AQLI NORASOLIK ijtimoiy xavfli qilmishni sodir qilish vaqtida | HUQUQIY MA'LUMOTLAR
AQLI NORASOLIK
ijtimoiy xavfli qilmishni sodir qilish vaqtida shaxsning ruhiy kasalligi tufayli o'z harakatlari yuzasidan oziga hisob bera olmaydigan va oz harakatlarini idora qila olmaydigan holati. A.n. ikki mezon: tibbiy (biologik) va yuridik mezon orqali aniqlanadi. Tibbiy mezon shaxsda surunkali ruhiy kasallikni yoki ruhiy holatning vaqtincha buzilganligi yoxud aqli zaiflik yoki boshqacha tarzdagi ruhiy kasallikning mavjudligini bildiradi. YUridik mezon shaxsning oz harakatlari yuzasidan oziga hisob bera olmasligi va harakatlarini idora qila olmasligidir. SHaxsni ruhiy kasal deb hisoblash uchun tibbiy va yuridik mezonlarning zohirligi talab qilinadi. SHaxsning ruhiy kasallik holatini aniqlash uchun sud-psixiatriya ekspertizasi tayinlanadi. Ekspertiza shaxsni ijtimoiy xavfli qilmishni sodir qilish paytida aqli noraso holatda bolgan, deb xulosa bersa, uning qilmishini sud jinoyat hisoblamasligi va javobgarlikka tortmasligi mumkin.