YUKSALISH_CONSULTING.UZ

2022-06-23 08:20:34 ДТМ: Бу йилги тест ёпиқ биноларда ўтказилади

Бу йилги тест агар давлат комиссиясининг ёки махсус комиссиянинг таклифлари, чекловлари бўлмаса, албатта ёпиқ биноларда ўтказилади.

Бу йил ҳам абитуриентлар сув ва ручкалар билан таъминланади. Ҳисоб-китоб талаб этиладиган фанлар учун саволларнинг оралиғида ёзишга жой қолдирилади. Ochish/sharhlash

2022-06-22 12:53:56 Қабул квоталарининг тақсимоти тасдиқланди

12та олийгоҳда илк марта масофавий таълимга қабул бўлади. Таълимнинг бу шакли учун иқтисодиёт, менежмент, бухгалтерия, компютер технологиялари ва юриспруденция йўналишлари танлаб олинган.

https://kun.uz/50734365

Kun.uz расмий канали Ochish/sharhlash

2022-06-22 12:46:20 TEZKOR

Сурхондарё вилоятида тегишли рухсатномасиз хусусий университет ташкил этиб фуқаролардан пул ундириш ҳолати аниқланди.

Ҳурматли абитуриетлар ва талабалар!!!!!
Ҳуcуcий университетлар орасида танлов қилишдан олдин танлаган университетларингиз ҳақида тўлиқ маълумотга эга бўлиб, кейин қарор қабул қилишингиз лозим .

Юқоридаги ҳолатга тушиб қолманг
Бундай маълумотларни консалтинг фирмалар орқали ҳам тўплашингиз мумкин. Бу борада бизнинг ҳам фирмамиз ўз ҳиссасини қўшмоқда !!!

https://t.me/httpyuksalishgroup Ochish/sharhlash

2022-06-21 10:41:35 Qabul_2022.

Oliy ta’lim muassasalariga kirish uchun onlayn ro‘yxatdan o‘tish bo‘yicha videoqo‘llanma

Hujjatlar 2 xil usul bilan topshirilishi mumkin:

1) Davlat test markazining http://my.dtm.uz sayti orqali;
2) Yagona interaktiv davlat xizmatlari portali (my.gov.uz) orqali.

Talab qilinadigan hujjatlar:

Avvalgi yillardagi bitiruvchilar uchun:

pasport;
diplom;
til bilishi sertifikati; (agar mavjud boʻlsa)
imtiyozi mavjud bo‘lganda, imtiyozni tasdiqlovchi hujjatlar.
toʻlov summasi

Joriy yil bitiruvchilari uchun:

pasport;
bitiruv attestati (qabul qiluvchilar tomonidan bazadan elektron tarzda olinadi).

https://t.me/httpyuksalishgroup Ochish/sharhlash

2022-06-21 10:39:16 Bugundan akademik litseylarga ham qabul boshlanadi

Bugun, 20-iyundan e’tiboran 2022/2023 o‘quv yili uchun akademik liseylarga umumta’lim maktablarining 9-sinf bitiruvchilaridan hujjatlarni litsey.edu.uz portali orqali onlayn qabul qilish jarayonlari boshlanadi.

Abituriyentlar ro‘yxatdan o‘tish jarayonida tizimga shaxsiy ma’lumotlarni kiritish bilan birga quyidagi hujjatlarni elektron shaklda (PDF, JPEG) yuklashlari lozim:

joriy yilda 9-sinfni bitirganlik to‘g‘risidagi shahodatnoma;

3,5x4,5 sm o‘lchamdagi 1 ta rangli fotosurat;

o‘qishga imtiyozli kirish huquqini beruvchi hujjatlar — fan olimpiadasi, tanlovlar, musobaqa g‘olibi ekanligini tasdiqlovchi diplom, sertifikat, guvohnoma, shuningdek, chet tili va umumta’lim fanlarni bilish darajasi to‘g‘risidagi milliy yoki xalqaro sertifikat (mavjud bo‘lsa).

Abituriyentlar ro‘yxatdan o‘tishda:

o‘zlari tanlagan uchtagacha akademik liseyning bittadan mos yo‘nalishini tanlashi (bunda ta’lim tili bir xil bo‘lishi kerak);

va qaysi chet tilidan kirish test sinovini topshirishini ham belgilaydi.

Shuningdek, abituriyent o‘zi tanlagan hududda (Qoraqalpog‘iston Respublikasi, viloyatlar markazi yoki Toshkent shahrida) tashkil etiladigan kirish test sinovlarida ishtirok etadi.

Ma’lumot uchun, Toshkent davlat yuridik universiteti qoshidagi akademik lisey uchun hujjatlar litsey.dtm.uz sayti orqali qabul qilinadi. Ochish/sharhlash

2022-06-20 08:44:09 Расман: Чала қабул бошланди.
ДТМда айб йўқ!

Қабул квоталари тўлиқ тасдиқланмаган бўлсада ДТМ доимгидек қабулни бошлади. Бугундан абитуриентлар рўйхатдан ўтишлари мумкин.

ДТМ хабар беришича, абитуриентлар таълим йўналишларини қабул параметрларининг таълим тиллари бўйича тақсимоти тасдиқланганидан сўнг танлаш мумкин бўлади.

Қаердан рўйхатдан ўтилади?

Абитуриентларни рўйхатга олиш Давлат тест марказининг my.dtm.uz сайти ва Ягона интерактив давлат хизматлари портали (my.gov.uz) орқали онлайн амалга оширилади.

Қачонгача давом этади?

Рўйхатга олиш 20-июлга қадар (20-июл куни ҳам) давом этади. Чет тилидан касбий (ижодий) имтиҳон ўтказиладиган бакалавриат таълим йўналишларига онлайн рўйхатга олиш эса 10-июлга қадар (10-июл куни ҳам) амалга оширилади.

Барчага омад! Ochish/sharhlash

2022-06-17 10:47:14 «Perevod» bo'yicha kengroq tushuntirish

Quyidagi tushuntirishlarimiz Prezident qaroriga asoslangan, ya'ni rasmiy kuchga ega.

Bir davlat OTMdan boshqa davlat OTMga o'qishni ko'chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o'rtog'i doimiy yashaydigan hududdagi OTMga ko'chmoqchi bo'lsa;

2) davlat xizmatchisi ish yuzasidan boshqa hududga ko'chsa va turmush o'rtog'i yoki voyaga yetmagan farzandining o'qishini o'sha hududga ko'chirmoqchi bo'lsa (ishga kirgan vazirlik xati asosida).

Boshqa holda “ichki perevod”ga ruxsat yo'q. Boshqa hududga ham, o'z hududidagi boshqa OTMga ham.

Xorijdan o'qishni ko'chirish

Bunda o'tgan yilgi tartib saqlanib qolgan:

1) mos va turdosh yo'nalishga test yoki ijodiy imtihon topshiradi hamda o'tish balini to'plash talab etiladi;

2) o'tish balini to'play olmasa, super-kontrakt shartlari asosida o'qishini ko'chirishga ruxsat beriladi;

3) xorijdan mos va turdosh bo'lmagan yo'nalishga o'qishni ko'chirishga ruxsat berilmaydi.

O'zbekistondagi xorijiy va nodavlat OTMlardan o'qishni ko'chirish

Bunda ham o'tgan yilgi eskicha tartib saqlanib qolgan:

1) mos va turdosh yo'nalishga test yoki ijodiy imtihon topshiradi hamda o'tish balini to'plash talab etiladi;

2) o'tish balini to'play olmasa, super-kontrakt shartlari asosida o'qishini ko'chirishga ruxsat beriladi;

3) mos va turdosh bo'lmagan yo'nalish uchun esa bir martalik "super-kontrakt" to'lab ko'chirishi mumkin.

Davlat OTMdan nodavlat OTMga o'qishni ko'chirish

Buni davlat nazorat qilmaydi, buning tartibini nodavlat OTMlarning o'zi mustaqil belgilaydi. Nodavlat OTMga o'qishni ko'chirish mumkin yoki mumkin emasligini o'sha OTMning o'zidan aniqlashtiring.

Nodavlat OTMdan nodavlat OTMga o'qishni ko'chirish

Buni ham davlat nazorat qilmaydi, tartibini ko'chirmoqchi bo'linayotgan nodavlat OTMdan aniqlashtirish kerak.

Xorijdan nodavlat OTMga o'qishni ko'chirish

Buni ham davlat nazorat qilmaydi, tartibini ko'chirmoqchi bo'linayotgan nodavlat OTMdan aniqlashtirish kerak.



Perevod bo‘yicha so‘ngi yangiliklar Ochish/sharhlash