyihasi tomonidan to‘lab berilishi belgilangan (Vazirlar Mahkamasining 2021 yil 18 yanvardagi 23-son qarori).

4. Kam ta’minlangan oilalar va yetim bolalar toifasiga kiruvchi talabalarga bir yilda bir marta bazaviy hisoblash miqdorining 10 (o‘n) baravari miqdoridan oshmaydigan bir martalik moddiy yordam puli berilishi kerak (Vazirlar Mahkamasining 2019 yil 26 fevraldagi 172-son qarori);

5. Ta’lim muassasalarida ta’lim olayotgan to‘liq davlat ta’minotida bo‘lgan yetim bolalar va ota-onasining yoki boshqa qonuniy vakillarining qaramog‘idan mahrum bo‘lgan bolalarga shaxsiy xarajatlari uchun har oyda bazaviy hisoblash miqdorining 2 baravari  (490.000 so‘m) miqdorida pul mablag‘lari to‘lanadi (Vazirlar Mahkamasining 2020 yil 21 noyabrdagi 739-son qarori);

6. Davlat ta’minotiga olingan o‘quvchi-talaba bo‘lgan yetimlarga ta’lim muassasasini bitirayotganda, ishga qabul qilinayotganda kiyim-bosh, poyabzal va boshqa buyumlar sotib olish uchun bazaviy hisoblash miqdorining 100 baravari (24.500.000 so‘m) miqdorida hamda yo‘l xarajatlari uchun bazaviy hisoblash miqdorining 5 baravari (1.225.000 so‘m) miqdorida bitiruv nafaqa to‘lovlari berilishi kerak (Vazirlar Mahkamasining 2020 yil 21 noyabrdagi 739-son qarori);

7. 2021 yil yakuniga qadar mehribonlik uylarining uy-joyga muhtoj 900 nafar chin yetim bitiruvchilari uy-joy bilan ta’minlanishi kerak. Shuningdek, Moliya vazirligi keyingi yillar uchun byudjet parametrlarini shakllantirishda mehribonlik uylarining uy-joyga muhtoj yetim bitiruvchilari va ota-onasining qaramog‘idan mahrum bo‘lgan bolalarni uy-joy bilan ta’minlashga mablag‘lar ajratib boradi. Mana shu iyul oyining 20 sanasigacha chin yetim yoshlarni ham uy-joy bilan ta’minlashni nazarda tutuvchi alohida normativ-huquqiy hujjat qabul qilinishi kerak. Shu tariqa uy-joyga muhtoj yetimlarni bu muammolarini hal qilish mehanizimi tizimli ishlaydi  (O‘zbekiston Respublikasi Prezidentining 2021 yil 3 fevraldagi PF-6155-son);

8. Uy-joyga muhtoj bo‘lgan yetim bolalar va ota-ona qaramog‘idan mahrum bo‘lgan bolalarga turar joylar qonun hujjatlarida belgilangan tartibda maqsadli kommunal uy-joy fondidagi uylardan yoki vaqtincha foydalanilmayotgan, davlat mulki bo‘lgan yotoqxonalardagi, uy-joylardagi hamda ko‘p kvartirali uylardagi bo‘sh turgan kvartiralardan beriladi. Bundan tashqari, chin yetim bolalarni vasiylikka olgan oilalar ham aniq maqsadli kommunal uy-joy fondidan turar joy beriladigan fuqarolar tarkibiga kiritilgan (Vazirlar Mahkamasining 2019 yil 26 fevraldagi 170-sonli qarori).

Kanalimizga a'zo bo'ling
@Huquqiyymaslahatt Ochish/sharhlash

2023-03-01 21:15:23 АГАР ХОДИМ КЕТМА-КЕТ ТУҒРУҚ ТАЪТИЛИГА ЧИҚСА, ҚАНДАЙ ТАРТИБДА ДЕКРЕТ ПУЛИ ТЎЛАНАДИ?

САВОЛ.
Ассалому алайкум! Ҳурматли ЮРИСТЛАР ЖАМОАСИ! Агар ходим (ўқитувчи) кетма кет туғруқ таътилига чиқса, яъни биринчи боласини 1 ёшлик пайтида яна декретга чиқса, кейинги иккинчи боласини ҳам парваришлаш вақтида яъни иккинчи боласи 1,5 ёш бўлганда яна туғруқ таътилига чиқса у ходимга қандай тартибда декрет пули тўланади?

ЖАВОБ.

Адлия вазирлиги томонидан 1136-рақам билан 2002 йил 8 майда рўйхатдан ўтказилган “Давлат ижтимоий суғуртаси бўйича нафақалар тайинлаш ва тўлаш тартиби тўғрисида”ги низомнинг 46-бандига кўра, ходим йиллик (асосий ва қўшимча) таътилда ва болани парваришлаш учун таътилда бўлган вақтда ҳомиладорлик ва туғиш бўйича таътил берилганда, нафақа ҳомиладорлик ва туғиш бўйича таътилнинг вақтинча меҳнатга лаёқатсизлик варақасида кўрсатилган барча кунлари учун берилади.

Болани парваришлаш бўйича таътил даври учун нафақа тариф ставкасидан (лавозим маошидан) ва таътил бошланишидан олдинги 12 ой мобайнида олинган мукофотларнинг ўртача ойлик суммасидан ҳисоблаб чиқарилади. Бунда вақтинча меҳнатга лаёқатсизлик варақаси очилган кунига бўлган тариф ставкаси жойларда белгиланган туман коэффициенти ва устамаларни ҳисобга олган ҳолда олинади.

Ўзбекистон Республикаси Президентининг 2016 йил 27 декабрдаги “Ўзбекистон Республикасининг 2017 йилги асосий макроиқтисодий кўрсаткичлари прогнози ва давлат бюджети параметрлари тўғрисида”ги 2699-ПҚ-сонли қарорининг 23-бандида ҳомиладорлик ва туғиш нафақаларини тайинлаш ва тўлашнинг адолатлилик тамойилини сақлаб қолиш, ишга қайта кирганлар ёки 12 ойдан ортиқ танаффусдан кейин ишни давом эттирадиганлар учун ҳомиладорлик ва туғиш нафақаларини тайинлашнинг табақалаштирилган миқдорини белгилаш аёл ходимнинг ишга қабул қилинган кундан бошлаб амалда ишлаган вақтга боғлиқ ҳолда қуйидаги миқдорларда белгиланган:

ишга қабул қилинган кундан бошлаб 12 ойгача - ҳомиладорлик ва туғиш таътилида бўлган вақт учун ўртача ойлик иш ҳақининг 75 фоизи;
ишга қабул қилинган кундан бошлаб 12 ойдан ортиқ вақт мобайнида - ҳомиладорлик ва туғиш таътилида бўлган вақт учун ўртача ойлик иш ҳақининг 100 фоизи.

Кўриниб турибдики, сиздаги ўқитувчи ходим билан меҳнат шартномаси тузилганига 12 ойдан кўп вақт ўтган ва бу ходимга такрорий ҳомиладорлик ва туғиш таътили даврида меҳнатга лаёқатсизлик варақасига асосан ўртача ойлик иш ҳақининг 100 фоизи миқдорида нафақа пули тўлаб берилади.

Диққат қилинг! Ҳомиладорлик ва туғиш нафақасини табақалаштирилган миқдорда тўлаш масаласи янги таҳрирдаги Меҳнат кодексининг 404-моддасида эътиборга олинган:

Яъни аёлга туғруққача етмиш календарь кун ҳамда туғруқдан кейин эллик олти календарь кун (туғиш қийин кечган ёхуд икки ёки ундан ортиқ бола туғилган тақдирда етмиш календарь кун) ҳомиладорлик ва туғиш таътили берилиб, қонунчиликда белгиланган, лекин ўртача ойлик иш ҳақининг етмиш беш фоизидан кам бўлмаган миқдорда нафақа тўланади.

Янги таҳрирдаги Меҳнат кодекси кучга киргач, ҳомиладорлик ва туғиш нафақасини тайинлаш ҳамда тўлаш тартиби Ўзбекистон Республикаси Вазирлар Маҳкамаси томонидан белгиланади.

Экспертимиз Раъно Исамитдинова Ochish/sharhlash

2023-03-01 08:56:43 ​​ O‘zbekistonliklar mart oyida necha kun dam oladi?

Bugun - 1 mart. Bu oyda mamlakat aholisini uzoq dam olish kunlari kutmoqda.

Prezident 2022 yil 23 dekabrda «2023 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida»gi қарорни имзолади.

8 mart (chorshanba) – Xotin-qizlar bayrami – o‘zbeklar bir kun dam oladi. Mehnat kodeksiga ko‘ra, bu ishlanmaydigan bayram kuni.

Ayni kunlar bo‘yicha prezident farmoniga hech qanday o‘zgartirish va qo‘shimchalar kiritilmagan.

Navro‘z bayramida o‘zbekistonliklar ketma-ket to‘rt-besh kun dam oladi.

Haftada 6 kun ishlaydiganlar uchun qo‘shimcha ishlanmaydigan kunlar 20 mart (dushanba) va 22 mart (chorshanba) bo‘ladi.

Bundan tashqari, mart oyida besh kunlik ish haftasiga ega bo‘lgan xodimlar uchun dam olish kunlari quyidagi tartibda o‘tkaziladi:

11 mart, shanbadan 20 mart, dushanbaga;
25 mart, shanbadan 22 mart chorshanbaga.

Shunday qilib, haftasiga 6 kun ishlaydigan o‘zbekistonliklar quyidagicha dam oladi:

2023 yil 19 mart (yakshanba) - taqvim bo‘yicha dam olish kuni;
2023 yil 20 mart (dushanba) - qo‘shimcha ishlanmaydigan kun/ko‘chirilgan dam olish kuni;
2023 yil 21 mart (seshanba) - dam olish kuni;
2023 yil 22 mart (chorshanba) - qo‘shimcha ishlanmaydigan kun/ko‘chirilgan dam olish kuni.

Haftada 5 kun ishlaydiganlar quyidagi kunlarda dam oladi:

2023 yil 18 mart (shanba) - taqvim bo‘yicha dam olish kuni;
2023 yil 19 mart (yakshanba) - taqvim bo‘yicha dam olish kuni;
2023 yil 20 mart (dushanba) - qo‘shimcha ishlanmaydigan kun/ko‘chirilgan dam olish kuni;
2023 yil 21 mart (seshanba) - dam olish kuni;
2023 yil 22 mart (chorshanba) - qo‘shimcha ishlanmaydigan kun/ko‘chirilgan dam olish kuni.

Kanalimizga a'zo bo'ling
@Huquqiyymaslahatt Ochish/sharhlash

2023-03-01 08:52:19 #Ҳуқуқий_саводхонлик

Ўқитувчи томонидан олиган сертификат сохта эканлиги аниқланса, қонунчиликда қандай жавобгарлик бор?

Маълумки, айни вақтда ўқитувчиларни қўшимча рағбатлантириш мақсадида умумтаълим фанлари буйича тегишли даражадаги сертификатга эга бўлган педагог кадрларга ҳар ойлик қўшимча устама тўлаш тизими жорий қилинган.

Айрим ҳолатларда "уддабурон" шахслар томонидан мазкур сертификатларни сохталаштириб, ўқитувчиларга маълум бир маблағ эвасига пуллаш ҳолатлари ҳам кузатилиши мумкин. Аммо, бундай ҳаракат учун қонунчиликда жавобгарлик белгиланган.

Шуни унутмаслик лозимки, ўқитувчилар томонидан тақдим этилган сертификатларнинг ҳаққонийлигига сертификат эгаси шахсан масъул ҳисобланади.

Агар қалбаки сертификатлар аниқланадиган бўлса, Мактабгача ва мактаб таълими вазирлиги Ўзбекистан Республикаси Жиноят кодексининг 228-моддасига асосан судга мурожаат қилиши ва айби исботланган ҳолатда энг камида ушбу ходимлар билан тузилган меҳнат шартномаси бекор қилиниши мумкин.

Муҳим эслатма: Жиноят кодексининг 228-моддасига кўра, ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланган шахслар - 15 млн сўмдан - 30 млн сўмгача жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади.

Xalq ta'limi Info Ochish/sharhlash

2023-03-01 08:42:33 #Қонунчиликдаги_янгиликлар

Ногиронлиги бўлган шахсларга берилган имтиёзларнинг ягона рўйхати шакллантирилади

Қарорга кўра, 2023 йил 1 июнгача ногиронлиги бўлган шахслар ва уларга ғамхўрлик қилувчиларга берилган имтиёзларнинг ягона рўйхати шакллантирилади.

Мазкур рўйхат “Advice.uz” ҳуқуқий порталига жойлаштирилади.

2023/2024 ўқув йилидан “Махсус педагогика, дефектология” йўналишида магистратура учун тўлиқ давлат гранти берилади.

2023/2024 ўқув йилида:

абитуриентлар учун мўлжалланган қабул тартибига оид маълумотлар ногиронлиги бўлган шахслар учун қулай форматда бўлади;
бунда видеороликлар сурдотаржима ёки субтитрлар билан намойиш этилади.

Ўқиётган ногиронлиги бўлган талабаларга таълим жараёнида кўмаклашиш учун унинг яқинларидан бирига ОТМда ёнида бирга бўлиш учун шароит яратилади.

Жорий йилда Ногиронлиги бўлган шахсларни реабилитация қилиш ва протезлаш миллий маркази ва унинг ҳудудий марказлари роботлаштирилган локомат мажмуаси ва бошқа замонавий реабилитация ускуналари билан таъминланади.

Қарорга кўра шунингдек, ногиронлиги бўлган шахсларни қўллаб-қувватлаш тизимини такомиллаштириш бўйича қўшимча чора-тадбирлар режаси тасдиқланди.

Мазкур ҳужжат Адлия вазирлиги ташаббуси билан ишлаб чиқилган.

Каналга уланиш
https://t.me/huquqiyaxborot Ochish/sharhlash

2023-02-25 12:44:07 Subsidiya asosida olingan uy-joy krediti uchun yo‘naltirilgan mablag‘dan daromad solig‘i 2023 yil 1 yanvardan boshlab olinmaydi

“Ipoteka kreditidan foydalanishda aholiga qo‘shimcha qulayliklar yaratish chora-tadbirlari to‘g‘risida” қарорга мувофиқ, 2023 yil 1 yanvardan uy-joy uchun subsidiya berilgan fuqarolarning ipoteka kreditlari va ularning foizlari uchun yo‘naltirilgan ish haqi va boshqa daromadlari daromad solig‘iga tortilmaydi.

Kanalimizga a'zo bo'ling
@Huquqiyymaslahatt Ochish/sharhlash

2023-02-22 19:42:17 Buyuk Britaniyada ishlash istagida bo‘lgan fuqarolar diqqatiga!

Buyuk Britaniyada mavsumiy qishloq xo‘jaligi ishlarida ishlash uchun tanlovlarda ishtirok etish maqsadida 2023-yil 17-fevral kuni “Labor-migration” dasturiy majmuasidan ro‘yxatdan o‘tgan nomzodlar tanlovlarga taklif etiladi.

Fuqarolar doimiy yashash manzili bo‘yicha tanlovlarda ishtirok etadi!

Tanlovlar vaqti va manzillari:

Toshkent shahri va viloyati nomzodlari uchun – Toshkent viloyati, Oqqo‘rg‘on shahri, Tolovul MFY, Oybek ko‘chasi. "Ishga marhamat" monomarkazi binosi (eski qizil tom kolleji).

23-fevral soat 09:30 dan 13:00 gacha – Toshkent viloyatidan ro‘yxatdan o‘tgan nomzodlar uchun

23-fevral soat 14:00 dan 18:00 gacha – Toshkent shahridan ro‘yxatdan o‘tgan nomzodlar uchun

Sirdaryo, Samarqand, Buxoro, Navoiy, Jizzax viloyatlari nomzodlari uchun – Samarqand shahri Kimyogarlar ko‘chasi «Yerteshar GES» 5-uy. Qurilish sohasida malakali mutaxassislarni tayyorlash markazi (oldingi Temurbeklar maktabi).

24-fevral soat 14:30 dan 20:30 – Sirdaryo viloyatidan ro‘yxatdan o‘tgan nomzodlar uchun

25-fevral soat 09:00 dan 19:00 gacha – Samarqand viloyatidan ro‘yxatdan o‘tgan nomzodlar uchun

26-fevral soat 09:00 dan 13:00 gacha – Buxoro va Navoiy viloyatlaridan ro‘yxatdan o‘tgan nomzodlar uchun

26-fevral soat 14:00 dan 18:00 gacha – Jizzax viloyatidan ro‘yxatdan o‘tgan nomzodlar uchun

Qashqadaryo va Surxondaryo viloyatlari nomzodlari uchun – Qarshi shahri, Mustaqillik ko‘chasi 35-uy, “O‘zbekneftgaz” AJning maʼmuriy binosi majlislar zali.
Mo‘ljal: Yashil bozor ro‘parasi.

27-fevral soat 08:00 dan 13:30 gacha – Qashqadaryo viloyatidan ro‘yxatdan o‘tgan nomzodlar uchun

27-fevral soat 13:30 dan 15:45 gacha – Surxondaryo viloyatidan ro‘yxatdan o‘tgan nomzodlar uchun

Izoh: Ish beruvchi talabidan kelib chiqib Qoraqalpog‘iston Respublikasi, Xorazm, Namangan, Andijon, Farg‘ona viloyatidan ro‘yxatdan o‘tgan fuqarolar uchun tanlovlar 2023-yilning mart oyida o‘tkazilishi rejalashtirilgan.

Nomzodlardan tanlovga “Labor-migration” dasturiy majmuasidan ro‘yxatdan o‘tganligi to‘g‘risidagi anketa, biometrik (yoki ID-karta) va xorijga chiqish pasportlari bilan kelish talab etiladi.

Axborot kanallarimizni kuzatib boring

Telegram | Facebook | Youtube | Veb-sayt Ochish/sharhlash

2023-02-22 13:43:23 ​​ Талабаларнинг ётоқхонага онлайн жойлашиши бўйича давлат хизматлари кўрсатилиши белгиланмоқда

Президент фармони лойиҳасида талабаларнинг ётоқхонага онлайн жойлашиш имкониятларини берувчи бепул электрон хизмат жорий этилиши назарда тутилган.

Мазкур хизмат ДХМ ва ЯИДХП (my.gov.uz) орқали кўрсатилиб, бунда:

ётоқхоналар ҳисобини юритиш реестри ишлаб чиқилади;
ижтимоий ҳимояга муҳтож талабалар устувор равишда жойлаштирилади;
ЯИДХП орқали электрон ариза бериш ва тўловларни амалга ошириш имконияти яратилади.

Kanalimizga a'zo bo'ling
@Huquqiyymaslahatt Ochish/sharhlash