2019-08-31 07:56:35
ХУШЁР ТУЛКИ Шер, тулки ва бўри ўзаро келишиб, овга чиқишди. Улар
бир-бирларига ёрдамлашиб, ўлжаларни осонгина қўлга
киритишни режалаштиришган эди. Ўрмон қироли шер бу
ҳамроҳлари билан ов қилишга ор қилса-да, шерикликка рози
бўлди. Бўри ва тулки, баҳайбат шер ортидан эргашдилар. Улар
ёввойи ҳўкиз, эчки ва қуён овлашди. Ўлжаларини ўрмонга олиб
кирдилар. Бўри билан тулки жуда очиққан, ўлжаларга қараб,
оғизларининг суви оқарди. Буни сезган шер ичидан**«Кўрамиз,
сизга нима тегаркан?»**,__деб қўйди.
Бўрига қараб:__**«Эй қари, тажрибали бўри. Ўлжаларни ўзинг
тақсимлагин-чи, адолатингни бир кўрайлик»**,__деди.
Бўри ўзича тақсимлашга киришиб, шерга:__**«Мана бу ёввойи
бузоқ сенинг улушинг, эчки менга, қуён эса тулкига тегади»**,
деди.
Шер ғазаб билан:**«Эй бўри, менинг ҳузуримда ўзингча «бу
сенга, бу менга» деб тақсим қиляпсанми. Менинг ёнимга кел-чи,
сенга ким эканимни билдириб қўяй?!»,**__деди.
Бўри у тарафга яқинлашар экан, шер панжаси билан бир
уриб унинг бошини ёрди.
Кейин тулкига қараб:__**«Қани, энди сен кел. Ўзинг адолат
билан тақсимла!»,**__деди.
Тулки:__**«Эй тенги йўқ шер! Мана бу семиз ҳўкиз сизнинг
нонуштангиз, эчки тушлигингиз, қуён эса кечга яраб қолар»,**
деди.
Шер бу тақсимотдан мамнун бўлиб:**«Эй тулки, сен бундай
оқилона тақсимлашни қаердан ўргандинг?»**,__деб сўради.
Тулки:__**«Бўрининг бошига тушган нарсадан ўргандим!»,**
деб жавоб берди. Ақлли инсон бошқаларнинг хатоларидан, улар йўлиққан
балолардан ибрат олади. Фиръавн, Од қавмларининг бошигa тушганларни билганларидан кейин, дунёга бўлган ҳирси, кибр ва
ғурурини четга суриб ташлайди. Агар дунё матосидан, ўзини
катта тутишдан ва ҳирсидан воз кечмайдиган бўлса, бундан
кейин унинг ҳолидан, ақлсизлигидан бошқалар ибрат олади.@Hidoyat_Allohdandur
2.5K views ﮩﮩ٨ــ٨ﮩﮩﮧ, 04:56