#ўақыя ҮМИТТИ СӨНДИРМЕ Жон Гуденаф шығысы Германия | Hikmetli sózler
#ўақыя
ҮМИТТИ СӨНДИРМЕ
Жон Гуденаф шығысы Германиялы алым. Англиядағы Оксфорд университетинде напақаға шыққанша жумыс иследи. Ол 65 жасқа толғанда университет нызамларына көре оны напақаға шығарды. Бирақ ол буның менен илим жолынан тоқтап қалмады. Жумысын даўам еттириў ушын Америкаға көшип өтти. Ол Техас университетине жумысқа кирди. Себеби ол университетте устазларды мәжбүрий напақаға шығармайтуғын еди. Ол жерде ол қайта зарядланыўшы литий-ионн аккумляторы бойынша илимий изертлеўлерин даўам еттирип 2019-жылы 97 жасында химия бойынша Нобель сыйлығын алды. Жасың қаншелли үлкен болса да, алдыңа қойған мақсетлериңнен тоқтама, үмитлериңди сөндириўине жол қойма. Әлбетте ҳәмме ўақыт имкан болады.
