Табибнинг ишига назар солар эканмиз, у аввало ташхис қўйиши, | ХИЖАМА ВА ЗУЛУК КЛИНИКАСИ

Табибнинг ишига назар солар эканмиз, у аввало ташхис қўйиши, муайян муолажа қилиши ва даво—касалликнинг кетиб саломатликнинг тикланишига эришишини кўрамиз. Бу ўринда биз табиб ва бемор ўртасида кечадиган жараённинг асос ва йўналишлари ҳақида сўз юритамиз. Табиб ўзи кўзлаган натижа яъни ДАВОга эришиши учун муайян қоида асосида иш юритиши лозим. Шуни ёдда тутиш лозимки МУОЛАЖА ТАШХИСГА АСОСЛАНИШИ ЛОЗИМ. Тафсилотларга киришдан олдин ТАШХИС ВА МУОЛАЖА ниима эканлигини ойдинлаштириб олиш даркор. ТАШХИС – беморнинг шикоятини эшитиб, унда кўринаётган аломатлар, томир уришидан тортиб қон таҳлилигача, еб-ичшидан ҳазм жараёнигача ва ҳоказо барча ҳолатларни батафсил ўрганиш натижасида қилинган хулосадир. Шунинг учун табиб беморнинг бирор ҳолатини эътибордан қолдирмаслиги, касаллик ҳақида тўғри хулоса чиқариши лозим. Зеро МУОЛАЖА ТАШХИСГА АСОСАН БЕЛГИЛАНАДИ. Касаликнинг кетиши учун қилинадиган ҳар қандай ҳаракат – МУОЛАЖА дейилади. Дори ичиш, ҳуқна қилиш, қон олдириш, жарроҳлик амалиёти ва ҳоказолар барчаси умумий қилиб муолажа дейилади. Муолажанинг ташхисга асоланиши касалликни атрофлича ўрганиб, текшириб қилинган хулосага қараб муолажага киришиш лозимлигини англатади. Чунки ташхис муолажа турига ишора қилади. Яъни дори ичиши керак бўлган одамга жарроҳлик, ёки акси жарроҳлик лозим бўлган ўринда дорига суяниб қолиш. Касаллик хилтлардан бирортасининг кўплигидан бўлса, уни бўшатиш ўрнигабошқа чора қўллаш мумкин эмас. Балки ташхис қайси муолажа турига ишора қилса ўшанга астойдил киришиш керак. Масалан қорасон бўлган одамни сурги бериб даволаб бўлмагани каби.
ХУЛОСА : Ҳар қандай муолажа ташхис асосида белгиланиши лозимдир.
ТАШХИСДАН КЎЗЛАНГАН НАТИЖА ДАВОДИР, бошқа нарса эмас. ДАВО БЕМОРДА КАСАЛЛИК САБАБИНИНГ БАРТАРАФ БЎЛГАН ҲОЛАТИДИР. Масалан, касаллик қайсидир хилтнинг меъёрдан ошганлиги сабабли юзага келган бўлса, ўша хилтни меъёрига келиш ҳолати даво бўлади. Шунга кўра табиб даво билан даво чорасини фарқлаши лозим. Демак касалликни ўрганиш , унга хулоса чиқариш айни касаллик сабабининг бартараф бўлиш ҳолатини, яъни давосини топишга қаратилган
бўлиши керак.
МУОЛАЖАДАН КЎЗЛАНГАН МАҚСАД ЭСА, КАСАЛЛИККА ТАШХИС ҚЎЙИШ ЖАРАЁНИДА ТОПИЛГАН ДАВОСИГА ЭРИШИШДИР. Яъни қандайдир касалликни даволаш касаллик сабабини бартараф қилишга қаратилиши лозим. Даволаш жараёни муайян чора-тадбирлар қўллаш ва албатта бу чоралар учун меъёр( масалан доза), тартиб белгилаш лозим бўлади. Масалан, касаллик қонннинг меъёридан ошиб кетганлиги сабабли юзага келган бўлса, табиб қанча миқдорда қон олиб ташлаш, қандай усулда ва қанча муддат давомида қон олишни белгилаб даволаш керак. Ёки сафро хилтининг меъёридан ошиб кетиши туфайли касаллик келган бўлса, сафрони етилтириш учун қайси дорини қанча миқдорда, қанча муддат ва қандай тартибда ичилишини , сафро етилгандан сўнг уни ҳайдаб чиқариш чораларини меъёр ва тартибларини белгилаши лозим. Демак касаллик бартараф бўлиб давога эришиш учун аниқ белгиланган чоралар ва тартибларга риоя қилиш шартдир.

https://t.me/HIJAMA_KLINIKA