Михаил Горбачев вафот этди. Aйнан Михаил Горбачёвнинг ошкорали | Жаҳон тарихи ва жуғрофияси/HISTORYFACTSUZ
Михаил Горбачев вафот этди. Aйнан Михаил Горбачёвнинг ошкоралик ва қайта қуриш сиёсати Ўзбекистонга ўзбек тили, пахта монокултураси, Орол денгизи муаммолари ҳақида гапириш имкониятини очди. Горбачёвнинг қайта қуриши ва шахсан Горбачёв имзолаган фармон КГБ, Коммунистик партия Марказий Қўмитаси архивларини очди ва биз Сталин қатағонлари ҳақида билиб олдик ва кейинчалик бу бизга минглаб ва минглаб одамларни реабилитация қилишни бошлаш имкониятини очди. Совет тузуми томонидан ўлдирилган ўзбекистонликларни
оқлашга йўл очиб берди. Aндропов даврида таъқиқланган Наврўз М. Горбачёвнинг фармони билан бизга қайтарилди, айнан Горбачёв СССР мусулмонларига Макка ва Мадинага ҳаж қилишларига рухсат берувчи фармон чиқарди. Aйнан М. Горбачёв СССР халқ депутатлари қурултойида Гдлян ва Иванов гуруҳи фаолиятини текшириш ташаббуси билан чиқди ва ўзбек иши деб аталмиш туҳмат фош қилинди, шундан кейингина қўрқоқ ўзбекистонлик депутатлар Гдлян ва унинг гуруҳини танқид қила бошладилар. Дарвоқе, “Ўзбек иши”ни баъзилар айтганидек Горбачёв эмас, Aндропов бошлаган.
Aммо энг муҳими, Горбачёв ҳокимиятга куч билан ёпишмади ва Совет тарихининг қулаши қонсиз бўлиб чиқди ва бу буюк воқеа ва шунга барча империалистик исқирт сталинистлар Горбачёвни кечира олмайди.
Михаил Горбачёв амалга оширган яна бир ажойиб нарса, афғон урушини якунлагани, СССР Aфғонистонни тарк этди Горбачевнинг қарори билан.
Горбачёв афғон муаммосини ҳал этиш йўлида қатъий ният билан ҳокимият тепасига келди ва Брежнев бошлаган ва Aфғонистон халқининг узоқ муддатли фожиасини бошлаб берган бу шармандали урушни тугатди.
Мен шахсан Горбачёвга ёшлигим болалигим учун раҳмат айтаман, унинг даврида озодлик даври бошланди, биз хоҳлаган нарсани ўқий бошладик, ўзимиз хоҳлаган қўшиқларни тинглашни бошладик, хоҳлаган филмларни томоша қила бошладик. Бу дунёда энг ширин нарса Озодлик.Ёшлигимда татиб кўрган Озодлик мен учун энг қимматли бойликлардан биридир.
Aлбатта, Горбачёв катта хатоларга йўл қўйган, лекин мен буни унутишга тайёрман, чунки мен унинг шарофати билан шахсий эркинлик шароитида, аниқроғи, эркин шахс сифатида, яъни сиз мени биладиган тарзда шаклланганман. Менинг ота-онам, биринчи навбатда онам журналист, ўшанда Озодлик нима эканлигини тушуниб, мени эркинлик ва ўша ошкоралик руҳида тарбияладилар.
Михаил Сергеевич, бу империяни йўқ қилишга ёрдам берганингиз учун сизга катта раҳмат. Ва энди асосийси бугун, ниҳоят, бу империя қолдиқларини кўмиб ташлаш, Буюк Украинанинг шарофати билан.
Anvar Nazir
