БЕЧОРА АЙИҚ Ўрмонда шер ҳамма ҳайвонларга хабар жўнатибди. Та | HAYOTIMSAN
БЕЧОРА АЙИҚ
Ўрмонда шер ҳамма ҳайвонларга хабар жўнатибди. Тартиб интизом бўйича мажлис ўтказиш бўйича. Қишда кўплаб ўтхўр ҳайвонларга ноҳақ ҳужум қилган йиртқичлар хавотирга тушиб қолибди. Йиртқичлар қилмишидан норози бўлиб, ўтхўр ҳайвонлар айиқни уйқусидан уйғотибди ва бор ҳақиқатни гапириб берибди. Шерга барчасини холис айтиб беришни сўрашибди. Айиқ шундай эътибор ва ишончдан руҳланиб ҳаммасини баралла айтиб беришга ваъда берибди.
Мажлис бошланибди. Шер ўрмондаги ҳақсизлик ва норозиликни бартараф этишда кимда қандай фикр бор деган экан. Айиқ ўрнидан туриб, қишда талон тарож қилиб маълум қоидаларга амал қилмаган йиртқичларга жазо беришни сўрабди. Шунда қуён болаларини еб кун кечирган тулки ўрнида туриб айиққа савол берибди.
Сен қишда ухлаган бўлсанг! Қандай қилиб бундай туҳмат қилишга журъат этдинг?! Қани исботинг борми?! Қайси ўтхўр ҳайвонлар сени гапингни тасдиқлаб беради?- дебди. Йиртқичлар бундай саволлардан шодланиб кулармиш.
