Бизнес эгаси учун индикатор саволлар Азалий савол: қачон | Micro Бизнес Блог
Бизнес эгаси учун индикатор саволлар
Азалий савол: қачон ўз бизнесини молияси билан шуғулланишни бошлаш керак?
Мен учун иккита жавоб бор:
Биринчиси - назарий жиҳатдан тўғри
Иккинчиси - амалда ишлайдиган йўл.
БИРИНЧИ ЖАВОБ: Бизнес яратилиши биланоқ молия билан шуғулланишни бошлаш керак. Келажакда уни бизнес билан бир қаторда кенгайтириш учун бундай ҳисоб ва ҳисобот тизимини дарҳол жорий қилиш керак.
Қўшиласизми? Мен ҳа деган жавобни бераман. Аммо ҳаётда шундай бўладими? Сизнинг бизнесингизда шундай бўлганми? Бундай деб ўйламайман. Менинг шубҳаларим, бизнинг дастурни жорий қилиш учун келган бизнес эгалари билан боғлиқ 18 йиллик тажрибага асосланган. Тадбиркорларнинг 90% да деярлик хисоб-китоб йўқ.
ИККИНЧИ ЖАВОБ: Молия билан шуғулланишни бизнес эгаси бунга ментал тайёр бўлганда бошлаш керак. Яъни у, объектив ва тўғри маълумотларсиз ўз бизнесини бошқара олмаслигини, уни ривожлантира олмаслигини ва уни кенгайтира олмаслигини тушунганида бошлаши керак.
Бундай тушунча дарҳол пайдо бўлмайди. Баъзан йиллар ўтиб, тадбиркор вақт келганини тушунади.
Нима учун бу содир бўлади? Менинг тушунтиришим шундай: дастлабки босқичда савдо жуда муҳим ва бизнес эгаси савдо ва маркетинг мавзусига киришиб кетган бўлади. Ҳақиқатан ҳам, савдо йўқ - бизнес йўқ.
Кейин жамоани яратиш, бизнес жараёнларни қуриш, делегирование қилиш керак.
Ва кейин мантиқий савол туғилади: “Пул қаерда? Мен кечаю кундуз қаттиқ ишладим, лекин пул қани?.
Кейин, вазиятга қараб, ривожланиш даражасига, менталитетга қараб, "пул қаерда?" деган саволни чуқурроқ ва тўғрироқ саволларга айлантирилади, масалан:
- Ўтган ойда умуман бизнес ва ҳар бир бизнес йўналиши/объект/лойиҳа/дўкон/ресторан учун молиявий натижа қандай бўлди?
- Ойнинг режалаштирилган молиявий натижаси қандай?
- Нима учун фойда жорий ҳисобдаги пулга тенг эмас?
- Бизнесга тикилган пул қанча фойда келтиряпти?
- Биздан ким қарздор ва кимга биз қарздормиз?
Ва ҳ.к.з.
Менинг назорат рўйхатимда 15 дан ортиқ бундай саволлар мавжуд. Булар тадбиркорнинг молиявий тизимни амалга оширишга тайёрлигини кўрсатадиган саволлар. Чунки агар бизнес эгаси,хисобот нима учун кераклигини тушунмаса, назарий жиҳатдан биринчи ёндашув тўғри эканлигини билса ҳам, у буни қилмайди.
Шунинг учун мен иккинчи ёндашувни қўллаб-қувватлайман. Мен хабардорлик тарафдориман.
Бизнесингиз молиявий бошқарувни ўрганишга тайёрмисиз?
Қайси ёндашувни афзал кўрасиз: биринчиними ёки иккинчиними?
----
Ушбу канални дўстингизга хам юборинг.
Telegram | Facebook | Instagram | YouTube |
