2021-12-23 10:18:44
ҚАРИЯ ОНАХОН БАХТГА ЭРИШДИ Саудия Арабистони вилоятларидан бирида бир қария онахоннинг Қуръони каримни ёдлаганининг овозаси менгача етиб келди. Онахон этмиш ёшдан ошганда Қуръон ёдлашни бошлаган экан. Қуръонни мустаҳкам, пухта ўзлаштирган, ажойиб бир аёл экан. Илтимосимга биноан бошидан ўтказганлари ҳақида менга айтиб берди. Аввалига Қуръонни кунлик вазифа сифатида чин қалбдан ўқир экан. Кейин Аллоҳ қалбига мукаммал ҳифз қилишни солиб, астойдил, доимий ўқишнинг пайидан бўлган. Ҳаракати натижасида турганда ҳам, ўтирганда ҳам, қўйингки, ҳар ҳолатда уни ёдлашдан тўхтамаган.
Илгари аёл руҳий хасталик билан, турли васвасалардан изтироб чеккан. Кейин онахонга кимдир Аллоҳ таолонинг каломи ҳақида гапирган. Ҳақиқий саодат, бахт шу ердалигини тушунтирган. Унинг каломини маҳкам ушлаб, ёдлашга бу аёлни ундаган.
Онахон Қуръонни жуда гўзал тарзда, пухта ўзлаштирган эди. Албатта, бунга фақатгина сабр-бардош билан эришди. Икки ишни уддасидан чиққани нақадар тотли. Ўрганиш ва саодатга эришиш. Ўрганиш бу матлуб иш бўлиб, энг буюк неъматдир. Бу Аллоҳ таолонинг Китобини ёдлаш, уни эртаю-кеч тиловат қилиш ва амалида сусткашлик қилмасликдир.
Саодат эса онахоннинг ғам-ташвиши йўқолиши ва маҳзунлиги чекинишидир. Чунки Аллоҳ таоло бундай марҳамат қилган:
“Огоҳ бўлингки, Аллоҳни зикр этиш билан қалблар ором олур” (Раъд сураси, 28-оят).
Энг буюк зикр Аллоҳ таолонинг китоби. Уни ёддан ёки қараб тиловат қилишдир.
Олийҳимматликни Аллоҳдан сўранг. У соҳибини тоғ чўққисига бўлса ҳам етказади.Доктор Оиз ҚАРНИЙ
"Ниҳоят, саодатни топдим!" китобидан.
#Ибрат
БИЗГА ҚЎШИЛИНГ @HAYOTIMSAN
31.9K views07:18
H
