#нимадир. ҲАММАСИ ЯХШИЛИККА!... Черчилл шундай дер эди: | HAYOT GO'ZAL
#нимадир.
ҲАММАСИ ЯХШИЛИККА!...
Черчилл шундай дер эди:
“Мен сизларга соғлик ёки бойлик эмас, балки фақат омад тилашни афзал кўраман!
Чунки "Титаник" йўловчиларининг аксарияти ҳам соғлом, ҳам бой бўлган, аммо уларнинг жуда озчилигига омад кулиб боқди"
Бир йирик компания раҳбарларидан бири биринчи марта ўғлини болалар боғчасига олиб боргани учун, Ню-Йоркда 11 сентябрда содир бўлган терактдан омон қолган.
Бошқа бир йигит эса ширинлик сотиб олиш учун навбатда ушланиб қолгани учун омон қолган.
Бир аёл будилниги вақтида жирингламагани учун ишга кеч қолиб, бу мудҳиш фожеадан омон қолган.
Кимдир Ню-Жерси шоссесидаги тирбандликка қолиб кетиб, кечиккан.
Бири автобусига кеч қолган.
Бир аёлнинг кийимига қаҳва тўкилиб кетгани учун, кийимини алмаштиришига вақт кетган.
Кимнингдир машинаси ўт олмаган, кимдир жиринглаб қолган телефонга жавоб бериш учун уйига қайтиб кирган.
Бирининг боласи инжиқлик қилиб вақтида тайёр бўлмаган.
Бири вақтида тирбанд йўлда такси тута олмаган.
Менда катта таассурот уйғотган воқеалардан бири эса, ўша куни эрталаб бир киши янги оёқ кийим кийган бўлган ва жамоат транспортига етиб боргунига қадар туфли оёғини уриб ташлаган.
Шунинг учун у дорихонадан лейкопластер олиш учун тўхтаган! Aйнан мана шунинг учун ҳам у ҳозир тирик.
Энди тирбандликда қолсам, лифтга улгурмай қолсам, бемаврид телефон жиринглаб қолса... Умуман менга ноқулайлик туғдираётгандек кўринаётган майда-чуйдалар содир бўлганида, мен ўзим ҳақимда ўйлай бошлайман.
Мен айнан ҳозир шу иш билан шуғулланишимни ва шу ерда бўлишимни Аллоҳнинг ўзи хоҳлади деб фикрлайман.
Кейинги сафар, кунингиз режадагидек бўлмаётгандек туюлса, болаларингиз секин кийинаётган бўлса, калитингизни топа олмаётган бўлсангиз, ҳар бир светофорда қизил ёниб қолаверса, асабийлашманг!
Бу сизнинг омадингиз бўлиши мумкин!
Эслатиб ўтамиз, Уинстон Черчилл ХХ асрнинг энг машҳур сиёсатчиларидан бири эди. У Буюк Британиянинг бош вазири бўлган.
Энди уйлаб куринга канчалик омадли эканлигингизни
