ЛГБТ, чириган ғарб, якка никоҳ. Бу ҳақида ёзмайман деган э | Hammasi Hayot Haqida.
ЛГБТ, чириган ғарб, якка никоҳ.
Бу ҳақида ёзмайман деган эдим, лекин яна қайтишга мажбурман. Аслида бу каби иллатлар бизнинг миллатга ёт деймиз-у, лекин бу иллат аслида бизда хонликлар давридан бери бўлган экан, баччавозлик ҳозир ҳам қўшни Афғонистон ҳудудларида жуда кенг тарқалган иллатлардан бири экан.
Бу ростан ҳам иллат, худдики ёввойи ўтга ўхшайди, бир жойдан суғуриб ташласанг, иккинчи жойдан чиқиб келаверади.
Ўтган асрнинг 70-йиллари бошида Буюк Британия ва бошқа Европа давлатларида ҳам шунга ўхшаган ҳолатлар бўлганда, инсонлар бунга тиш-тирноғигача қарши бўлишган, ҳатто ўлим ҳолатларигача боришган.
Бугун эса Оврўпа давлатларининг раҳбариятига шундай инсонлар келмоқдаки, улар бу иллатни оддий ҳолат деб қабул қилишни бошлашмоқда. Чунки ўзлари ҳам шу иллат билан касал.
Бизга қарз бераётганлар эса буни инсон ҳуқуқлари деган ном билан секин тиқиштиришмоқчи бўлаяпти деган шубҳам ҳам йўқ эмас.
Шундай дейман-у, лекин ўзимизда юу иллат азалдан ер остида ривожланиб борган экан. Ҳар бир хон, амир, бойваччанинг ҳам ўз баччалари бўлган экан.
2018-йилда Тошкентда ИИБ раҳбарларидан бири ўз ходими томонидан ўлдирилган эди. Расмий тасдиқланмаган манбаларга кўра бу ўлим сабаби рашк бўлган деган версия ҳам йўқ эмас эди. Лекин ИИБ бу қотиллик тафсилотларини кейинчалик ҳам очиқламади.
Кейинчалик бошқа хабарларда ҳам юқори эшелондаги раҳбарлар орасида ҳам “касаллари” учраб туриши ҳақидаги маълумотлар сиздирилди. Бўлса бордир деб қўя қолдим, чунки хонликлар даврида бўлган касаллик ҳозирга келиб йўқолиб кетмаган-ку.
Бу билан нима демоқчиман?
Азизлар, бу иллат билан курашишдаги ягона ва энг таъсирчан қурол - бу тарбия. Тарбияга эътиборли бўлаверайлик, ўртоқлар. Ҳозирча бошқача йўлини кўрмаяпман.
@tentakminds dan
