Ҳомиладорликда грипп билан касалланиши қай даражада хавфли? Б | Homiladorlik davri

Ҳомиладорликда грипп билан касалланиши қай даражада хавфли?
Бу касаллик ҳомиладор аёлларда
зотилжам (пневмония),
асаб тизими шикастланиши,
сурункали касалликлар
пиелонефрит,
пешоб йўллари яллиғланишлари авж олишига сабаб бўлади.

Хасталик асоратлари:
хомила тушиш  хавфининг ортиши,
ривожланишдан ортда қолиши,
қоғаноқ суви ифлосланиши,
мудаттан олдинги тугрукка олиб келиши мумкин.

Шу боис ўзингизда бурун битиши, йўтал, ҳолсизлик, томоқ соҳаси ачишиши, оёқ учларининг увишиши, кўнгил айниши, қайд қилиш, тана ҳарорати кўтарилиши, баъзан қориннинг пастки соҳасида оғриқ, ич кетиши каби белгиларни сезсангиз, зудлик билан эҳтиёт чораларини кўринг:
• Кўпроқ суюқлик ичинг. Агар қувватсизлик, томоқ ачишиши ёки енгил бош оғриғини сезсангиз, лимон ёки малина солинган чой ичинг.
• Томоқдаги ачишишни бартараф этиш учун лимон бўлагини оз-оздан чайнанг.
• Организмни янада зўриқтиртирмаслик учун енгил таом ва егуликлардан тановул қилинг.
• Пиёз ва саримсоқ пиёзни катта бўлакларга бўлиб, хонанинг ҳар-ҳар жойига қўйиб чиқинг. Улар ҳаводаги касаллик инфекциялари билан курашади.
• Биринчи ёрдам тадбирларидан кейин ҳам аҳволингиз ўнгланмай, мушакларда симиллаган оғриқ, тана ҳароратининг кўтарилиши кузатилса, дарҳол шифокорга мурожаат этинг.
• Томоқни ғарғара қилиш, лимон, малина, асал қўшилган сут ичишни канда қилманг.

Шифокор кўрсатмаси билан дорихонадан Фуратсилин таблеткаси ёки Хлорофилипп эритмаси харид қилиб, қайнатиб илитилган сувга аралаштириш ва 1 стакан эритма аралаштирилган сув билан кунига 3 маҳал томоқни ғарғара қилиш мумкин. Касаллик 2-3 кун ичида жадаллашиб, ҳомиладор аёл саломатлиги ва ҳомилага жиддий хавф солувчи ҳолатлар тахмин қилинса, зудлик билан шифохонага ётқизишга кўрсатма берилади.

Унутманг! Ҳомиладорларга шамоллаганда оёқларга иссиқ ванна қабул қилиш, иссиқ ҳавода буғланиш каби муолажалар мумкин эмас! Турли доривор гиёҳлардан тайёрланган препаратларни ҳам шифокор кўрсатмасисиз қабул қилманг!

@Yosh_onalarga_maslahatlar
@Marhabo_Karimova_sherlari
@Homiladorlik_davri
@Ogilmi_qizmi