Ilyos Safarov

2022-11-10 18:23:18 Navbatdagi intervyudan keyin.

O'tayotgan haftaning eng dolzarb va og'riqli mavzusini tahlil qildik.

Mehmonlar bilan suhhbatimiz shunchalik qizib ketdiki, operator do'stlarimiz ogohlantirishmaganda to'xtamasdik, ehtimol.

"Dolzarb mavzu"ni ochmay turaman, shunisi ma'qul. Tez orada Kun.uz'da. Ochish/sharhlash

2022-11-10 09:00:50 «Rossiyaga Markaziy Osiyo kerak, lekin bizga u yerdan qanday xom-ashyo kerakligini tushunishimiz lozim» – Semyon Bagdasarov (Yaqin Sharq va Markaziy Osiyo mamlakatlarini o‘rganish markazi direktori)

Bizning ularga «qiziq»ligimiz faqat resurslarimiz bilan, ya'ni, Rossiya bizni faqat xom-ashyo bazasi sifatida ko‘radi. “Teng huquqlilik, o‘zaro foyda va manfaatlar”ni unuting.

@haqiqatdaIlyos Ochish/sharhlash

2022-11-10 08:26:45 Jurnalist, "O'zbekkino" Milliy agentligi matbuot xizmati mutaxassisi Shoxira Xamro yozmoqda:

Soqol qo‘ygan o‘zbekka tvda chiqib gapirish mumkin emasmi? To‘g‘ri, sobiq tv.jurnalist sifatida "soqol" tvchilar uchun "og‘riqli" mavzu ekanligini bilaman. Lekin tarozini toshini bir xil qo‘yish kerak deb o‘ylayman. Chunki hatto dunyodagi "eng buyuk" inson bo‘lsa ham agar u o‘zbek bo‘lsa, birorta tv kanalda chiqib gapirishga haqqi yo‘q ekan! Lekin xuddi shu inson agar rus yoki ingliz, turk, tojik...xullas o‘zbekchadan boshqa istagan tilga gapirsa, hamma kanal efirlari ochiq! Bugun bir ko‘rsatuvga bordik festival' natijalari yuzasidan. Chunki O‘zbekiston uchun juda muhim bo‘lgan ikkita gran pri bizda...va bu haqda har qancha gapirsak arziydi. Lekin bir g‘olibimiz soqolda va u turk millatiga o‘xshab ketadigan qiyofada bo‘lgani uchun boshida hech qanday muammo bo‘lmadi. Lekin efir boshlanib, uni tanishtirishganidan keyin, kino ijodkor gapira boshlaganda atrofda g‘alati voqealar sodir bo‘la boshladi. Efirni shoshilinch ravishda tugatish , biz bilan xayrlashish haqida boshlovchilarga quloqchinlar orqali buyruq bo‘ldi. Juda bilimli, dunyoqarashi keng, tajribali boshlovchi har qancha o‘zini tutishga harakat qilmasin, uning ruhiyatidagi o‘zgarishni sezdik.

Suhbat chala qoldi. Sabab-g‘oliblarimizdan biri soqolda ekanligi edi. Vaholanki u dunyoqarashi keng, o‘z uslubiga ega, bir nechta tillarda bemalol gapira oladigan zamonaviy o‘zbek yoshlaridan. Hatto MTRKning eng nozik telekanali bo‘lmish "O‘zbekiston 24" da ham bir necha bor intervyular bergan shu soqoli bilan))) Bu gal ham balki o‘zbek tilidan boshqa tilda gapirganida e'tiroz bo‘lmasdi menimcha... chunki uni studiyaga kirib kelganida turk deb o‘ylashibdi... Buni qanday tushunish kerak?! Faqat o‘zbek "besoqol" bo‘lishi kerak degan qonun qaerda yozilgan axir?! O‘zim ham televidenieda ishlagan kezlarim O‘zbekiston xalq artisti Rajab Adashevni oppoq soqollari bilan nuroniy chol qiyofasida ataylab studiyaga kelib bergan intervyularini uzoq vaqt efirga bera olmaganman.

Faqat raisga murojaat qilib, kanalning bir jonkuyar, rahbarining tavakkali bilan efirga uzatganman o‘sha intervyuni. Lekin tvda faqat o‘zbeklarga soqol bilan chiqish mumkin emasligi ochig‘i meni hayratlantirdi...

Hurmatli tv rahbarlari! Bunaqa "salla desa, kallaniyam qo‘shib olib kelishni" bas qiling! Bu masalaga individual yondashing! Soqolni millatga bo‘lmang!

@haqiqatdaIlyos Ochish/sharhlash

2022-11-09 13:48:37 Vaqtincha saqlash hibsxonalarining Bermud uchburchagidan farqi qolmadi – kirish bor-u, chiqish yo'q.

Oqdaryolik yigitning jasadi sovimay turib, Qo'qondagi hibsxonada ikkinchi o'lik chiqdi. Ochish/sharhlash

2022-11-07 17:51:52 Vazir o'z matbuot kotibi bilan "intervyu-intervyu o'yinini" o'ynayotgandek.

Abduqodir Toshqulovning Oliy va o'rta maxsus ta'lim vaziri bo'lganiga kelayotgan yanvarda 2 yil to'ladi. Ammo u bu vaqt davomida biror mustaqil OAVga intervyu bermadi. Ochish/sharhlash

2022-11-07 16:20:15 Turkiy davlatlar o'rtasida yagona alifboni joriy qilish haqidagi gap-so'zlar jiddiyga o'xshayapti.

Ma'lumotlarga ko'ra, Tashqi ishlar vazirligiga Turkiy davlatlar tashkiloti (TDT) Kotibiyatidan Turkiy Akademiya doirasida “Umumiy alfavit komissiyasi”ni tashkil etish haqida nota kelib tushgan.

Turkiy davlatlar o'rtasida yagona alifbo yaratish qanday g'oya ekani haqida quyidagi intervyu orqali ma'lumot olishingiz mumkin:



@haqiqatdaIlyos Ochish/sharhlash

2022-11-07 15:25:25 Kun.uz Turkiy davlatlar tashkiloti Bosh kotibi Bog'dod Amreyev bilan intervyu o'tkazdi.

Intervyu davomida tashkilotning rivojlanish istiqbollari, bu yo'ldagi muammolar, a'zolar turli xavf-xatarlar bilan yuzlashganda tashkilotning qanchalik kollektiv harakat qila olishi, uyg'urlar masalasi, "panturkizm" va Markaziy Osiyo davlatlari integratsiyasi rivoji haqida so'z bordi.





@haqiqatdaIlyos Ochish/sharhlash

2022-11-07 11:15:13 Zafarbek Solijonovning yozishicha (birinchi xabar ham unda chiqqandi), Jalaqaduqdagi maktab ma'muriyati tarqab ketgan skrinshotlarni ins jinslardan bilib, is chiqartirayotgan ekan. Shunday qilsa, maktabga bundan buyog'i bloger degan balo-qazolar yaqinlashmasmish.

Men esa mana bu intervyuda maktablardagi tizimni yuqoriroq pardada muhokama qilib yuborganim uchun maktab jamoasidan uzr so'rayman.

O'sha cho'zmangizni yoniga xolvaytar ham qo'shing, emi demiga boradi.

Umuman, shuncha muammo ichidagi Xalq ta'limi vazirligi nega haligacha elga bo'g'irsoq tarqatmadi?

@haqiqatdaIlyos Ochish/sharhlash

2022-11-06 17:40:47 Turkiy davlatlar tashkiloti Bosh kotibi Bog'dod Amreyev bilan Kun.uz tahririyatida intervyu o'tkazdik.

Savollarni ochmay turay lekin tashkilot va uning atrofidagi eng muhim mavzular bo'yicha gaplasha oldik deb o'ylayman.

Bugungi intervyuda Bog'dod Amreyev qozoqcha men esa o'zbek tilida gapirdim. Bir-birimizni tushunishda deyarli muammo bo'lmadi. Demak, turkiy davlat vakillari, ular orasidagi rasmiy tadbirlarga ham ha deb ajnabiy tillarni qo'shaverishga hojat yo'q.

Chunki bizning tomirimiz bir, dinimiz, qadriyatlarimiz bir. Bir-birimizni tushunamiz, osonlikcha his qilamiz. Shunchaki o'rtadagi yillar va yo'l qo'yilgan ko'plab xatolar turkiylarni bir-biridan uzoqlashtirib qo'ygandi.

Endi uzoqlashgan xalqlar, uzilgan aloqalar yaqinlashsin. Bugungi dunyoda bizga bundan boshqa chora ham, to'g'ri yo'l ham yo'q. Ochish/sharhlash

2022-11-06 07:38:46 Xalqaro forumda "nima uchun O‘zbekistonga investisiya qilishim kerak?", deb savol berilishi investorlarga davlatimizni reklama qilib olish uchun juda go‘zal imkoniyat. Aslida, bu savol berilmasa ham, gapni aylantirib kelib, investorlarning hayoliga kelishi mumkin bo‘lgan shu savolga javob berib olishga harakat qilish kerak edi.

Ammo, butun boshli davlatning nomidan o‘tirgan vazirning bu savolni bergan moderatorga go‘yoki "uzkiy krug" choyxonada o‘tirgandek hiring-hiring qilib, "bunaqa qiyin savol bersang seni boshqa chaqirmaymiz, undan ko‘ra yoshimni so‘ra.." kabi noo‘rin hazillar qilishini mutlaqo hazm qila olmadim.

Birorta investor "bularni vaziri hazilni yorvorarkan, shu sababli 100 millon dollar pul kiritib, shu davlatda biznes boshlayman", dedimikan?

Qo‘chqorovning shunday mas'uliyatli vaziyatdan ustalik bilan foydalanish o‘rniga hiring-hiring qilib, vaziyatni rasvo qilganiga bir vatandosh sifatida juda achindim..

Vaziyatlarni isrof qilishga hech kimning haqqi yo‘q. Oshnalar bilan choyxonada o‘tirish bilan xalqaro tadbirda davlat nomidan ishtirok etishning farqini tushunmaydigan odam bunday tadbirlarga bormasligi kerak.


Dilshod Odilov

@haqiqatdaIlyos Ochish/sharhlash