Усмонли туркларни тор-мор қилиб, марказий европадан жанубий ев | Жаҳон тарихи ва жуғрофияси/HISTORYFACTSUZ
Усмонли туркларни тор-мор қилиб, марказий европадан жанубий европага улоқтириб юборган саркарда Евгений Савойский (2-расм) хақида.
Евгений Савойский (1663-1736)-асли келиб чиқиши француз-итальян қонига эга, Кариньяно шаҳзодаси (Турин яқинидаги шаҳар,Пьемонт,Италия)эди ,у Муқаддас Рим империясининг саркардаси, генералиссимус, замонавий жанг санъатининг улуғ намоёндаларидан биридир. Наполеон- Евгений Савойскийни нафақат Европа,балки жаҳон тарихидаги энг зўр саркардалардан бири бўлганини эътироф этган. Евгений Савойский Франция кардинали Мазаринининг жияни бўлган
Усмонли туркларни Европанинг марказидан қувиб чиққан саркарда бу Ян Сабецкий, Карл XII ёки Суворов эмас,балки Евгений Савойский бўлади.Савойский 1683 йилдаги машхур Вена жангида қатнашган ва Польша қироли Ян Сабецкий билан бирга туркларни тор-мор қилишда иштирок этган.Шунингдек Будани турклардан тортиб олишда (1686),Мохоч жангида (1687, бу иккинчи Мохоч жанги), Офен мудофаасида, қатнашади, 1687 йилда генерал-майор унвонида туркларни таъқиб қилиб Герсан жангида мағлуб этади. 1688 йилда туркларнинг фронтини ёриб ўтиб Белградни эгаллайди ва фельдмаршал унвонини олади. Сербиядаги Тиса дарёси бўйидаги Зент жангида (1697) эса Евгений Савойский бошчилигидаги 50 минглик Австрия қўшинлари султон Мустафо II нинг 80 минглик турк қўшинини батамом мажақлаб ташлайди. Зент жангида (3-расм) 25 минг турк аскари шаҳид кетади.
Евгений Савойский туркларга кейинги урушларда хам қақшатқич зарбалар беради. 1716 йилда у Петровардайн ёнидаги жангда туркларни яна тор-мор қилади. Шу жангдан кейин туркларга тегишли Руминиянинг Темешвариси таслим бўлганди.Евгений Савойский 1717 йилда Белград остоналарида туркларга яна зарба бериб,уларни жанубий Болқонга улоқтириб юборганди. Умуман Европанинг бу улуғ саркардаси Усмонийлар қудратини синдирган саркардалардан бири бўлган.
Евгений Савойский шарафига Вена (1-сурат) ва Будапештда мухташам хайкаллар қўйилган, Британия флотида Евгений Савойский номига йирик жанговар кеманинг номи қўйилган (линкор). 2-жаҳон уруши даврида нацистлар германияси хам ўзларининг СС дивизияларини "Шаҳзода Ойген" (Евгений Савойский) деб номлаган эдилар. Германия кригсмарини оғир крейсери хам Евгений Савойский номида бўлган, шунингдек Италия флотида хам "Эудженио ди Савоя" номли енгил крейсери бўлган.
Албатта шаҳзода Савойский жуда бадавлат бўлган. У қурдиртирган саройлар, қасрлар хозиргача сақланиб тарихий ахамиятини йўқотгани йўқ . Улардан энг машхурлари ва туристлар кўп ташриф буюрадиганлари булар Австрия пойтахти Венадаги Бельведер саройи ва Словакия пойтахти Братислава яқинидаги Шлоссхоф саройларидир.
