HAZRATIM

2022-12-15 08:00:06 Муҳаммад Юсуф домла фарзанди Муҳаммад Содиқнинг илм олишига бор эътиборларини қаратгандилар. Мактабда аъло баҳоларга ўқишига, уйда мустақил мутолаа қилишига алоҳида аҳамият берардилар. Муҳаммад Юсуф домла раҳматуллоҳи алайҳнинг ўзлари бизга шундай деб… Ochish/sharhlash

2022-12-13 00:47:28 Нима ўрганган бўлсак у кишидан ўргандик. Тавсия қилган нарсаларига ўзлари ортиғи билан амал қилардилар.

Истифода оладиганларга ҳар ҳоллари, илмлари, амаллари, тақволари ва виқорлари билан кўп нарса ўргатдилар.

Аллоҳ таоло устозларимиз устози, ҳазратимизга Ўзининг раҳмати ва марҳаматини ёғдирсин! Ҳазратимизнинг шафоатларидан насибадор айласин. Зурриётларимиздан ҳам ана шундай алломаи замонлар, буюк фақиҳу муҳаддислар, муфассиру мужтаҳидлар чиқарсин.

Abdulloh Rahim. Ochish/sharhlash

2022-12-08 23:04:24 Муҳаммад Юсуф домла фарзанди Муҳаммад Содиқнинг илм олишига бор эътиборларини қаратгандилар.

Мактабда аъло баҳоларга ўқишига, уйда мустақил мутолаа қилишига алоҳида аҳамият берардилар.

Муҳаммад Юсуф домла раҳматуллоҳи алайҳнинг ўзлари бизга шундай деб айтиб бергандилар:

“Муҳаммад Содиқ ёшлигидан жуда кўп китоб ўқирди. Кечаси ухлаб қолгунча мутолаа қиларди. Мен кечалари туриб, унинг нима қилаётганини кўриш учун хонасини пойлар эдим. У доим китоб устида ухлаб, китоб устида уйғонарди. Мен ҳам ундан шуни талаб қилардим. Агар сал бепарволикни сезсам, қаттиқ танбеҳ берардим”.

Муҳаммад Юсуф домла раҳматуллоҳи алайҳ фарзандини мадрасага бериб ҳам тинчимади. Унинг яхши илм олиши, тақвода мустаҳкам бўлиши учун бор кучини сарфлади. Ҳатто ўғлининг хабарини бошқа талабалардан махсус кузатиб борди. Уни кўз қорачиғидек асраш билан бирга ундан кўз мускулларидек жидду жаҳд кўрсатишни талаб қилди.

Шу билан бирга, қайерда бирор олим, художўй инсонни билса, бориб, ундан жигарбандининг ҳаққига дуо олди.

Ниҳоят, кутилган нитижалар рўёбга чиқди. Шайх ҳазратлари илму амалда, тақвою ибодатда, ахлоқу одобда, билим ва ҳикматда ўхшаши йўқ, юксак намуна эдилар. У кишини кузатган ҳар қандай инсофли одам Расулуллоҳ соллаллоҳу алайҳи васалламнинг сийратларини тасвирда кўргандек бўларди.

Дастлаб кўрган киши маҳобатларидан ёнида сўз айтишга журъат қилолмасди.

Яқиндан гаплашган инсон эса у кишини яхши кўриб қолар, бор дардини у кишига тўкиб солганини ўзи ҳам сезмай қолар эди.

У киши нафақат илм берадиган устоз, балки самимий маслаҳатгўй, чин дўст, ҳақиқий муршид, ҳикматли мураббий эдилар.

Ҳатто душманлари ҳам қалбининг тубида у кишининг фазлини тан олишга мажбур бўлар еди. Ochish/sharhlash

2022-12-08 22:30:40 Шайх Муҳаммад Содиқ Муҳаммад Юсуф раҳматуллоҳи алайҳ ўнлаб нуфузли халқаро ташкилотлар аъзоси эдилар. Юзлаб илмий анжуманлар, халқаро йиғинларда Ўзбекистон ва Ўрта Осиё мусулмонлари номидан иштирок этганлар. Шу эътибордан у киши ўлкамиз мусулмонларининг… Ochish/sharhlash

2022-12-07 21:55:48 Намозни тарк этганлик гуноҳи зино қилиб, зинодан туғилган боласини ўлдирганлик гуноҳидан ҳам ёмонроқ экан. Ochish/sharhlash

2022-12-06 01:57:14 Shiorimiz:
1.Ahli sunna va jamoa mazhabi asosida pok aqiyda va musaffo Islomga intilish. 
2.Qurʼon va sunnatni oʻrganib amal qilish. 
3.Islomiy maʼrifat taratish. 
4.Calafi solih–ulugʻ mujtahidlarga ergashish.  
5.Kengbagʻirlik va birodarlik ruhini tarqatish.

    Hazrat, Shayx Muhammad Sodiq Muhammad Yusuf rohimahulloh. Ochish/sharhlash

2022-12-01 11:19:22 Шайх Муҳаммад Содиқ Муҳаммад Юсуф раҳматуллоҳи алайҳ ўнлаб нуфузли халқаро ташкилотлар аъзоси эдилар. Юзлаб илмий анжуманлар, халқаро йиғинларда Ўзбекистон ва Ўрта Осиё мусулмонлари номидан иштирок этганлар.

Шу эътибордан у киши ўлкамиз мусулмонларининг Ислом оламидаги вакили, халқимизнинг “юз”и эдилар. Шайх Ҳазратлари Исломга қилган хизматлари учун халқаро ташкилотлар тарафидан бир неча бор фахрий ёрлиқ ва орденлар олганлар.

Шайх ҳазратлари ўзбекзабон халқлар учун тафсир, ҳидис, фиқҳ, тасаввуф ва деярли барча исломий илмларга бағишланган юз жилддан ортиқ илмий асарлар қолдирдилар.

У киши омма ўзбек халқи учун Қуръони Карим ҳамда ҳадиси шариф маънолари, Расулуллоҳ соллаллоҳу алайҳи ва салламнинг ҳаётлари, Ислом шариатини ўрганишлари йўлида биринчи от сурган чавандоз бўлдилар.

Бир қанча овозли ҳамда суратли суҳбатлар, туркум дарслар, савол-жавоблар ҳам у кишидан улкан илмий мерос бўлиб қолди.

У кишининг раҳбарлигида халқаро интернет тармоғида ўзбек тилидаги соф исломий саҳифага асос солинди. Ушбу “Ислом.уз” сайти ўзбек тилидаги энг фаол ва аъзоси энг кўп саҳифа ҳисобланади. “Ислом.уз” портали асосида турли мавзуларга бағишланган йигирмадан ортиқ саҳифа ҳам яратилди. Ҳар бир саҳифа ўз мавзусида энг бой ва энг фаол сайтларга айланди.

Шайх ҳазратлари соф Исломни ўрганиш ва ўргатиш йўлида янги бир мактабга асос солдилар. Юзлаб шогирдлар чиқардилар, тарбияладилар. У кишига ғойибона шогирд бўлганларнинг эса сон-аноғи йўқ.

Бир қанча асарлари рус тилига таржима қилинди. У кишининг ташаббуслари билан русийзабон халқларга ҳам улкан исломий илмлар етиб бормоқда. Ушбу илмий ҳаракатларнинг самараси ўлароқ минтақада ихтилофлар, келишмовчиликлар, бузғунчиликлар бартараф бўлди ва турли фитналарнинг олди олинди. Ochish/sharhlash

2022-12-01 11:13:35 Шайх Муҳаммад Содиқ Муҳаммад Юсуф бошланғич диний таълимни оталаридан оладилар.

Ўрта мактабни тугатгач, 1970-йили Бухородаги Мир Араб Мадрасасига ўқишга кирадилар. У пайтларда мадараса таълими етти йиллик бўлган. Қаҳрамонимиз билимларига кўра 4-курсга қабул қилинадилар.

Мадрасани битиргач, Олий Маъҳадда – Имом Бухорий номидаги Тошкент Ислом институтида таҳсилни давом эттириш учун имтиҳон топширадилар ва бир йўла 3-курсга қабул қилинадилар. Шунинг учун ҳам у кишини ўша талабалик чоғларидаёқ “Пешқадам”, деб номлашган эди.

1975-йилдан “Совет Шарқи мусулмонлари” журналида
фаолият бошлайдилар. Сўнгра Ливиянинг Триполи шаҳридаги “Исломий даъват факультети” номини олган университетга ўқишга кирадилар ва у ерда 4 йил таҳсил олиб, 1980-йили факультетни имтиёзли даражада битириб, юртга қайтдилар.

Шундан сўнг Шайх ҳазратлари Имом Бухорий номидаги Тошкент Ислом институтида бир неча йил мударрислик қилдилар ҳамда мудир муовини ва мудир вазифасида фаолият юритдилар. Айни вақтда Диний идоранинг халқаро бўлимида таржимонлик ҳам қилдилар.

Шайх ҳазратлари 1989-йилда Ўрта Осиё ва Қозоғистон мусулмонлари Диний идораси муфтийси этиб тайинландилар. У киши мустақил Ўзбекистоннинг биринчи муфтийси бўлдилар. Айни пайтда Собиқ Совет Олий Кенгашига ҳам депутат этиб сайлангандилар.

Шайх ҳазратлари ўз муфтийлик даврларида Марказий Осиё мусулмонлари учун жуда улкан хизматларни қилганлар. Минтақа ҳаётида катта бурилиш ясашда беқиёс ҳисса қўшганлар. У кишининг саъй ҳаракатлари билан кўплаб масжид мадрасалар очилган, оммавий равишда ҳаж сафарига бориш йўлга қўйилган, ҳожиларимиз бир неча йил Саудия подшоҳи меҳмони бўлишган ва бошқа сон саноқсиз буюк ишлар амалга оширилган. Ochish/sharhlash

2022-12-01 11:09:45 Бисмиллаҳир Роҳманир Роҳийм

“Албатта, биз Аллоҳникимиз ва, албатта, Унга қайтгувчимиз. Боқийлик Аллоҳга хос”.

Ҳижрий 1436-сана 19-Жумодул аввал, 2015-йил 10-Март Сешанба оқшоми мусулмон уммати, хусусан, Мовароуннаҳр халқи улкан мусибатга учради.

Миллатимиз фахри, улуғ аллома, фақиҳ, муҳаддис, муфассир, мутафаккир, муршид, зоҳид, баркамол шахсият, буюк одамийлик соҳиби Шайх Муҳаммад Содиқ Муҳаммад Юсуф ҳазратлари ўткинчи дунёни тарк этиб, Аллоҳнинг ҳузурига йўл олдилар.

Шайх ҳазратлари ҳижрий 1371-санада Ражаб ойининг 20инчсида, милодий 1952-йил 15-Апрел Сешанба куни Ўзбекистон Республикаси Андижон вилояти Асака туманида, Ниёзботир қишлоғида илму диёнат оиласида – Муҳаммад Юсуф домла хонадонида таваллуд топдилар.

1961-йил Муҳаммад Юсуф домла Бухоро мадрасасини битириб келгач, бу оила хизмат юзасидан Андижоннинг Булоқбоши туманига кўчиб ўтишди. Ochish/sharhlash

2022-11-23 10:07:00 Ochish/sharhlash