Бефаросат овсин(Бўлган воқеа)
У йилларча ётоққа михланди. Бечорагина шипга термулганича ўтган кунларини ҳисоб қилади. Ёшгина боши билан ҳаёт лаззатларидан маҳрум бўлган. Фарзандларини ўйлайди. Уларнинг келажагини тушуниб йиғлайди. Қайнонасининг, эрининг жонкуярлиги бу ўйларини юпатади. "Бу инсонларнинг қўлида фарзандларим хор бўлишмайди", дейди Уни кўп куйдирадиган бошқа нарса бор. Овсини... Ҳар келганида ярақлаб келади. Тилла тақинчоқлари-ю, ҳашаматли кийимларини кийиб, уни кўргани келади. У ҳар келганида, бу оғринади. Унга ҳаваси келади. Овсини кетгач: "Мен ҳам тузалиб кетсам, кийимларимни янгилайман. Ҳар хил қилиб кияман!",. деб пичирлаб қўяди. Ичидан эзилади ичидан йиғлайди. Шу бир аҳвол бўлиб ётишига ачинади. Ҳеч қанча кун ўтмайди Бефаросат овсини яна товланиб кириб келади. Кетгач эса у яна сиқилиб эзилиб қолаверади Бешафқат ўлим уни барибир олиб кетди. Тақдир уни орзулари билан бирга кўмди.
Касал кўргани борсангиз, одмироқ бўлиб бораверинг!
https://t.me/joinchat/AAAAAE5dXbfusPieKgJZug
