Hayot Kundaligi Islomiy Kanal

2022-08-29 19:46:49 Кўзларимга дунё тор бўлиб кўриниб кетаяпти, хаёт зерикарли бўлиб қолгандек, юрагим сиқилиб негадир ичим қоронғу,  нима қилсам бўлади?

- Зўр йўли бор ўргатайми, мени айтганимни қилсангиз ўша захоти яхши томонга ўзгарасиз?

- Ўргатинг, аммо саёхат таклиф қилмоқчи бўлсангиз бефойда, мен дунёни жуда кўп мамлакатларига борганман.

- Эрталабда бозорга боринг, бир килодан узум, олма, апелсин ва банандан ўнта пакетга солинг, яъни ҳар бир пакетда шу мевалардан бир килодан бўлсин.

- Хўш, кейинчи дея қизиқиб қолди сухбатдошим.

- Травматалогия, онкология, суяк силини даволаш касалхонаси ва ногирон болаларни даволаб ўқитиш мактаб интернатига бориб шифокорлардан энг оғир беморни кўрсатишларини илтимос қилинг.

Шифокор кўрсатган беморларни зиёрат қилинг ва уларни орзулари хақида сўраб кўнгилларини кўтарадиган яхши тилаклар билдириб уйингизга қайтинг.

- Хўш кейинчи?

- Қолганини кейин гаплашамиз.

Уч кундан сўнг дўстим қўнғироқ қилди:

- Вақтингиз бўлса кўришайлик.

Кўришдик.

Дўстимни юзида аввалгидек тушкунлик холати йўқолган аммо хурсанд хам эмас, нигохлари жиддийлашган:

- Сизга катта рахмат, кўзимни "мошдай" очдингиз, юринг бир жойга ўтиб келайлик деди сирли оҳангда.

Хўп бўлади дея машинасига ўлтирдим.

Йўлда ўз "саёхатини" таассуротларини тўлқинланиб гапиришига эътибор қилганимдан манзилга қандай етиб борганимизни хам билмай қолдим.

- Тушаверинг етиб келдик.

Хайрон бўлдим, шахар четидаги чиқиндиларни ташлайдиган майдон эди, атрофида хонадонлар хам йўқ.

Дўстим мошинасини юкхонасидан иккита катта қутини олиб чиқиндилар тўпланган жойга қўйдида яна мошинасини юкхонасидан каттагина темир ломни олиб келди.

- Аллохни гувохлиги кифоя қилади, аммо сиз ҳам гувох бўлинг дедимда, хар давлатга саёхатга борганимда коньяк виски деган нарсаларни сарасини олиб келиб коллеция қилиб йиғиб қўйгандим.

Бугундан бошлаб ибодатни қолдирмай ўқишга қасд қилдим,  хозиргача исёнда хаёт ўтказган эканман, зора Аллох кечирса деган умиддаман.

Дўстим шу сўзларни айтдида қутидаги қимматбахо спиртли исимликларни ағдариб эринмасдан битталаб лом билан уриб синдира бошлади.

- Ана бўлдии, Худога шукур ғуборларим кетиб анча енгилладим. Қани кетдикми, яна бир жойга киришимиз керак.

Ортга қайтиб шахар марказидаги китоб дўкони олдида тўхтадик.

- Менга китоблар танлашда ёрдам беринг, Қуръон ўқишни ўргатасиз.

Дўкондан китоблар олдик.

Деярли хар куни уйга келар ва  Қуръон ўқишни ўзлаштиришга шошиларди.

Зехни зўр экан, қисқа вақт ичида ўрганиб олди.

Икки йилдан ошиқроқ вақт ўтди шекилли ўн порадан ошиқроқ ёд олди.

Кунлардан бир куни дўстимни ўғли телефон қилиб:

- Ака дадамлани кузатгани келасизми деб қолди.

- Дадангиз қаерга кетаяптилар дея хайрон бўлиб сўрадим.

- Хамма борадиган жойгада, пешин намозига жомеъда экан жаноза дедида йиғлаб юборди.

Танам жимирлаб кетди, инна лиллахи ва инна илайхи рожиъун.

Дўстимнинг хонадонига етиб бордим, одам кўп, айтишларича бомдод намозидан келибдида хонасига кириб кетиб нонуштага оила аъзоларини олдига чиқмабди.

Ўғли чақириб чиқиш учун хонага кирса Қуръон қўйилган лавхга бағрини берган холда жони узилган холатда ётиб қолган экан.

Шу воқеага хам тўрт йил бўлди.

Аллох барчаларимизни хотимамизни гўзал нихоя билан тугатишимизни насиб қилсин...
Мухаммад Икром

#Ибрат

БИЗГА ҚЎШИЛИНГ

@hayot_kundaligiii1 Ochish/sharhlash

2022-08-29 19:45:35 '
Assalomu Alaykum va Rohmatulloh!

30-08-2022 Seshanba
03-02-1444  Safar
Assalamu 'Alaykum Va
Rohmatullohi Va Barokatuh!

Andijon AZON vaqtlari

○ 04:09 - TONG

● 04:17 - BOMDOD (05:02)

○ 05:30 - QUYOSH

○ 06:03 - ZUHO

● 12:50 - PESHIN (13:00)

● 16:56 - ASR (17:06)

● 18:58 - SHOM

● 20:28 - XUFTON (20:43)

QIYOM VAQTI (12:05)

TAXAJJUD NAMOZI ~ (01:07)

Бошкаларга улашиш билан ажрга эга буласиз, ин шаа Аллох.

@hayot_kundaligiii1 Ochish/sharhlash

2022-08-29 10:52:30 Унутма!Ҳаммаси ўткинчи,умр ҳам ўтади,ҳеч тугамайдигандек туюлган оғриқли кунлар ҳам ўтади,бутун можаролар бир кун пoёнига етади,бутун унвонлар,мансаблар ортда қолади,ҳатто машҳурлик чўққисини забт этган,ҳеч қачон унутилмайдигандек кўринганлар ҳам унутилади,бутун ҳавотирларнинг албат охири бор,хаёт сенла ҳам сенсиз ҳам оқиб кетаверади.

Нима қилсанг қил инсон зотини ҳеч қачон рози қила олмайсан,барибир кичик бўлса ҳам камчилигингни топадилар.
Ўзгармайдиган,сенга орқа ўгирмайдиган,гуноҳкор ҳолингда ҳам сени рад этмайдиган,сени ҳеч қачон ёлғиз қолдирмайдиган,дуо қилсанг ижобат қиладиган,сўрасанг Сенга яқинлашадиган Зот фақатгина Роббдир.

Дунёда ҳеч кимсиз қолсанг ҳам Аллоҳ сен билан,сени мусибатларинг,муаммоларинг,
ташвишларинг,шикоятларинг,
кўз ёшларинг ҳатто оғир касалликларинг билан ҳам севадиган,сендан оғринмайдиган ягона Зот Аллоҳдир.

Ҳеч кимга айта олмай қалбинга кўмган,ҳижолатликда тилинга чиқара олмаган,кимга ҳам айтардим дея сукут қилган,айтганим билан ҳеч ким тушунмайди деб айтишни хоҳламаган бутун сукутларингни ҳам Аллоҳ батафсил билади.
Чунки Аллоҳ сенга жон томирингдан ҳам яқиндир.

“Ва биз унга (инсонга) жон томиридан ҳам яқинмиз!”
Қоф сураси 16-оят

•Осиё Абдулазим қизи. @hayot_kundaligiii1 Ochish/sharhlash

2022-08-28 21:11:53 Muhabbat nima?

Muhabbat Rasululloh sollallohu alayhi va sallam hijrat qilgan kechada u zotning oʻrinlarida uxlagan Ali roziyallohu anhudir. U Rasululloh sollallohu alayhi va sallamni qavmlari oʻldirish uchun toʻplanganini bilar va Nabiy alayhissalomning oʻrinlarida qatl qilinishiga aniq ishonardi.

Muhabbat Rasululloh sollallohu alayhi va sallamga ruhini, obroʻsini, molini fido qilgan Abu Bakr roziyallohu anhudir. Uni Quraysh kofirlari urib hushidan ketkazishganida, oʻziga kelib birinchi aytgan gapi “Rasulullohga nima boʻldi?” boʻlgan edi.

Muhabbat bani dinorlik sahobiyadir. Sahobalar bu ayolga eri, otasi va birodari Uhudda shahid boʻlgani munosabati bilan taʼziya bildirishdi. U esa Rasululloh sollallohu alayhi va sallamni qidirardi. Nabiy alayhissalomni koʻrgach, dedi: “Siz tirik ekansiz, boshqa musibatlar hech narsa emas, yo Rasululloh”.

Muhabbat Savbon roziyallohu anhudir. Bir kuni u rangi siniqqan holda Rasululloh sollallohu alayhi va sallamga koʻrindi. U zot soʻradilar: “Nega ranging o’zgargan?” Javob berdi: “Menda hech qanday kasallik yoki ogʻriq yoʻq. Ammo sizni koʻrmay, yoʻqotib qoʻysam, sog’inib qolyapman”.

Muhabbat Hubayb roziyallohu anhudir. U zotni asir olib, oʻldirish uchun dor ostiga keltirishdi. Dushmanlardan biri: “Hozir oʻrningda Muhammad boʻlishini xohlarmiding?” deb soʻradi. Hubayb javob berdi: “Allohga qasamki, men ahlim va avlodim huzurida tinchgina oʻtirib, Muhammadga bir tikan kirishini xohlamayman”.

Muhabbat Abu Talha roziyallohu anhudir. U zot Uhud gʻazotida Rasululloh sollallohu alayhi va sallamga aytdi: “Yo Rasululloh, yaqin bormang, yaqin bormang. Siz musibatga uchraganingizdan mening tomogʻimga oʻq qadalgani yaxshiroq”.

Muhabbat Umar roziyallohu anhudir. U zot Rasululloh sollallohu alayhi va sallam vafot etganlarida sahobalarga: “Muhammad oʻldi, demanglar. U zot Musoga oʻxshab Rabbilari bilan soʻzlashgani ketdilar. Albatta, qaytadilar”, degan edi.

Muhabbat Amr ibn Os roziyallohu anhudir. U kishi aytadi: “Hurmat yuzasidan Rasululloh sollallohu alayhi va sallamga tik boqqanim yoʻq”.

Muhabbat Bilol roziyallohu anhudir. U zot Rasululloh sollallohu alayhi va sallamdan keyin azon aytolmay qoldi. Bir marta hazrat Umar azon chaqirishini soʻraganlarida uning azoniga butun Madina yigʻlagan edi.

Muhabbat Rasululloh sollallohu alayhi va sallamdirlar. U zot sahobalariga: “Menga insonlar ichidan eng suyuklisi Oisha, keyin uning otasidir”, deb eʼtirof qilgandilar.

Muoz roziyallohu anhuga aytgandilar: “Ey Muoz, Allohga qasamki, men seni yaxshi koʻraman”.

Hazrat Aliga: “Sen mendan, men sendanman”, degan edilar.

U zot bizni eslab aytgan edilar: “Mendan soʻng bir toifa insonlar keladi. Ular meni juda yaxshi koʻrishadi. Hatto ahli va molini fido qilib meni koʻrishni xohlashadi”.

Mana sizga haqiqiy Muhabbat!


@hayot_kundaligiii1 Ochish/sharhlash