Humoyun Farhodovich

2023-04-12 20:27:03 #RHF_10
Aliment qarzini to'lashdan ozod qilish mumkinmi ?

Taraflar o'rtasidagi kelishuvga muvofiq aliment qarzini tólashdan
ozod qilish yoki uni kamaytirishga taraflarning o'zaro roziligi bo'lgandagina yo'l qo'yiladi, voyaga yetmagan bolalarga aliment to'lanadigan hollar bundan mustasno.
Agar sud aliment to'lashi shart boʻlgan shaxs kasalligi yoki boshqa uzrli sabablarga ko'ra aliment to'lamaganligini aniqlasa hamda uning moddiy va oilaviy ahvoli yig'ilgan aliment qarzni to'lashga
imkon bermaydi deb topsa, aliment to'lovchining da'vosiga binoan uni aliment qarzlarini to'lashdan to'la yoki qisman ozod etishga haqlidir

@HumoyunFarhodovich Ochish/sharhlash

2023-04-12 04:18:09 #RHF_9
#Bilasizmi

Ehtiyojmand oilalardagi xotin-qizlarga oliy taʼlim muassasalari kirishda davlat granti asosidagi qabul doirasidagi tanlovda ishtirok etish uchun tavsiyanoma beriladi.

Tavsiyanoma quyidagi mezonlar asosida beriladi:

kam taʼminlangan oilalardagi xotin-qizlar;

toʻliqsiz oilada tarbiyalanayotgan, yaʼni otasi yoki onasi yoxud ularning ikkalasi ham vafot etgan ijtimoiy himoyaga muhtoj qizlar;

turmush oʻrtogʻi vafot etgan, voyaga yetmagan farzandini yolgʻiz tarbiyalayotgan ijtimoiy himoyaga muhtoj ayollar;

nogiron farzandi bor ehtiyojmand oilalardagi xotin-qizlar;

2 va undan ortiq farzandini tarbiyalayotgan, qarindoshlaridan alohida yashayotgan yolgʻiz ayollarning qiz farzandlari;

ota-onalaridan biri yoki har ikkisi ham I yoki II guruh nogironi boʻlgan ehtiyojmand oilalardagi xotin-qizlar.

Tavsiyanoma olish uchun tuman (shahar) mahalla va oilani qoʻllab-quvvatlash boʻlimlariga elektron shaklda murojaat qilinadi.

@HumoyunFarhodovich Ochish/sharhlash

2023-04-11 07:42:32 #RHF_8

Nikoh yoshi to'g'risidagi qonun hujjatlarini buzganlik uchun qanday javobgarlik bor?

Qonunchilikka muvofiq, nikoh yoshi erkaklar va ayollar uchun 18 yosh etib belgilanadi.

Uzrli sabablar bo'lganida, alohida hollarda (homiladorlik, bola tug'ilishi, voyaga yetmagan shaxsning to'la muomalaga layoqatli deb e'lon qilinishi), nikohga kirishni xohlovchilarning iltimosiga ko'ra tegishli tuman, shahar hokimi nikoh yoshini ko'pi bilan 1 yilga kamaytirishi mumkin.

Nikoh yoshi to'g'risidagi qonun hujjatlarini buzish ma'muriy javobgarlikka sabab bo'ladi.

Xususan: 

nikoh yoshiga yetmagan shaxs bilan haqiqatda nikoh munosabatlariga kirishish 1,5 mln so'mdan 3 mln so'mgacha;

ota-ona yoki ularning o'rnini bosuvchi shaxslar tomonidan nikoh yoshiga yetmagan shaxsni erga berish yoxud uylantirish 2,1 mln so'mdan 4,5 mln so'mgacha;

nikoh yoshiga yetmagan shaxs bilan nikoh tuzishga doir diniy marosimni amalga oshirish 3 mln so'mdan 6 mln so'mgacha miqdorda jarima solishga sabab bo'ladi.

Ushbu huqubuzarliklarni ma'muriy jazo chorasi qo'llanilgandan keyin takroran sodir etish jinoiy javobgarlikka sabab bo'ladi.

@HumoyunFarhodovich Ochish/sharhlash

2023-04-10 19:19:39 #RHF_8

Ota-onaning voyaga yetmagan bolalariga to‘laydigan aliment miqdori.

Agar voyaga yetmagan bolalariga ta’minot berish haqida ota-ona o‘rtasida kelishuv bo‘lmasa, ularning ta’minoti uchun aliment sud tomonidan ota-onaning har oydagi ish haqi va (yoki) boshqa daromadining
bir bola uchun — to‘rtdan bir qismi;
ikki bola uchun — uchdan bir qismi;
uch va undan ortiq bola uchun — yarmisi miqdorida undiriladi. Bu to‘lovlarning miqdori taraflarning moddiy yoki oilaviy ahvolini va boshqa e’tiborga loyiq holatlarni hisobga olgan holda sud tomonidan kamaytirilishi yoki ko‘paytirilishi mumkin.

Har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdorining 26,5 foizidan kam bo‘lmasligi kerak.

ASOS: O'zbekiston Respublikasi Oila kodeksi 99-modda.

@HumoyunFarhodovich Ochish/sharhlash

2023-04-10 09:21:30 #RHF_7
#2023_yil_1_apreldan

Qonunchilikka koʻra:

halok boʻlgan harbiy xizmatchi (xodim) oila aʼzolariga biryoʻla beriladigan nafaqa marhumning oxirgi egallagan lavozimi boʻyicha maoshi va harbiy (maxsus) unvoni maoshi yigʻindisining 150 baravari miqdorida belgilanadi;

harbiy xizmatchilarning (xodimlarning) davlat majburiy shaxsiy sugʻurtasi doirasida harbiy xizmatchi (xodim) halok boʻlganda toʻlanadigan sugʻurta summasi BHMning 200 baravari miqdorida belgilanadi.

@HumoyunFarhodovich Ochish/sharhlash

2023-04-09 13:33:03 #RHF_6
#Bilasizmi

Haqorat qilganlik uchun qanday javobgarlik bor?

Haqorat qilganlik – shaxsning sha'ni va qadr-qimmatini qasddan kamsitganlik yoki beodoblik bilan qasddan tahqirlaganlik uchun qonunchilikda ma'muriy va jinoiy javobgarlik nazarda tutilgan.

Xususan, Ma'muriy javobgarlik to'g'risidagi kodeksda haqorat qilgan shaxsga nisbatan 6 mln so'mdan 12 mln so'mgacha miqdorda jarima solinishi belgilangan.

Agar ushbu huquqbuzarlik bir yil ichida takroran sodir etilsa, huquqbuzarga nisbatan jinoiy javobgarlik belgilanadi.

Jinoyat kodeksiga asosan haqorat qilgan shaxsga:

60 mln so'mgacha miqdorda jarima;
240 soatgacha majburiy jamoat ishlari;
1 yilgacha axloq tuzatish ishlari jazosi berilishi mumkin.

Haqorat qilish nashr qilish, boshqacha usulda ko'paytirilgan matnda yoki OAV orqali amalga oshirilsa, ushbu harakat to'g'ridan-to'g'ri jinoyat hisoblanadi va aybdor:

60 mln so'mdan 120 mln so'mgacha jarima;
240 soatdan 300 soatgacha majburiy jamoat ishlari;
1 yildan 2 yilgacha axloq tuzatish ishlari bilan jazolanishi mumkin.

Agarda haqorat qilish:

jabrlanuvchini o'z xizmat yoki fuqarolik burchini bajarishi munosabati bilan bog'liq holda;
xavfli retsidivist tomonidan;
tuhmat qilganligi uchun ilgari sudlangan shaxs tomonidan qilingan bo'lsa:

120 mln so'mdan 180 mln so'mgacha miqdorda jarima;
2 yildan 3 yilgacha axloq tuzatish ishlari;
1 yilgacha ozodlikni cheklash jazosi tayinlanishi mumkin.

@HumoyunFarhodovich Ochish/sharhlash

2023-04-09 02:18:38 Ramazon oyining o'n sakkizinchi ( 18 ) kuni -
Yakshanba, 9 - aprel
saharlik va iftorlik vaqti, shuningdek duosini eslatib o'tamiz.

  Toshkent vaqti bilan soat:
04:32da og'iz yopiladi.
18:58da og'iz ochiladi.

@HumoyunFarhodovich Ochish/sharhlash

2023-04-08 16:18:37 #RHF_5
#Bilasizmi

Qonunchilikka ko'ra, quyidagi harakatlar jismoniy va yuridik shaxslarning murojaatlari to'g'risidagi qonun hujjatlarini buzish hisoblanadi:

murojaatlarni qabul qilish va ko'rib chiqishni qonunga xilof ravishda rad etish;
murojaatlarni ko'rib chiqish muddatlarini uzrli sabablarsiz buzish;
murojaatlarga yozma yoxud elektron shaklda javob yubormaslik;
murojaatlar to'g'risidagi qonun hujjatlariga zid qaror qabul qilish;
jismoniy va yuridik shaxslarning buzilgan huquqlari tiklanishini, murojaat munosabati bilan qabul qilingan qarorning bajarilishini ta'minlamaganlik.

Ushbu harakatlarni sodir etish mansabdor shaxslarga 300 ming so'mdan 900 ming so'mgacha miqdorda jarima solishga sabab bo'ladi.

Kanalga obuna bo'ling
@HumoyunFarhodovich Ochish/sharhlash

2023-04-08 05:37:12 #RHF_4

Muvaffaqiyat retsepti:

Boshqalar uxlayotgan payt, siz o'qing va izlaning

Boshqalar bekorchi bo'lib yurgan payt, siz ishlang

Boshqalar o'ynab yurgan payt, siz tayyorlaning

Boshqalar tilak bildirganda, siz maqsad qiling

Shunda siz boshqalar erishmagan yutuqlarga erishasiz!

@HumoyunFarhodovich Ochish/sharhlash

2023-04-07 18:16:53 Talaba bo‘sh vaqtida ishlay oladimi?

Talabalarga ishlashga ruxsat berish taqiqlanmagan. O‘zbekiston Respublikasi mehnat qonunchiligida hech qanday cheklovlar yo‘q.

O‘zbekiston Respublikasi Oliy va o‘rta-maxsus taʼlim vazirining “Oliy taʼlim to‘g‘risida”gi nizomni tasdiqlash haqidagi 9-sonli buyrug‘i (ro‘yxat raqami №1222, 22. 02. 2003) 50-bandiga muvofiq kunduzgi taʼlim shaklida tahsil olayotgan talabalar o‘qishdan bo‘sh vaqtlarida uzi tahsil olayotgan oliy o‘quv yurti va boshqa tashkilotlarda mehnat shartnomasi tuzgan holda ishlashlari mumkinligi belgilangan.
O'qish vaqtlariga halaqit bermagan xolda o'qishning kunduzgi va sirtqi hamda kechki turidan qat'iy nazar bemalol ishlash mumkin.

@HumoyunFarhodovich Ochish/sharhlash