Турк ҳарбийлари Косовога КFОR контингентини қўллаб-қувватлаш доирасида етиб келди
“Анадолу” нашри хабарига кўра, НАТО бош котиби Йенс Столтенберг Эрдўғон билан учрашгандан сўнг Туркияга сўнгги тартибсизликлардан сўнг Косово шимолига қўшимча куч юборгани учун миннатдорчилик билдирди.
НАТО Бош котиби, шунингдек, Туркиянинг Украинани кучли қўллаб-қувватлаши, жумладан, ғалла шартномасини тузиш ва уни узайтиришдаги етакчи роли муҳимлигини таъкидлади.
Унинг сўзларига кўра, учрашув чоғида томонлар июль ойида Вилнюсда бўлиб ўтадиган НАТО саммити кун тартибидаги муҳим масалаларни муҳокама қилишган, дея қайд этади агентлик.
