HR ADLIYA (rasmiy kanal)🇺🇿

2022-09-21 14:05:45 #TANLOV

Adliya vazirligi tizimida mavjud boʻsh (vakant) ish oʻrinlariga tanlov eʻlon qilindi.

Adliya organlari va muassasalariga xodimlarni ishga qabul qilish Adliya organlari va muassasalarida HR-menejment tizimi toʻgʻrisidagi nizomga muvofiq ochiq tanlov asosida amalga oshiriladi.

Tanlovda ishtirok etish uchun quyidagi veb-sayt orqali ro‘yxatdan o‘tishingiz hamda tegishli hujjatlarni ilova qilgan holda arizalarni topshirishingiz mumkin.


vacancy.adliya.uz

@hradliya Ochish/sharhlash

2022-09-16 18:08:55 #биласизми

ТАЪТИЛЛАРНИ РАСМИЙЛАШТИРИШГА ДОИР САВОЛ

САВОЛ:
Меҳнат кодексининг 135-моддасига мувофиқ ногиронлиги бўлган ходимларга ўттиз календарь куни билан таътил берилганда Президент Фармонига кўра қўшиб берилган дам олиш кунлари хисобидан қисқартирса бўладими?

ЖАВОБ:
ЙЎҚ қисқартириш мумкин эмас. Бу ерда эътибор берилиши лозим бўлган жиҳат бор. Хусусан:
МКнинг 134-моддасига кўра, ходимларга ўн беш иш кунидан кам бўлмаган муддат билан йиллик асосий таътил берилади ва бу асосий таътил хисобланади ҳамда қисқартишга йўл қўйилмайди;
МКнинг 135-моддага кўра, йиллик узайтирилган асосий таътиллар белгиланган бўлиб, ушбу таътилларнинг муддатлари ҳам қисқартиришга йўл қўйилмайди. Масалан, ишлаётган I ва II гуруҳ ногиронлиги бўлган шахсларга - ўттиз календарь кун, асл ҳолида берилиб, қисқартирига йўл қўйилмайди.

ЭЪТИБОРЛИ ҚИСМИ! Агар ташкилот Жамоа шартномаси ёки ходимларнинг бошқа вакиллик органи билан келишилган ҳолда тасдиқланган бошқа локал ҳужжатларида қўшимча дам олиш кунлари белгиланган бўлса фақат шулар хисобидан қисқартириш амалга ошрилиши мумкин.

Кейинги эътиборли жиҳати. МКнинг 134-моддаси ва 135-моддасида белгиланган таътилларни аралаштирмаслик лозим, булар бир биридан мустақил таътиллар.

@hradliya Ochish/sharhlash

2022-09-16 17:57:12 #биласизми

ОГОҲЛАНТИРИШ МУДДАТИ КОМПЕНСАЦИЯ БИЛАН АЛМАШТИРИЛСА ИШДАН БЎШАТИШ НАФАҚАСИ ТЎЛАНМАСА БЎЛАДИМИ?

САВОЛ:
Меҳнат кодексининг 100-моддаси 2-қисми 1-банди билан, яъни штатлар қисқариши сабаб ишдан бўшатилиб, огоҳлантириш муддатини компенсацияга алмаштирса, Меҳнат кодексининг 67-моддаси бўйича ишдан бўшаш нафақаси берилмаса бўладими?

ЖАВОБ:
Меҳнат кодексининг 102-моддасига кўра, штат қисқариши муносабати билан меҳнат шартномасини бекор қилишда белгиланган огоҳлантириш муддати ходим ва иш берувчи ўртасидаги келишувга биноан пуллик компенсация билан алмаштирилиши мумкин.

Ходим белгиланган 2 ойлик огоҳлантириш муддати давомида ўз меҳнат фаолияти билан хотиржам шуғулланиб, бу даврдаги меҳнат фаолияти учун иш ҳақи олиш ҳуқуқига эга.

Бу ерда гап ана шу ишланадиган огоҳлантириш даврини ўзаро келишган ҳолда пуллик тўловга алмаштириб, ходимни меҳнат фаолиятини давом эттирмасдан, меҳнат шартномасини тезкорлик билан бекор қилиш ҳақида кетяпти.

Ёдда тутинг! Огоҳлантириш муддати ўрнига тўланадиган компенсация тўловлари алоҳида, ишдан бўшатиш нафақаси алоҳида масала. Ишдан бўшатиш нафақасини огоҳлантириш муддати ўрнига алмаштириладиган компенсация тўловига умуман дахли йўқ.

Меҳнат кодексининг 67 ва 109-моддаларида меҳнат шартномаси МК 100-модда 2-қисми 1-банди асосида бекор қилинганида, ишдан бўшаш нафақаси тўланиши аниқ қилиб белгиланган.

Шунга кўра, ишдан бўшатиш ҳақидаги огоҳлантириш муддати компенсацияга алмаштирилганда ҳам, ишдан бўшаш нафақаси ходимга шубҳасиз тўланади.

@hradliya Ochish/sharhlash

2022-09-16 17:55:31 #биласизми

ИНТИЗОМИЙ ЖАЗО ЧОРАСИНИ ҚЎЛЛАШ ТАРТИБИ

Интизомий жазолар ходимни ножўя хатти-ҳаракати туфайли (ички меҳнат тартиби қоидалари, одоб-ахлоқ қоидаларини бузиш) ёки меҳнат мажбуриятларини (меҳнат шартномаси, лавозим йўриқномаси, иш берувчининг қонуний буйруқларини) лозим даражада бажармаслиги оқибатида қўлланилади.

Меҳнат кодексининг 181-моддасига кўра қуйидаги интизомий жазо чоралари қўлланилиши мумкин:

Ҳайфсан.

Ўртача иш ҳақининг 30 %дан ортиқ бўлмаган миқдорда жарима (Ички меҳнат тартиби қоидаларида 50 %гача жарима солиш ҳоллари кўрсатилиши мумкин).

Меҳнат шартномасини МКнинг 100-моддаси 2-қисми 3 ва 4-бандлари асосида бекор қилиш.

Юқорида кўрсатилган интизомий жазо чораларидан бошқа жазо чорасини қўллаш мумкин эмас.

Интизомий жазо чорасини қўллашдан аввал ходимдан тушунтириш хати олиш лозим. Ходим тушунтириш хати ёзишдан бош тортса, бу ҳақда, имкон даражасида холислар иштирокида далолатнома тузиб, холисларга имзолатиш лозим.

Ходимнинг тушунтириш хати беришдан бош тортиши унинг илгари содир қилган ножўя хатти-ҳаракати учун жазо қўллашга тўсиқ бўла олмайди.

Ҳар бир ножўя хатти-ҳаракат учун фақат битта интизомий жазо қўлланиши мумкин.

Интизомий жазо буйруқ билан расмийлаштирилади, унда ходимнинг содир этган ножўя хатти-ҳаракати кўрсатилиб, бунинг учун қўлланилган интизомий жазо чорасининг тури кўрсатилади, буйруқ албатта ходимга таништирилиб, имзо чектириб қўйилиши шарт.

Интизомий жазо бевосита ножўя хатти-ҳаракат аниқланган кундан бошлаб бир ой ичида қўлланилиши мумкин, ходим касал ва таътилда бўлган давр ҳисобга кирмасдан шу вақтга узайтирилади, бироқ, содир этилган кундан 6 ой муддат ўтгач, интизомий чорани қўллашнинг муддати ўтиб кетади ва жазо қўллаб бўлмайди. Ножўя хатти-ҳаракат муассасанинг молия-хўжалик фаолиятини текшириш натижасида аниқланганда, содир этилганидан икки йилгача интизомий жазо қўллашга қонунчиликда рухсат берилади.

Интизомий жазонинг амал қилиш муддати бир йил бўлиб, шу муддат давомида интизомий чора олган ходимга рағбатлантириш чоралари қўлланилмайди.

Интизомий жазо чораси муассаса раҳбарининг буйруғи билан шу муддат тугамасдан олиб ташланиши мумкин.

@hradliya Ochish/sharhlash

2022-09-16 17:50:58 #биласизми

Савол: Меҳнат таътилидан чақириб олиш қандай амалга оширилади?

Жавоб:
Меҳнат кодексининг 147-моддасига асосан таътилдан чақириб олишга фақат ходимнинг розилиги билан йўл қўйилади.
Шу муносабат билан таътилнинг фойдаланилмай қолган қисми ходимга мазкур иш йили давомида бошқа вақтда берилиши ёки МКнинг 143-моддаси бешинчи, олтинчи ва еттинчи қисмларида назарда тутилган талабларга риоя қилган ҳолда кейинги иш йилининг таътилига қўшиб қўйилиши керак.

МКнинг 143-моддасининг бешинчи қисмига кўра, ишлаб чиқариш тусидаги сабабларга кўра жорий йилда таътилни тўлиқ бериш имкони бўлмаган алоҳида ҳолларда, ходимнинг розилиги билан таътилнинг ўн икки иш кунидан ортиқ бўлган қисми кейинги иш йилига кўчирилиши мумкин, шу йили ундан албатта фойдаланилмоғи лозим.
Мақсадга мувофиқ: биринчи навбатда чақириб олиниши муносабати билан ходимнинг қолиб кетган таътил қисми шу иш йилининг ўзида берилиши керак.

@hradliya Ochish/sharhlash

2022-09-16 17:49:54 #Биласизми

Тавсифнома ва тавсиянома: фарқи нимада?

Тавсифнома – маълум бир шахснинг меҳнат ва ижтимоий фаолияти, шунингдек, унинг ўзига хос хислат ва фазилатларини акс эттирувчи расмий ҳужжат.

Тавсиянома – бирор шахсни маълум лавозимга ёки турли ташкилотларга аъзо бўлиши, бирор мукофотга сазовор бўлиши, кўрик-танловда қатнашиши учун тавсия этиш мақсадида тузиладиган расмий ҳужжат.

@hradliya Ochish/sharhlash

2022-09-16 17:37:28 #Биласизми

Ўзбекистон Республикаси Вазирлар Маҳкамасининг 2018 йил 10 майдаги 349-сон қарорига мувофиқ давлат органлари ва бошқа ташкилотлар томонидан ҳашарлар белгиланган шартларга қатъий риоя этилган ҳолда фақат ихтиёрий тарзда ташкил этилади ва ўтказилади.

Бундан ташқари, Ўзбекистон Республикаси Меҳнат кодексининг 164-моддасига кўра ходимнинг ёзма розилиги бўлмай туриб унинг иш ҳақидан ушлаб қолиниши мумкин эмас.

Шунингдек, мазкур моддада иш ҳақидан ходимнинг розилигисиз ҳам ушлаб қолиниши мумкин бўлган ҳолатлар санаб ўтилган бўлиб, улар орасида ҳашар назарда тутилмаган.

Лекин, миллий урф-одатларимиз ва анъаналаримиз ҳамда ўзбек халқига хос бўлган оиладаги тарбия ва ўзаро меҳр-мурувватни инобатга олган ҳолда ушбу муқаддас ойда юртимизни ободонлаштириш ва ижтимоий ҳимояга муҳтож аҳолига ёрдам кўрсатиш ишларида бирга иштирок этайлик!

@hradliya Ochish/sharhlash

2022-09-15 12:32:17 Channel name was changed to «HR ADLIYA» Ochish/sharhlash

2022-09-13 10:58:47 Adliya vazirligi Inson resurslari boshqarmasining kanali bo'lib, unda:

- vazirlik tizimiga ishga qabul qilish bo‘yicha tanlov e’lonlari;
- tanlov jarayonlarini onlayn kuzatish imkoniyati;
- xodimlarni tayinlov va lavozimlariga oid boshqa o‘zgarishlari;
- xodimlarga oid rag‘batlantirishlar;
- mehnat munosabatlariga oid qonunchilik hujjatlaridagi yangiliklar berib boriladi. Ochish/sharhlash