HAYRAT – Rahmon Qo‘chqor ijodi

2022-04-09 18:57:22 Erkinlik ta'qibi nimalarga olib keladi?

Dino Butsatining "Taqiq" hikoyasi asosida tayyorlangan ko'rsatuvni to'liq ko'rish uchun: https://hayrat.uz/fikrlar-qarama-qarshiligi-dino-butsatining-taqiq-hikoyasi/

@hayratuz Ochish/sharhlash

2022-03-28 19:08:14 Behbudiy va boshqa jadidlar oldida turgan eng asosiy masalalardan biri Ona tili, uning sofligi va mustaqilligini saqlash edi. Behbudiy o'z maqolalarida Ona tilini rivojlantirish yo'lidagi fikrlarini bayon etgan. Bu fikrlar hamon dolzarbligini yo'qotmagan.

Ko'rsatuvni to'liq ko'rish uchun: https://hayrat.uz/manaviyat-yaralishi-yuksalishi-yemirilishi/

@hayratuz Ochish/sharhlash

2022-03-22 17:00:04 Zaki Validiy o‘zining "Bugungi turk eli Turkiston va yaqin tarixi" asarida o‘zbek va boshqa turkiylarning milliy xususiyatlarini aniq faktlar bilan ta'riflaydi.

Bu haqida professor Begali Qosimov va Rahmon Qo'chqorov suhbatini e'tiboringizga havola etamiz.

Ko‘rsatuvni to‘liq holda ushbu havola orqali ko‘ring https://hayrat.uz/begali-qosimov-bilan-milliy-ozlikni-anglash-xususida-suhbat/

Fikrlaringizni izohda qoldiring! Ochish/sharhlash

2022-03-18 20:26:54 Channel name was changed to «HAYRAT – Rahmon Qo‘chqor ijodi» Ochish/sharhlash

2022-03-18 14:00:04 ​...Xo‘sh, nega biz suhbat boshidagi ahdimizga xilof ravishda adibning boshqa asariga ham yuz burmoqdamiz? Chunki... busiz iloji yo‘q! Chunki barcha bashoratgo‘y adiblar singari Dostoyevskiy ham nafaqat zamondosh-u vatandoshlarini, balki butun insoniyatni jinlardan – o‘zining xufya faoliyatini “ijodiy davra”, “hamfikrlar to‘garagi”, “hujra”, “birodarlar halqasi”, “sekta”, “partiyaviy yacheyka”larda boshlab, oxir-oqibat, millionlab taqdirlar ustida qonli siyosiy tajribalar o‘tkazadigan, terror va ekstremizmdan boshqa kurash usulini tan olmaydigan johillardan ogoh etgan.

Agar “Jinoyat va jazo” bosh qahramoni Raskolnikov bitta o‘zi, bor-yo‘g‘i bir sudxo‘r kampir qasdida harakat qilsa, “jinlar”ning saflari ham, faoliyat doirasi va ko‘zlagan qurbonlari soni ham qo‘rqinchli darajada kattadir. Agar Raskolnikov insoniylik doirasidan chiqishga bir boragina uringan bo‘lsa, Verxovenskiy va unga ergashgan kimsalar bu doiraga umuman kirmaganlar. Agar Raskolnikov qilmishidan benihoya pushaymon bo‘lib, o‘zini la’natlab, poklanish sari ongli tanlovni amalga oshirgan bo‘lsa, turli zamon-u makonlarda hokimiyatni egallab olgan “jinlar” jinoyatlari uchun birovdan kechirim so‘rashni xayoliga-da keltirmaydi.

Maqolani to‘liq o‘qing https://hayrat.uz/odamzodning-dardiga-tazim/ Ochish/sharhlash

2022-03-16 20:31:57 Ayrim kishilar haligacha sobiq sho‘ro zamonida yashash yaxshi bo‘lganligini aytishadi va bu bilan yovuzlik imperiyasini boshqa shaklda qayta tiklashga urinayotgan tashqi kuchlar va hatto ularning bu yo‘ldagi jinoiy harakatlariga xayrixohlik bildirishadi.

Tarixga obyektiv, xolis nazar tashlab tahlil qilsak, SSSR davrida xalqlarning, xususan, o‘zbek xalqining turmush darajasi aksariyat yillarda achinarli bo‘lganini ko‘ramiz.

Bu haqida qariyb chorak asr avval, o‘zining "Hayrat" mualliflik ko‘rsatuvida Rahmon Qo'chqorov fikr bildirgan edi.

Siz ham fikrlaringizni izohda qoldiring.

Ko‘rsatuvni to‘liq ko‘rish uchun https://hayrat.uz/sobiq-shoro-davri-aslida-qanday-bolgan/ Ochish/sharhlash

2022-03-15 19:00:16 ​...Shu o‘rinda yaqinda dunyodagi yirik davlatlardan birining rahbari bilan bo‘lgan telesuhbatni yodga solmoqchiman. Kerak bo‘lsa, undan saboq olish zarar qilmaydi, deb o‘ylayman. Keyingi yillarda o‘sha rahbarga yoqish uchun har narsaga tayyorligini oshkora namoyish etayotgan telejurnalistning savollaridan biri bunday yangradi: “Nima deb o‘ylaysiz: urush bo‘ladimi?” Rahbarning javobi esa bunday bo‘ldi: “Menimcha, dunyoda jahon urushini boshlashga jazm etadigan tentak topilmasa kerak...”

Suhbatdoshlar ishonch bilan, xotirjamgina aytayotgan bu gaplarni eshitib o‘tirib ko‘nglimdan shunday o‘ylar kechdi: Arab dunyosi, Afg‘oniston va yana boshqa o‘nlab hududlarda bo‘layotgan xudkushliklar nima? Urush emasmi? O‘sha joylarda har kun hech bir aybsiz qurbon bo‘layotgan odamlarning joni sabilmi? Bu odamlar jahon urushida qurbon bo‘ldi nima-yu, bugungi talotumlarda o‘ldi nima – ularning qarindosh-urug‘lari, farzandlari uchun qanday farqi bor? Qolaversa, bu suhbatdoshlar urush deganda faqat yurtida kechadigan xunrezliknigina tushunadimi? Faqat yurtida kechsagina urushni, uning butun dahshatini his qiladimi?..

Rahmon QO‘CHQOR
“Tafakkur” jurnali, 2016-yil 2-son.

“Dunyo – kurash maydonidir” maqolasi https://hayrat.uz/dunyo-kurash-maydonidir/ Ochish/sharhlash

2022-03-11 18:30:27 ​Men o‘zimni quyosh demayman,
Lek bag‘rini isitgum Yerning.
Bu dunyoga boshqa kelmayman –
Umri uzun bo‘ladi She'rning!

«Yonimizda, yodimizda» ko‘rsatuvining bu sonida shoira Zamira Egamberdiyevaning hayoti va ijodi xotirlandi.

https://hayrat.uz/shoira-zamira-egamberdiyeva-xotirasi/ Ochish/sharhlash

2022-03-10 07:30:00 Nigora Hasanova «Bitmas xazina» ko‘rsatuvining yangi sonida adabiyotshunos olim Rahmon Qo‘chqor bilan Ozod Sharafiddinovni xotirladi.

@hayratuz Ochish/sharhlash

2021-09-01 10:11:14 Mustaqilligimizning 30 yillik bayrami bilan chin qalbdan muborakbod etamiz!

@hayratuz Ochish/sharhlash