Онаси узатаркан деди: "Қайни-бўйнинг хизматини қил! Уларнинг хизматидан қочма, доим уларнинг хизматига шай тур!" Умрининг охиригача қайни-бўйнини хизматини қилиб ўтди. Улар учун намозларидан кечди, улар учун ибодатларидан кечди. Вақти келиб қизини узатар экан деди: "Қайни-бўйнинг хизматини қил!"
Ҳар бир нарсада чегара бўлиши керак! Ҳар бир ўринда меъёр! Кунда, кунора кириб келаверадиган қайнагач, қайнисингиллар, қайни-бўйнилари хизматига яралмаган-ку, келин! Уни ҳам ўз ишлари, ўз юмушлари, дарслари, дам олишига вақти бўлиши керак-ку... Ҳа, деганда эшикдан тиржайиб кириб келадиган меҳмонлар, валломатига ҳам ёқмаса керак! Айниқса мезбоннинг бирон жойи оғриб, бетобланиб турган бўлса...