hujayra.uz

2022-08-26 05:12:40 26-avgust Xalqaro itlar kuni

It (Canis familiaris) inson tomonidan xonakilashtirilgan ilk hayvondir. Manbalarga ko‘ra itlarning xonakilashtirilganiga o‘rtacha 23-25 ming yil bo‘ldi. Ayni vaqtda itlarning 450 dan ortiq zotlari mavjud.

Itlarga nisbatan "odamning do‘sti" degan ta'rif beriladi. Biz bu hayvonlarni tabiatdan ajratib oldik. Endi ular uchun mas'uliyatlimiz.

@hujayrauz Ochish/sharhlash

2022-08-21 07:55:07 Amfibiyalarning dumlilar turkumiga mansub o'pkasiz salamandralar (Plethodontidae) degan oila mavjud. 495 ta turi bor. Ushbu salamandralarning o'ziga xos ajoyib xususiyati bor, ya'ni o'pkasi yo'q. Ular butun terisi, ko'krak va og'iz qismidagi maxsus to'qima hujayralari orqali nafas oladi.

Rasmda ana shunday o'pkasiz salamandralardan biri AQSh endemigi qizil salamandra (Pseudotriton ruber) tasvirlangan.

@hujayrauz Ochish/sharhlash

2022-08-20 12:17:21 20-avgust Xalqaro chivinlar kuni

Britaniyalik shifokor Ronald Ross 1897-yil 20-avgust kuni bezgak parazitini odamlar orasida aynan chivinlar tarqatishini ilk marotaba aniqladi. Shu munosabat bilan 20-avgust Xalqaro chivinlar kuni sifatida belgilangan.

Chivinlar Yer yuzidagi eng keng tarqalgan kasalliklardan biri bezgak parazitini tarqatadi. Tadqiqotchilar shu vaqtgacha Yer yuzida yashagan odamlarning umumiy soni 117 mlrd bo'lganini qayd etishgan. Boshqa tadqiqotda esa ushbu odamlarning teng yarmi chivinlar tarqatadigan bezgak parazitidan halok bo'lgani aniqlangan.

JSSTning ma'lumotiga ko'ra, 2020-yilda butun dunyoda 241 mln kishi bezgak paraziti bilan og'rigan, shulardan 627 ming kishi vafot etgan.

@hujayrauz Ochish/sharhlash

2022-08-19 07:12:13 19-avgust Xalqaro orangutanlar kuni

Ayni vaqtda orangutanlarning uchta turi mavjud:

1. Sumatra orangutani (Pongo abelii) - Sumatra orolida tarqalgan.
2. Tapanuli orangutani (Pongo tapanuliensis) - Sumatra orolining Toba ko‘li atrofida tarqalgan.
3. Barneo orangutani (Pongo pygmaeus) - Barneo orolida tarqalgan. Uchta kenga turi bor.

Orangutanlarning barcha turlari butunlay qirilib ketish xavfi ostida turgan hayvonlardir.

@hujayrauz Ochish/sharhlash

2022-08-18 21:15:16 Bu yerda "Biologiyaning yangi nashrdan chiqayotgan 7- va 10-sinf darsliklari haqida" mavzusidagi suhbatimizning audiosi bor. Suhbatda bevosita ishtirok eta olmaganlar uni tinglab ko'rishlari mumkin. Suhbatda quyidagi savollarga javob berganman.

- Ushbu darsliklar 2022-2023-o'quv yilidan boshlab qo'llaniladimi?
- Yangi darsliklar qaysi metodika asosida yozilgan?
- Darslikda nimalar o'zgardi?
- Hozirgi darsliklarning avvalgi darsliklardan nima farqi bor?
- Nega darsliklar aynan hozir o'zgarmoqda?
- Darsliklarni bunaqa keskin o'zgartirishdan maqsad nima?
- Respublika ta'lim markazi (RTM) darsliklar yozilishiga qanday yondashmoqda?
- Navbatdagi testlar yangi darsliklardan tushadimi?

@hujayrauz Ochish/sharhlash

2022-08-18 20:55:03 Live stream finished (1 hour) Ochish/sharhlash

2022-08-18 18:59:27 Live stream started Ochish/sharhlash

2022-08-18 03:53:57 Yangi orxideya turi kashf etildi

Tanzaniyaning shimoliy-sharqiy qismidagi janubiy Pare va g'arbiy Usambara tog'liklaridan orxideyaning yangi turi kashf etildi. U bo'yi kichik, oq gulli epifit o'simlik bo'lib, dengiz sathidan 1500 metr balandlikda o'sadi.

Yangi orxideyaga u kashf qilingan hudud sharafiga Rhipidoglossum pareense deb nom berildi. Doimiy tumanli va namligi yuqori bo'lgan Pare tog'liklaridagi daraxtlar o'rtacha 10 metr balandlikda o'sadi. Ular mox, qirqquloq va orxideyalar bilan qoplangan. Ushbu hududdagi yillik yog'in miqdori 1000 mm dan oshadi, doimiy nam tuman hisobiga esa umumiy namlik 94% ni tashkil qiladi. Tadqiqotchilar yangi orxideya o'ziga xos iqlim sharoitida o'sishi bilan ajralib turishini ta'kidlashmoqda.

@hujayrauz Ochish/sharhlash

2022-08-18 03:10:25 Yana darsliklar haqida

Barchangizga ma'lum bu yil 6-, 7- va 10-sinf darsliklarining yangi nashri chop etiladi. Allaqachon juda ko'pchilik darsliklarning avvalgi darsliklardan butkul boshqacha bo'lishi haqida eshitib bo'ldi. Mendan darsliklar haqida deyarli har kuni so'rashmoqda. Shu bois yangi darslarning kontenti, ularda nimalar o'zgargani haqida bir suhbatlashsak yaxshi bo'lar edi degan fikrga kelyapman.

Bugun 18-avgust payshanba kuni Toshkent vaqti bilan soat 21:00 da "Biologiyaning yangi nashrdan chiqayotgan 7- va 10-sinf darsliklari haqida" mavzusida kanalimizda audiochat bo'lib o'tadi. Unda quyidagi savollarga javob berishga harakat qilaman:

- Ushbu darsliklar 2022-2023-o'quv yilidan boshlab qo'llaniladimi?
- Yangi darsliklar qaysi metodika asosida yozilgan?
- Darslikda nimalar o'zgardi?
- Hozirgi darsliklarning avvalgi darsliklardan nima farqi bor?
- Nega darsliklar aynan hozir o'zgarmoqda?
- Darsliklarni bunaqa keskin o'zgartirishdan maqsad nima?
- Respublika ta'lim markazi (RTM) darsliklar yozilishiga qanday yondashmoqda?
- Navbatdagi testlar yangi darsliklardan tushadimi?

Shu bilan birga audiochat ishtirokchilarini qiziqtirgan savollarga ham javob berishga harakat qilaman. Ushbu e'lonni boshqa biologiyaga oid guruhlarga tarqatishingizni so'rab qolaman.

@hujayrauz Ochish/sharhlash

2022-08-16 18:42:04 GMO haqidagi videoyimiz barcha uchun ochib qo'yildi. Kecha ko'rishga ulgurmaganlar, endi bemalol ko'rishingiz mumkin. Ochish/sharhlash