HAYOT SIMFONIYASI 🕊

2022-08-29 11:58:16 МEНИ САҚЛА ЭЙ НАМОЗ!

Истаб-истамай ичимга тўлган ҳар турли ғуборлардан мени покла. Қулоқларим ҳар тонг қушлар зикрини туйсин. Ўпкам тонгнинг мусаффо, салқин ҳавоси билан тўлсин. Пайқаганмисан қалби йўқлар ёки қалбни беш сўмга пуллайдиганларни узоқдан ҳам таниб олиш мумкин. Улар ҳар вақт воз кечмоққа ёки орқа ўгирмоққа тайёрлар.

Мени сақла, эй Намоз!

Юзим Ҳақдан бошқасига бурилмасин, қалбим доимо у билан бўлсин. Мени ёлғиз қолдирма, эй Намоз!

Жон йўлдошим...
Биламан, ҳамма кетганда, ҳаммаси тугаганда ҳам, ёнимда сендан бошқа ҳеч ким мен билан
қолмайди.
Сен...
Мен...
Ва тупроқ...
Мени қаттиқ тут, эй Намоз!

Тугаб-битмас, кўзларимни кўр қилган ҳирсим, қулоқларимни кар қилган ўткинчи савдолар, охири кўринмаган ёлғонларга қарши тут мени. Охири умидсизлик, алам ва афсус бўлган бу оқимга мени қўйиб юборма. Ҳузурингдан менга жой бер.

«Мени қалбимдан тингла» китобидан.

@hayot_simfoniyasi Ochish/sharhlash

2022-08-29 04:39:18 ​​​​​​​​АЁЛИНИ ЭРКАЛАШ

Урва ибн Зубайр розияллоҳу анҳу Оиша онамиз розияллоҳу анҳодан «Холажон, Расулуллоҳ соллаллоҳу алайҳи васаллам уйда сизларга қандай муомала қилардилар?» деб сўраганларида, онамиз «У зот қайси аёлларининг уйида турган бўлсалар, ўша куни намозга ўша аёлларини ўпмасдан туриб чиқмас эдилар» деб жавоб берган эканлар. Шунда Урва ҳазиллашиб, «Ўша аёл сиз бўлган бўлсангиз керак, холажон?» десалар, онамиз кулиб қўйган эканлар.

———————
Беш марта масжидга намозга чиққанларини ҳисобга олсак, кун давомида ширин муомала қилганлари маълум бўлади.

Мана сизга чин мусулмон хотинига қандай муомала қилиши кераклиги борасида буюк ибрат!

Уламоларимиз айтишларича, эридан кун давомида 5 марта қисқа хабар (ширин сўз, ташаккур, эркалаш, ўпич) олиб турадиган аёл депрессия (сиқилиш, руҳий зўриқиш)га йўлиқмас экан.

Хотинини олдида қовоқ уюб, ўзидан жиддий ясаб оладиганлар, «Ширин муомала кечаси қилинади, холос, кундузиям ўпиладими?» дейдиганлар юқоридаги маълумотларни ёдда тутсинлар!

FotihaUz Ochish/sharhlash

2022-08-28 21:42:09 Insonga uch narsa ergashib boradi...

@Yurist_Zukhurov Ochish/sharhlash

2022-08-28 15:52:02 #Супер_мотивация

Қўлимдан келмайди деб хеч қачон гапирма, ўзингни йўлини ўзинг тўсма

Барча яқинларга, бизнес бошлаганларга юборинг, биринчи ўринда фикр ният аниқ бўлсин!

@hayot_simfoniyasi Ochish/sharhlash

2022-08-28 13:28:31 МУҲИТНИНГ БОЛАГА ТАЪСИРИ

Ўқитувчи биринчи синф ўқувчилари билан илк дарсини ўтяпти:
Ким санашни билади?
Бир ўқувчи ўрнидан туриб санай бошлади:

- Бир, икки, уч, тўрт, беш, олти, етти, саккиз, тўққиз, ўн, валет, дама, қирол, туз...

Болани у улғаяётган муҳит шакллантиради. Бола карта, қимор ўйналаётган муҳитда ўсса, унинг жавоби юқоридагидай булиши табиий эмасми? Болада нима айб? Хўш, айб кимда?.. Болангиз қандай муҳитда вояга етаётганига диққат қилинг!

Нақшбандий тариқати устозларидан бири Умар Форуқ Сайдо ал-Жазарий айтадилар:
“... Фарзанд, айни пайтда имтихондир. “Унга яхши, рисоладагидек тарбия бердингми, яхши-ёмонни танитдингми, илм-маърифат ўргатдингми?..” Буларни қилмаган булсанг, сен ҳам гуноҳкор саналасан...

“Ғам-қайғусиз яшай десангиз II” китобидан.

@hayot_simfoniyasi Ochish/sharhlash

2022-08-28 11:56:20 Senga ro‘mol yarashadi muslima qiz

@hasanovablog Ochish/sharhlash

2022-08-23 06:32:39 Menga sizni boyligingiz emas,
Borligingiz kerak...

@hayot_simfoniyasi Ochish/sharhlash

2022-08-22 07:38:14 Aslida men dindorman, lekin unga amal qilmayman. Aslida men haqiqatni ulugʻlayman, lekin uni aytmayman. Aslida men zulmga qarshiman, lekin zolimni oldida jimman. Aslida men odamlarga faqirlik afzalligi haqida, miskin ulugʻlar hayoti haqida gapirib, boylik, pul yomon narsa ekani, insonlarga faqat ibodat va yaxshi amallarga diqqat qaratishni targʻib qilaman, lekin oʻzimda pul koʻp, ishlab-chiqarish, biznes, yaxshi kafe va restoranlardagi suratlar bilan yashayman. Aslida men ibodatlar haqida koʻp yozaman, koʻp hikmatli soʻzlar qoʻyaman, lekin oʻzim hayotda dunyo ishlaridan ortmayman. Aslida men xoʻja koʻrsin, riyo, maqtanishni yomonligi haqidagi taʼlimotni oʻqiganman va undan saqlanishga harakat qilish kerakligini bilaman, lekin yozgan chiroyli gaplarim, qilgan yaxshi ishlarimnining suratlarini odamlar koʻrsin uchun qoʻyish menga huzur beradi hamda unga bildirilgan fikrlar, va layklar meni qiziqtiradi. Aslida men ramazon oyi ovqatdan tiyilish, nafsni tarbiyalash davri ekanini juda yaxshi bilaman, lekin shu oyda negadir aynan odamlarga ovqat ulashganimni suratlar bilan yoygim keladi, iftorlikka va saharlikka qanday ovqatlar qilish qiziqtirib qoladi. Aslida men kamtarlik taqvodan ekanini bilaman, lekin koʻp joylarda dindor boʻlib gapirgim, odamlarga bu toʻgʻri, bu notoʻgʻri deb hakamlik qilgim kelaveradi. Aslida Allohning oldida gunohim koʻpligini bilaman, lekin oʻzimni emas koʻproq boshqalarni gunohini tanqid qilgim kelaveradi. Aslida men dindorman, lekin unga amal qilmayman...

Vijdon

P/S: Shu gaplarni oʻqir ekanman, gʻalati boʻlishni boshladim. Har birimizni vijdonimiz uygʻoq boʻlsin.

Telegram | Instagram | YouTube | Tiktok Ochish/sharhlash

2022-08-21 16:54:58 Qalbni poklaydigan 5 hislat:

• Qurʼonni tadabbur bilan oʻqish.
• Qorinni koʻp vaqt och tutish.
• Qiyomul-layl (tahajjud namozi) oʻqish.
• Koʻp istigʻfor aytish.
• Ilm majlislari, solih insonlar bilan koʻp hamsuhbat boʻlish.

Qalbni buzadigan 5 ta hislat:

• Shaxvatga berilish.
• Gʻazab.
• Gʻurur.
• Xudbinlik (faqat oʻzini oʻylash)
• Mol-dunyoga muhabbat qoʻyish.

@hayot_simfoniyasi Ochish/sharhlash

2022-08-20 16:08:49 Қуръон билан қандай муомала қилиш керак?

Қуръони карим борасидаги насиҳатларни ушбу тартибда келтирамиз.
1. Қуръонни хатм қилиш муддатини белгилаб олинг.
Масалан, тонгда 10 саҳифа, тушда 5 саҳифа, кечаси 5 саҳифа. Қисқаси, аниқ муддатни белгилаб олинг ва уни бажаришга киришинг. Лекин, ҳар куни Қуръон ўқинг.

Қуръони каримни бир ойда хатм қилиш машҳур ривоят билан келган. Энг охирги муддати эса 40 кундир. Хоҳланг, 1 ойда, хоҳланг 20 кунда, хоҳласангиз 15 кунда ёки 10 кунда ёхуд 7 кунда хатм қилинг. Буларнинг барчаси суннатда келган. Бошқа бир ривоятга кўра, 3 кунда хатм қилиш энг оз муддат экани айтилган. Аммо тез ўқилганда тадаббур қилишга имкон қолмайди. Демак, Қуръони каримни хатм қилишнинг энг кўп муддати 40 кун, энг оз муддати 3 кун экан.

Анас ибн Молик розияллоҳу анҳудан ривоят қилинади:
“Набий соллаллоху алайҳи васаллам (масжидга) кирсалар, икки устун орасига арқон боғлаб қўйилган экан. Шунда: “Бу арқон нима?” дедилар. “Бу Зайнабнинг арқони, толиққанда осилиб олади,” дейишди. Шунда Набий соллаллоҳу алайҳи васаллам: “Йўқ, уни ечинглар. Ҳар бирингиз тетиклигида намоз ўқисин. Қачон толиқса, ўтириб олсин”, дедилар” (Имом Бухорий ривояти).

Бу ер юзининг энг буюк аёлларидан бири билан қилинган муомала ва таълим беришдир. У зот – мўминлар онаси Зайнаб бинт Жаҳш розияллоҳу анҳо. У зот розияллоҳу анҳодан бошқа аёллардан талаб қилинмаган нарса талаб қилиниши мумкин эди. Лекин қоидага хилоф қилинмайди: “Албатта, дин енгилликдир”.

Батаҳқиқ, Расулуллоҳ соллаллоҳу алайҳи васаллам банданинг умри давомида Робби азза ва жалла билан боғлиқ бўлишига ўч эдилар. Токи у бир лаҳза дангасалик қилмасин ёки бошқа вақт камчиликка йўл қўймасин, оқсамасин. Шу сабабли Набий соллаллоҳу алайҳи васаллам оз бўлса-да давомли ишни ёқтирар эдилар. Бу эса бандага ҳам, жамиятга ҳам энг манфаатли, яроқли иш ҳисобланади.

Расулуллох соллаллоҳу алайҳи васаллам шундай марҳамат қилганлар: “Билиб олинглар, албатта, Аллоҳга энг севимли амал оз бўлса-да, давомлисидир” (Имом Муслим, Насоий, Аҳмад ва Абу Довуд ривояти).

“Тақво аҳлининг гўзал қиссалари” китобидан.
@mehrob_uz Ochish/sharhlash