Geografiya_Zakovat | Uyda qoling!

2022-07-11 11:02:01 «Қачонгача ўқитувчи узр сўраш учун тиз чўкади»

Ўқитувчидан мурожаат..

https://telegram.me/joinchat/AAAAAFZ5VnYLLjHurlyC4w Ochish/sharhlash

2022-05-29 07:50:50 #Она
Бу шерни эшитиб йиғлаб юборасиз.Сирдарёлик театр актёри Шерзод Каттабоевдан дардли монолог.
Она қарияпман, сўлиб боряпман деманг...
Максимал репост
Каналга уланиш
https://t.me/+TZr5fUsFhsq42mx2 Ochish/sharhlash

2022-04-07 16:54:48 #118_ishtirokchi
#uygonish

https://telegra.ph/MUMTOZANING-ORZUSI-04-05 Ochish/sharhlash

2022-01-30 20:52:31 ​​Bugun 30-yanvar 2022-yil. Bu kunda tarixda ham yaqin o'tmishda ham juda ko'plab voqea-hodisalar sodir bo'lgan. Bunga o'tmish guvoh. Bugungi kunning eng muhim voqealaridan biri bu mustaqil vatanimizning birinchi prezidenti Islom Karimovning tavallud kuni. Muhtaram birinchi prezidentimiz 1938-yil huddi shu kunda, 30-yanvar kuni tavallud topgan. O'zining 78-yillik umri davomida juda ko'plab qiyinchiliklarni ko'zdan kechirgan. Juda katta ishlarni amalga oshirgan va eng muhim ishlaridan biri bu davlatimizni mustaqil mamlakatlar ro'yxatiga qo'shgani, mamlakatimizni 26 yil davomida boshqargani. Muhtaram birinchi prezidentimiz haqida ko'plab ijobiy fikrlar aytib o'tsam bo'ladi. Agarda tirik bo'lganlarida 84 yoshni qarshilagan bo'lar edi. Afsus, kim qancha yashashini biz insonlar bilmaymiz. Alloh oxiratlarini obod qilsin!
Yana bir inson, buyuk rejissor Leonid Gaydayning tug'ulgan kuni. Leonid Gayday 1923-yilida Amur bo'ylarida tug'ilgan. Bu insonning rejjisorligida ajoyib kinolar dunyo yuzini ko'rgan, shular qatorida men ham. Barcha kinolari ajoyib mahorat bilan ishlangan. Bu insonning kinolarini ko'rib yoshligimiz o'tgan, ulg'ayganmiz. Ajayib inson bo'lgan. 1993-yil Moskvada vafot etgan.
Yana bir gap, Leonid Gaydayning kinolarini ishlab chiqargan Мосфильм kinostudiyasining ham asos solingan kuni. Мосфильм kinostudiyasidan ajoyib kinolar chiqqan. Kinolari juda ham saviyali! Ko'rsang yana ham ko'rging keladi! Kinostudiyaga 1924-yilda asos solingan!
Bugungi kunning achinarli holati esa o'sha Leonid Gaydayning kinolarida o'zining ajoyib rollari bilan tanilgan, Мосфильм kinostudiyasi ko'p yillar ish olib borgan xatto Islom Karimov bilan ancha tanish bo'lgan inson Leonid Kuravlyov bugun olamdan ko'z yumdi. Kuravlyov o'zining ajoyib rollari bilan xalqimizning qalbidan joy olgan inson. U insonni barcha yoshdagilar juda yaxshi tanishadi, chunki u insonni kinodagi rollarini ko'rishgan, ayniqsa "Ivan Vasilevich o'z kasbini o'zgartiadi" filimini barchamiz ko'rganmiz. Anashunday, eskirmaydigan, o'lmaydigan kinolarda o'ynagan Kuravlyov. Yana bu kinoni ancha yillar ko'rishadi bu avlod. Qalbimizda chuqur iz qoldirgan inson bugun olamdan o'tdi. Oxiratlari obod bo'lsin!
Yana bir alohida voqea, bugun meni uchun qadrli bo'lgan inson, kursdoshim Zarifa Karimovaning ham tug'ulgan kuni bugun. Men Zarifaga uzoq umr, sog'liq, salomatlik tilab qolaman. Kelajakdagi ishlariga muvaffaqiyatlar, zafarlar tilab qolaman. Nimaniki yaxshi niyat qilgan bo'lsa barchasiga erishishiga tilakdoshman. Bugun Zarifa 29 yoshni qarshilayabdi. Zarifa ham yuqoridagi insonlar kabi o'z ishining ustasi bo'lsin. Uning qilgan ishlaridan xalq olqishlab yurishiga tilakdaoshman! Zarifa tug'ulgan kuningiz bilan!

Egamberdi Iskandarov!

@tabiiygeografiya Ochish/sharhlash

2022-01-17 07:53:43 Халқ таълими вазирлиги диққатига:

Энди бизга география фани керакмасми?

Президент ўқитувчилар ойлигини 1000 долларга етказиш вазифасини қўйган. Аммо умумтаълим мактабларининг география фани ўқитувчилари бундан кўпам умидвор эмас. Улар ҳозир "бу кетишда умуман маошсиз қолмасак бўлгани", деган хавотир ичида.

Каналимизга бир гуруҳ география фани ўқитувчиларидан шу мазмундаги мурожаатлар келиб тушди. Шулардан бирини қуйида келтирамиз:

"Янги 2022-2023-йилга мўлжалланган таянч ўқув режада кўрсатилишича, мактабларда янги табиий фан (science) жорий этилиши муносабати билан амалдаги физика, биология, география фанларидан 6-синф дарс ўқув соатларидан (ҳар бир фан бўйича 2 соатдан) жами 6 соат дарс соатлари қисқартирилиб, унинг ўрнига 3 соат science фани жорий қилинмоқда.

Биз янги фан жорий қилинишини қўллаб-қувватлаймиз, аммо бу қайсидир фанлар ёки қайсидир ўқитувчилар маоши қисқартирилиши ҳисобига бўлмаслиги керак-да.

Бундан 2 йил аввал мактабларда география ва иқтисодий билим асослари фани ҳафтасига жами 13 соат қилиб белгиланган эди. Ўтган йилга келиб бу кўрсаткич 12 соатга туширилди. Бунга-ку чидаяпмиз.

Лекин келгуси ўқув йилидан ушбу фан мактабларда ҳафтасига жами 10 соат ўқитилади. Қаранг, Халқ таълими вазирлиги икки йил ичида бутун бошли фаннинг деярли тўртдан бир қисмини қисқартириб юборяпти.

Нима, энди ўқувчилар учун география фани муҳиммасми? Биз-чи, шунинг ортидан амаллаб қора қозонимизни қайнатаётган ушбу фан ўқитувчилари нима қилайлик? Айниқса, ўзимиз каби эркак ҳамкасбларимиз қандай йўл тутсин?

География ўқитувчиси бўламан, деб университетларда ўқиётган ёшлар нима қилсин?

Ўзингиз ўйланг, юқори синф ўқитувчиларининг 1 ставка дарс соати ҳафтасига 20 соат қилиб белгилаган. Биз эса ҳозир 12 соат дарс беряпмиз (буям камайтириляпти!). Келгуси йилда 10 соатга туширилади.

Агар бир мактабда иккита географ бўлса, ҳар бирига 5-6 соатдан дарс тўғри келади. Бу маош билан ўқитувчи оиласини боқа оладими? Тўрт йил ўқиб, олий маълумот олиб, чет элларга иш излаб кетайликми?! Биз географияни шунинг учун танлаганмидик, севганмидик?!."

@platformauzb Ochish/sharhlash

2022-01-14 17:14:02 "Dunyo bozoriga ingliz tili bilan kira olamiz" — 75 000 $ yutgan startap asoschisi bilan suhbat

Bu galgi suhbatdoshimiz “Shuhrat” medali sohibi, eng yosh Prezident maktabi direktori va 75 000 $ mukofot yutgan startap asoschisi 27 yoshli Sardor Sodikov bo'ldilar.

O'zbek yoshlarini "oltin fondimiz" deb atagan spikerimiz suhbat davomida erishgan natijalari ortidagi zahmatlar, yoshlar uchun kerakli tavsiyalar, muvaffaqiyatga erishishda ota-ona va ustozlarning o'rni qanchalik muhimligi haqida gapirdilar. Shu bilan birgalikda, Prezident maktablari, oliy ta'lim muammolari hamda yoshlarga oid bir nechta dolzarb mavzularga birma-bir to'xtalib o'tdilar.

O’ylaymizki, suhbat siz uchun manfaatli bo’lib, katta-katta maqsadlar qo’yishga va ular tomon intilishga undaydi.

Suhbat premyerasi, bugun, soat 19:30 da bo’lib o’tadi. Videoni ko’ring va uni do'stlaringizga ham tavsiya qiling. Zero, bu suhbat ular uchun ham manfaatli bo’lishi mumkin!

Premyeraga havola:



Premyerani o'tkazib yubormaslik uchun havola orqali o'tib, eslatish tugmasini bosib qo'ying Ochish/sharhlash

2021-11-06 09:22:46 Янги Ўзбекистон тараққиёт стратегияси етти йўналишдан иборат этиб белгиланди- Шавкат Мирзиёев

"...Тараққиёт стратегияси доирасида:

Биринчидан, эркин фуқаролик жамиятини ривожлантириш орқали халқпарвар давлат барпо этиш, инсон қадри-қиммати ва унинг қонуний манфаатларини таъминлашга қаратилган, кенг кўламли ислоҳотларимиз янги поғонага кўтарилади.

Бу борада миллати, тили ва динидан қатъи назар, юртимизда яшаётган ҳар бир фуқаронинг, бутун халқимизнинг фаровонлигини таъминлашга хизмат қиладиган “Янги Ўзбекистон – халқчил ва инсонпарвар давлат” ғоясини амалга оширишга алоҳида эътибор қаратамиз.

Шу асосда маҳаллий бошқарув органларининг жойларда муаммоларни ҳал этишдаги роли ва масъулиятини янада кучайтирамиз. Бунинг учун келгусида давлат функцияларининг катта қисми, марказдан ҳудудларга ўтказилади.

Жамият бошқарувининг таянч бўғини бўлган, ислоҳотлар самараси бевосита акс этадиган маҳалла тизимини ҳокимликлар билан боғлаш мақсадида ҳар бир маҳаллада ҳоким ёрдамчиси лавозими жорий этилади.
Ҳоким ёрдамчиси янги иш ўринларини яратиш ва камбағалликни қисқартиришга масъул бўлади. Маҳалла раиси эса маънавий-маърифий ишларни амалга ошириш, оила ва маҳаллада соғлом муҳитни шакллантиришга жавоб беради.

Шу билан бирга, маҳаллаларда ёшлар масалалари билан мунтазам шуғулланадиган Ёшлар ишлари агентлигининг вакили ҳам бўлади.
Бундан ташқари, ҳокимликлар ва маҳаллаларнинг молиявий имкониятини кенгайтириш мақсадида туман бюджети қўшимча манбалар билан таъминланиб, маҳалланинг алоҳида жамғармаси шакллантирилади.

Обуна бўлинг http://t.me/yuz_official Ochish/sharhlash

2021-11-06 09:19:11 Шавкат Мирзиёев сайловда номзод сифатида иштирок этган рақобатчиларига миннатдорлик билдирди

"...Номзодимни илгари сурган ва сайлов кампаниясида қўллаб-қувватлаган Тадбиркорлар ва ишбилармонлар ҳаракати – Ўзбекистон Либерал-демократик партиясининг аъзолари ва фаолларига, барча тарафдорларим ҳамда ишончли вакилларимга ташаккур айтаман.
Сайловда фаол иштирок этган:

Ўзбекистон Халқ демократик партиясидан номзод – Мақсуда Ворисовага;

“Миллий тикланиш” демократик партиясидан – Алишер Қодировга;

Ўзбекистон Экологик партиясидан – Нарзулло Обломуродовга;

“Адолат” социал-демократик партиясидан – Баҳром Абдуҳалимовга алоҳида миннатдорлик билдираман. Уларнинг келгуси ишларига омадлар тилайман."- Шавкат Мирзиёев

Обуна бўлинг http://t.me/yuz_official Ochish/sharhlash

2021-11-06 09:19:11 Шавкат Мирзиёев қасамёд қабул қилди

Ўзбекистон Конституциясининг 92-моддасига биноан, Ўзбекистоннинг сайланган Президенти Шавкат Мирзиёев қуйидагича қасамёд қабул қилди.

«Ўзбекистон халқига садоқат билан хизмат қилишга, республиканинг Конституцияси ва қонунларига қатъий риоя этишга, фуқароларнинг ҳуқуқлари ва эркинликларига кафолат беришга, Ўзбекистон Республикаси Президенти зиммасига юклатилган вазифаларни виждонан бажаришга тантанали қасамёд қиламан».

Қонунчиликка кўра, Президент Олий Мажлис палаталари йиғилишида қасамёдни қабул қилган пайтдан бошлаб ўз лавозимига киришган ҳисобланади.

Обуна бўлинг http://t.me/yuz_official Ochish/sharhlash

2021-01-30 07:04:53 Bugun 30 yanvar O‘zbekiston Respublikasi Birinchi Prezidenti Islom Abdug‘aniyevich Karimovning tavallud kuni.

Oxiratlari obod bo‘lsin

Qalbimizda mangu hayotsiz, aziz yurtboshim!

@geografiya_zakovat Ochish/sharhlash