БУ ГУЛШАН АРО... Гули Нигор

2023-05-02 01:55:09 Ота ~онамга

Айтилмаган қўшиғимсиз, жоним онам,
Ёзилмаган достонимсиз, жоним отам.
Йиллар ўтар, юрагимнинг тубларида,
Сира битмас армонимсиз, ота~онам.


Мусофирим, деб йўлимни интиқ кутган,
Рўзғорида не бор бўлса менга тутган,
Бир кафтгина китобимни кўзга суртган,
Шеърларимнинг ошиғисиз, жоним отам,
Айтилмаган қўшиғимсиз, жоним онам.

Инжиқлигим, ошиб кетса меъёрдан ҳам
Талабларим тошиб кетса бозордан ҳам,
Шу қизим ҳеч кўрмасинда деб бирор кам,
Маъқуллаган ҳар онимсиз, жоним отам,
Ёзилмаган достонимсиз, жоним онам.

Бир қиз бўлиб, сўзлашибман доимо жўн,
Устингизга ёпмабман ҳам қимматроқ тўн,
Бурчларимни қўйдим доим сиздан устун,
Қалбимдаги ардоғимсиз, жоним отам,
Айтилмаган қўшиғимсиз, жоним онам.

Икки қабр ўртасида ўтираман,
Сизлар билан ўтган дамни соғинаман,
Қайсарлигим, худбинлигим кўп кўраман,
Меҳр тўла қўрғонимсиз, жоним отам,
Ёзилмаган достонимсиз, жоним онам.

Бугун сизга шеър ёзаман дафтар~ дафтар,
Лек армоним ўсаверар бўй баробар,
Энди сизни топиб берар менга кимлар,
Айтилмаган қўшиғимсиз жоним отам,
Ёзилмаган достонимсиз, жоним онам...

Гули Нигор

https://t.me/GuliiNigorrr Ochish/sharhlash

2023-05-02 01:54:24 ****

Қарашингда не синоат бор,
Англолмайман шуни ҳеч дилдор.
Мағрурона туришларингда
Борга ўхшар кибр устивор.

Ишқ яширин нигоҳинг билан,
Ошиғингнинг бағрин тиласан.
Шу боқишинг билан юз бора,
Лол қилганинг ўзинг биласан.

Гулим, менинг гулирухсорим,
Кўнгли тўла бир сирлар борим.
Сенинг билан гўзал бу дунё,
Сенинг билан гуллар ифорли.

Сирли нигоҳ, сирли қарашлар,
Юрагимни ҳар кун тарашлар.
Дилдор сенинг бу кўзларингга,
Фақатгина кулгу ярашар.

Гули Нигор Ochish/sharhlash

2023-05-02 01:54:13 «Бу ҳаёт ёлғондир, мен дунёни тиз чўктирдим, лекин менга ҳузур бермади, Аллоҳ субҳонаҳу ва таоло менга бир хасталик бериб, чемпион кимлигини эслатиб қўйди. Биз биров яхши кўриши учун эмас, коинот Яратувчиси Аллоҳ субҳонаҳу ва таоло яхши кўриши учун яшашимиз лозим».

Муҳаммад Алининг вафотидан олдин айтган сўнгги сўзлари.

Тафаккур қилинг! Ochish/sharhlash

2023-05-02 01:53:53 Ochish/sharhlash

2023-05-01 02:00:37 ***
Осмонда ой бир тилим,
Ойга ўхшайди кўнглим.
Ой нурига термулиб
Хаёлларим кетар жим.

Тўлин ойдек бут эди,
Бағри тўла орзу лим.
Синдирдилар неча бор,
Бўлиб қолди бир тилим.

Ой ва кўнглим тунлари,
Сирлашарлар кўп сим ~сим
Бут бўлмаган икковга
Қараб келар йиғлагим.

Гули Нигор Ochish/sharhlash

2023-05-01 01:42:08 Оёқ оғриғи(ҳазил шеър)

Оғрийдида шу оёқ,
Санчийвериб тўймайди.
Ўзим ташлайман ҳар ёқ,
Ухлагани қўймайди.

Билмам, нима қасди бор
Азоблайди жонимни.
Ва ёки шилмоқчими,
Бор~ будин ҳамёнимни.

Суриб кўрдим турли маз,
Сира парво қилмайди.
Бирпас тинч нафас олмас,
Оғришини қўймайди.

Бориб келсам докторга,
"Қаричиликда," дейди.
Икки оёқ бир юрса,
Нега бири қарийди.

Курашамиз иккимиз,
Таслим қилар кимни~ ким.
Оғриқнимас бир мени,
Танлар бир кун оёғим.

Гули Нигор

https://t.me/GuliiNigorrr Ochish/sharhlash

2023-05-01 01:40:42 Ибодат

Минг шукурким, оллоҳимга қилгани~ чун мусулмон,
Ҳар кун тонг~ла пайғамбарга айтадирман саловат.
Қўлда қуръон, тилда зикрим, қалбимда тоза иймон,
Калимаи шаҳодатим айтиб қилай ибодат.

Жойномозга турди аёл,
     олдда турмуш ўртоғи,
Саф тортдилар ўғил ~қизи.
жам бўлмоқлик инобат,
Беш вақт номоз ўқимоқлик,
оллоҳимнинг бир фарзи.
Жойномозим~тахтим менинг,
эрур катта ибодат.

Рўзғорингдир тўла ~тўкис уйинг, жойинг бадастир,
Лек қўшнингнинг уйида ҳам ҳукмронми ҳаловат.
Бир мискиннинг кўнглин олмоқ каъба қурмоқ мисоли,
Закот бергин, бойлар учун белгиланган ибодат.

Саф ~саф тортган мусулмонлар
отланар улуғ йўлга.
Ниятлари улуғ жойни,
қилмоқликдир зиёрат.
Эгнидаги либослари ниятлари каби оқ,
Ҳаж қилмоқлик мусулмонга бешинчи фарз ибодат.

Рамазонда ўтирамиз,
  дастурхонга бўлиб жам
Саҳарликда қилган дуо,
   бўлар эмиш ижобат.
Вужуд эмас, қалбимиз ҳам
тозаради неажаб,
Оллоҳимнинг рамазони энг савобли ибодат.

Санаб чиқдим фарзимизнинг ҳаммасини бирма бир,
Амал қилиб яшамоқлик эрур катта саодат.
Инсоф билан сўзлаганда чин мусулмонга асли
Кунлик яхши амаллар ҳам бўлар катта ибодат.

Гули Нигор

https://t.me/GuliiNigorrr Ochish/sharhlash

2023-05-01 01:40:13 Ассалому алайкум ва рахматуллохи ва баракатуху! Хайрли тонг азизларим. Яна бир тонг муборак бӯлсин! Бугун хафтанинг душанба биринчи куни барчамизга хайрли бӯлсин! Одатда энг яхши кун шубҳасиз БОМДОД намози ила бошланади. . Барчамизни тинчлик, омонликда ва соғлик-саломатликда тонгга етказган Роббимизга ҳамдлар бўлсин. Алхамдулиллах! Борлиқни тонг шуъласи ила ёритганидек, ҳаётимизни ҳам ҳидоят нури ила мунаввар айласин! Аллоҳимдан нима эзгу ният сўраган бўлсангиз барчаси мустажоб бўлсин. Бугунги кунингиз кечаги кунингиздан хайрлироқ, файзлироқ, манфатлироқ ва баракалироқ бўлсин! Ochish/sharhlash

2023-05-01 01:35:53 Ochish/sharhlash

2023-04-30 07:44:57 Тарозида тортиб бўлмас меҳрни ҳеч,
Қопга солиб ортиб бўлмас меҳрни ҳеч,
Ҳеч ким демас бўлди тўйдим меҳрдан кеч,
Меҳр бериб яшайлик, эй яқинларим. Ochish/sharhlash