2022-07-10 08:38:39
Аёл ўзини севсин, Эркак ўзини қадрласин
Нафақат оилада, балки жамиятда ҳам, ҳаётда ҳам, ўзининг энг яхши қирраларини, ўзлигини намоён этиш учун аёл киши ўзини севса, эркак ўз қадрига етиб яшаса – шунинг ўзи етарли, десак муболаға бўлмайди.
Гап ўзини севиш, қадрлаш деганда, нимани назарда тутишда...
Аёлларга тушунарли бўлиши учун, гапни эркаклардан бошлаймиз.
Эркак кўзи билан севади
Аёл эса қулоғи билан ва бу гап ҳеч ким учун янгилик эмас.
Эрингиз чиройли аёллардан кўзини узолмай турганини кўриб, жиғибийрон бўлганмисиз?
Ундан хафа бўлманг, бу иллатни фақат унга берган эмас, ҳатто ҳар бир кампирнинг чоли ҳам худди шундай...
Сабаби, у эркак бўлиб дунёга келган ва токи қайтиб кетгунича худди шундай бўлиб қолади.
Қарагани билан ҳам, унинг кўнглида ҳеч нарса ўзгармайди, чунки у шунчаки ўзини ҳамиша хурсанд ҳис қилмоқчи бўлади:
Кўриш бор,.. ейиш йўқ...
Тўғрисини айтганда, аслида унинг иштаҳаси ҳам йўқ, шунчаки, букрни фақат гўр тўғрилайди.
Аёл киши буни тушуниши жуда қийин, чунки ҳар бир аёл фақат бир эркакни тан олишни, фақат бир эркакка ҳаётини бахшида этишни, ундан фарзандлар кўришни истайди.
Биринчи фарзандини туққанидан кейин, бегона эркак унда ҳеч қандай қизиқиш уйғотмайдиган бўлади, иккинчисини туққанидан кейин, унинг учун бошқа эркакларнинг хотинлардан фарқи қолмайди.
(Йўғ-е, бўлиши мумкин эмас, деган эркак бир иложини топиб, учига чиққан фоҳиша билан гаплашиб кўриши мумкин, бу гап ҳатто унга ҳам тааллуқли эканлигини тасдиқлаб беради, ахир у ҳам аёл-ку...)
Шундай қилиб, эркакларга қайтамиз.
Ҳар қандай эркакни ҳар қандай аёлнинг қуйидаги томонлари ўзига ром этади:
-гўзаллиги;
-мулойимлиги;
-меҳрибонлиги;
-беозорлиги;
-очиқ юзлилиги;
-иффати;
Буларга яна эрни ром қиладиган хотинларнинг фазилатларини қўшимча қилиш мумкин:
-итоаткорлиги;
-ширинсўзлиги;
-пазандалиги;
-билимсизлиги...
Бу рўйхатни аёлнинг ташқи ва ички гўзаллиги, деб номласа ҳам бўлади.
Тушунган аёлга шу рўйхатнинг ўзи кифоя қилса керак.
Аслида эса ҳеч бир аёлга тушунтириб ўтиришнинг кераги йўқ, буларнинг барини у жуда яхши билади, шунчаки, кўп нарса унинг ихтиёрида эмас.
Лекин барибир, яшаш шароитидан, моддий имкониятларидан ва ёшидан қатъий назар, ташқи ва ички гўзаллигини сақлаш масаласига ўзининг биринчи даражали вазифаси, деб қарайдиган аёл ҳақиқатан ҳам ўзини севади ва ўз атрофидаги яқин одамларининг ҳаётини меҳр-муҳаббати билан ёрита олади.
Ўзини севадиган аёл:
-кўчада эмас, уйда ясаниб юради;
-покизалигини, ҳаёсини, одобини, ширин сўзлигини авваломбор эрига намойиш этади;
-ўзига янги кийим кечакни тўйга ва меҳмонга бориш учун эмас, эрига кўз кўз қилиш учун, эрининг кўзини қувонтириш учун сотиб олади;
-пулни рўзғорга эмас, авваломбор ўзининг шахсий эҳтиёжларига сарфлайди.
Ҳар бир аёл худди гулдастага, бетакрор гулдастага ўхшайди...
Ўзини севадиган аёл шу гулдастани супургига айланишига асло йўл қўймайди.
Мазза қилиб, аёлларга ақл ўргатдик, лекин...
Лекини бор
Ота-боболаримиз оилада
Эрни – Қуёшга,
Хотинни – Ойга қиёслашган.
Осмондаги Ой Қуёшнинг нури туфайли чарақлаб туради, у ўзидан-ўзи чиройли бўлиб, гўзаллигини намойиш этолмайди, унга Қуёшнинг нури керак.
Шу нуқтаи назардан, хотин кишининг ташқи ва ички гўзаллиги, асосан, эрининг ардоғи туфайли тўлин Ойга айланади.
Унга эрининг топаётган пулидан кўра эътибори, диққати муҳим.
У эрининг ташқаридаги қувончи ва ташвишларига шерик бўлишни ва ўз кечинмалари билан ўртоқлашишни истайди.
Эрининг ишларига аралашиш аслида унинг хаёлига ҳам келмайди, унга шунчаки, эрининг эътибори керак, холос.
Дадаси, мен сиз билан жиддий гаплашиб олишим керак!
Сен бошлайвер, ҳозир келаман...
Хулоса эса узингизга хавола...
Мавзу юзасидан фикр ва мулоҳазалар саволлар бўлса мархамат
@Doktorfrankmr
@Doktorfrankmr
https://t.me/Ginekologurolog
77 views., 05:38