ТОРЧ инфекциялар Оила қурганлар, айниқса бола кўриш тараддуди | Ginekologiya Ayollar Salomatligi

ТОРЧ инфекциялар

Оила қурганлар, айниқса бола кўриш тараддудида юрган жуфтлар ТОРЧ инфекция ва унинг ҳомиладорликка алоқаси ҳақида озгина бўлса ҳам эшитишган.
ТОРЧ инфекциялари нима ? ТОРЧ инфекцияни бепуштлик ва хомиладорликка қандай алоқаси бор ? Бугун шу ҳақида гаплашамиз

ТОРЧ инфекциялари бу токсоплазмоз, қизилча, герпес ва цитомегаловирус киради. Хомиладорликдан аввал ва хомиладорлик даврида яна хламидия, уреаплазма, бруцеллез хам текширилади. Лекин улар ТОРЧ инфекция эмас.

ТОРЧ инфекция аёл ва эркакда хам бўлиши мумкин. Эркакларда ТОРЧ инфекция спермаривожданишига тахсир қилиб, сперма кўрсаткичларини бузадики, улар фарзанд кўриш эхтимоллигин анча пасатириши мумкин. Аёлларда ТОРЧ инфекция хомила тушиб қолиши, туғма нуқсонли бола туғилиши ва кўп асоратларга сабаб бўлади.

ОДДИЙ ГЕРПЕС 1/2 типи
Оддий герпес билан хомиладорлик даврида бирламчи инфекцияланиш қуйидаги асоратларга олиб келиши мумкин:
• Хомиладорлик бузилиши: сув кўпайиб кетиши, хомиладорлик тўхтатилиши, хомила тушиб қолиши
• Хомила патологияси: қорин ичи инфекцияси,ўз ўзидан аборт, ўлик бола туғилиши
• Чақалоқ патологияси: туғма герпес, чала туғилиш, туғилганда тана вазни пастлиги
Герпес билан оғриш бирламчи эпизодида инфекцининг хомилага ўтиш хавфи50%, инфекция қайталанганда ёки белгисиз кечганда 0-4%.

ТОКСОПЛАЗМОЗ
Аёлларнинг 10 -12 % токсопазмоз билан хомиладорлик даврида инфекцияланишади, юқтириб олишади. Инфекциянинг хомилага ўтиш хавфи 30-40 % .
Агар инфекция юқиши хомиладорлик I ва II триместрларида рўй берса ўз ўзидан аборт ёки вақтидан эрта туғилиш хавфи 10-15 %. Бунда туғма токсоплазмоз хавфи 15-25% бўлади ва чақалоқлар оғир холатлари (фетопатиялар) масалан калла кичик бўлиб қолиши (микроцефалия), гидроцефалия, хориоретинит, гепатоспленомегалия, тромбоцитопения кузатилади. Агар юқиш хомиладорлик III триместрида рўй берса туғма токсоплазмоз хавфи 90 %гача. Лекин бунда касаллик аксари холларда белгиларсиз кечади
Токсоплазмозда хам асоратлар герпесдагига ўхшайди.

ЦИТОМЕГАЛОВИРУС
Хомиладор аёлларнинг 1 - 4 % цитомегаловирусни хомиладорлик вақтида юқтириб оладилар. Шу аёлларнинг 33%да хомиланинг инфекция юқтириши ва зарарланиши кузатилади.

Хомиладорликда инфекция юқиши 12 хафтагача содир бўлса бола ташлаш ва туғма нуқсонлараг сабаб бўлади :
• Гидро ёки ацефалия,
• Церебрал фалаж
• Кўз ва эшитиш аъзолари шикастланиши

Инфекция юқиши Хомиладорлик 12 хафтасидан кейин содир бўлса цитомегалиянинг тарқалган шакли - жигар шикастланиши (гепатит), ўпка касаллиги (пневмония) и кўз шикастланиши (ретинитга) олиб келади

ҚИЗИЛЧА
Қизилча вируси хомиладорликнинг 16 хафтасигача юқишида одатда қуйидаги холат бўлади:
• Хомилани қоринда халок бўлиши
• Каллада ўзгариш: макро ва микроцефалия
• Грегг учлиги: кўз шикастланиши + карлик (эшитмаслик) + юрак қон томир тизими ривожланиши нуқсонлари

Қизилча вируси хомиладорликнинг 16 хафтасидан кейин юққада туғма нуқсонлар хавфи сезиларли пасаяди.

Фарзанд кўриш ва хомиладорлик силлиқ ва муаммосиз кечишида ўз вақтида текширишлар , шу қаторда ТОРЧ инфекцияга текшириш ўтказилиши хомила ва аёл саломатлиги ва келажаги учун хаётий мухим. Арзимаган бир текшириш сизни келажакдаги кўп ташвиш ва ғам андухдан сақлаб қолиши мумкин.

#ТОРЧинфекция #цитомегаловирус #токсоплазмоз #герпес #хламидия #қизилча

Сиз учун каналларимиз ишлаб турибди. Манфаатли маълумотларга эга бўлинг

  @Ginekologiya
@Soglom_Oilabot
  @Urologiya_uz